TAWARIKH 2 16:8 - Alkitab Singog In Mongondow Masa In Tanaa

⁸ Degá diábí kinotaauanmu kon Sudan bo Libia in kotontara mobayong takin nobayong doman in kereta in parang bo tontara inta sinumakoi kon kabaḷo? Umpaka natua táe pinountungbí i Tuhan in iko kon i monia, popisí in iko inumandoḷ kon i-Nia.

TAWARIKH 2 16:8 ပူးပေါင်းရင်းမြစ်များ

TAWARIKH 2 12:3

takin 1.200 in kereta in parang, 60.000 in tontara inta sinumakoi kon kabaḷo, bo tontara mobayong inta diádon koiapan in kobayongnea, noitakin doman in tontara in Libia, Suki bo Sudan.

TAWARIKH 2 13:16

nodapot in noḷagui in mosia. Pinountung i Allah in intau in Yohuda kon i monia.

TAWARIKH 2 13:18

Intau in Yohuda nountung, sin mosia in nopongata kon i Tuhan, Allah in mogoguyang monia.

TAWARIKH 2 14:8

Tontara i Datu Asa in 300.000 in intau in Yohuda inta nomaké in kaḻeaw bo pandong, bo 280.000 in intau in Benyamin inta nomaké in kaḻeaw bo piot. Mosia in komintanbí tontara mita inta mongobarani bo nobiasadon noparang.

TAWARIKH 2 16:7

Kon tungkuḷ intua ki Nabi Hanani namangoi kon i Datu Asa bo noguman, “Popisí in iko inumandoḷdon kon i datu in Siria, bo deemanbí kon i Tuhan Allahmu, dá noinggamádon in kasampatanmu monaḷow kon tontara i datu in Israel.

TAWARIKH 2 24:24

Tontara in Siria in tongábí topiḻik, táe pinomayádon mako i Tuhan in mosia nonaḷow kon tontara in Yohuda inta mobaro-barong tua, sin intau in Yohuda diá mopandungmai kon i Tuhan Allah in mogoguyang monia. Natua in pinohohukum i Tuhan kon i Datu Yoas.

YESAYA 18:2

Nongkon ḻipú tatua namangoidon in totabá mita nongin Ongkag in Nil sinumakoi kon uangga mita sinonkasigan. Ei totabá mita inta mongotoḻidat, ḷagidon pobui kon ḻipúmu inta kinotaḻiban in ongkag mita tatua. Diadon in koyow tobatú potaau kon bangusamu inta moropot bo motorindog, intaumu mita inta moḷantud bo inta moaḷus in kuḻitnea bo inta kinoondok kon sinangkub in dunia.

NAHUM 3:9

Tebe in nomarenta kon Sudan bo Mesir, bo kawasanea in mononoi; Libia bo Put in notobatúnea.