TAWARIKH 2 16:6 - Alkitab Singog In Mongondow Masa In Tanaa

⁶ Bo ki Datu Asa in nonongganutdon kon intau mita nongkon sinangkub in Yohuda sin mogakut kon batu bo kayu inta pinaké i Baesa kon Rama sin moginropot kon kotá tatua. Pakakat mita tatua in pinaké i Asa moginropot kon kotá in Geba bo Mizpa.

TAWARIKH 2 16:6 ပူးပေါင်းရင်းမြစ်များ

DATU MITA IMITÁNEA 15:16

Kon tungkuḷ in pinomarentaan i Datu Asa inta nongkon Yohuda bo Datu Baesa nongkon Israel umuranbí mobaḻí in parang kon sigad in datu doyowa tatua.

DATU MITA IMITÁNEA 15:22

Nopaḷut mako kon tua, bayongan in intau kon Yohuda diá in sinaḻiban pinarenta i Datu Asa sin mobuat kon batu bo kayu inta pinaké i Baesa kon Rama sin pakéon poginrigon kon kotá tatua. Pakakat mita tatua pinaké i Asa sin moginrigon kon kotá in Mizpa bo Geba, kotá tobatú kon butá in Benyamin.

TAWARIKH 1 6:60

Kon butá in suku Benyamin nokouḻí in mosia kon ḻipú mita noiduduimai tanaa noyotakin in rawang mita in bonoknea: Geba, Alemet bo Anatot. Kobayong intua mita in 13 noḻipú sin mobaḻí pogogutunan in motoḷuadí mita monia.

TAWARIKH 2 16:5

Kon dodai in kinodongogan i Datu Baesa intua, nogogaidon in sia noginropot kon Rama bo nonaḷámaidon kon kotá tatua.

TAWARIKH 2 16:7

Kon tungkuḷ intua ki Nabi Hanani namangoi kon i Datu Asa bo noguman, “Popisí in iko inumandoḷdon kon i datu in Siria, bo deemanbí kon i Tuhan Allahmu, dá noinggamádon in kasampatanmu monaḷow kon tontara i datu in Israel.

TAWARIKH 2 21:17

Mosia in nonubu kon Yohuda, bo nogagow kon komaḻig in datu, bo nodia kon bayongan adí bo buḷoi i Yehoram saḷaku intau mita inta dinakop kon parang koḻikudbí in ki Ahazia ki adínea inta muit.

YESAYA 10:29

Mosia in noitaḻibdon kon iḷoḷanan bo nogogai kon Geba! Intau kon kotá in Rama gugur mako, bo intau in Gibea, kotá i Datu Saul, ain noḷagui.

YEREMIA 40:6

Akuoi in minayá kon i Gedalya kon Mizpa, bo nogutun kon inia kon yua-yuak in rayat inta sinaḷáan kon butá in Yohuda.

ZAKHARIA 14:10

Sinangkub in butá nongkon Geba kon utuan modapot in Rimon kon toḷatan, in mobaḻí butá motondodai. Táe Yerusalem in moisindogdon moḷantud totok, moḷantu-ḷantud nongkon butá mita inta kon diugneamai; kotá tatua in moibendar nongkon Bonawang in Benyamin modapot in Bonawang Sikunea, tuata in bonawang Dungkuḷ bo nongkon Ḷangkeang in Hananeel modapot kon pomomugutan kon anggur kapunyaan i datu.

SAMUEL 1 10:17

Dá ki Samuel in nogoiní kon bayongan intau in Israel sinbá moyosipun kon Mizpa,

SAMUEL 1 7:16

Pomuḷoi in taong sia mayá moḻibu kon Betel, Gilgal, bo Mizpa. Bo kon tampat mita tatua sia mopoyotutui in pelekara mita yogenggengan.

SAMUEL 1 7:6

Bo noyosipundon in mosia kon Mizpa. Mosia in nonayú kon tubig bo pinopobutak nobaḻí sosumba kon i Tuhan, noiduduimai kon tua mosia in nopuasa in tosinggai tua. Guman monia, “Kami naa in binaradosadon kon i Tuhan.” (Kon Mizpa tua ki Samuel nomangkoidon nomaḷut kon pelekara mita yogenggeng in intau in Israel.)