TAWARIKH 2 16:4 - Alkitab Singog In Mongondow Masa In Tanaa

⁴ Ki Benhadad noibog kon onu in pinoigum tatua bo poḷat nopotabá kon porwiranea mita noyotakin in tontara monia minayá nonubu kon kotá mita in Israel. Mosia in nonaḷow kon Iyon, Dan, Abel-Bet-Maakha bo bayongan in kotá mita inta nobayong in tongkaaḷ kon Naptali.

TAWARIKH 2 16:4 ပူးပေါင်းရင်းမြစ်များ

KINOBAḺIAN 14:14

Naonda in kinodongogan i Abram kon pokuadíonnea tua kinodomokan, sinipunnea in bayongan intau inta kon bonu in ḷoḷaigannea, mosia inta mongopandoi moparang, kobayong monia tua in toḷu nogatut bo mopuḷú bowaḷu, bo dongka minayá nondudur kon datu taya opat tatua nodapot kon kotá in Dan.

DATU MITA IMITÁNEA 15:20

Noibog in ki Benhadad kon tongganut tatua bo nopotabá in porwiranea mita noyotakin in tontara mita monia minayá nonubu kon kotá mita in Israel. Mosia in nonaḷow kon Iyon, Dan, Abel-Bet-Maakha bo Kinerot kon diug in Danow Galilea bo bayongan in butá in Naptali.

DATU MITA IMITÁNEA 9:19

Kotá mita inta pinotagúan kon tongkaaḷ, bo kotá mita inta nobaḻí pososipunan kon kereta in parang bo kabaḷonea. Bayongan in tomayá pobangonan kon Yerusalem, Libanon, bo kon bayongan in butá inta kon bonu in kawasanea aindon inaidannea.

DATU MITA 2 16:9

Ki Datu Tiglat-Pileser in notubag kon oigum i Ahas, bo nonubu poḷat nogagow kon Damsyik. Intau mita inta nogutun kon tua in dinianea nobaḻí intau mita inta sinoko dakop bo dinia pinobayá in Kir, bo datunea, inta ki Datu Rezin, in iḻimodnea.

TAWARIKH 2 16:3

“Koḻigai in kita mogaid kon yoyobayatan ná inta inaidan in guyanga mita naton. Tanaa akuoi in nokidia in buḷawan bo saḷaka nobaḻí tombuinag, bo monongganut kon i Tuang momontowdon kon yoyobayatan takin i Baesa datu in Israel, sinbá buineadon gamáan in tontaranea mita nongkon butá kawasa ku.”

TAWARIKH 2 16:5

Kon dodai in kinodongogan i Datu Baesa intua, nogogaidon in sia noginropot kon Rama bo nonaḷámaidon kon kotá tatua.

TAWARIKH 2 17:12

Natuata in nobaḻí, koonggot-koonggot koḷoben-koḷobendon in kawasa i Yosapat. Kon sinangkub in Yohuda noposindog in sia in dinding bo kotá mita inta pototagúan kon tongkaaḷ.

TAWARIKH 2 8:6

Bo pinosindognea doman bui in kotá in Baalat, bo bayongan in kotá inta pototagúan kon tongkaaḷ, bo kotá mita doman inta pototagúan kon kereta mita in parang takin kabaḷonea. Bayongan in tomayá moposindog intua in kon Yerusalem, Libanon bo bayongan in butá kawasa nea in ain inaidannea.

IḶUAIAN 1:11

Dá intau mita in Mesir nomiḻídon kon intau mita nobaḻí toimata kon intau mita Israel sin moposaged kon kobobiag monia takin momakisa totok kon i monia mogaid. Mosia in pinakisa moposindog kon i datu in kotá mita Pitom bo Raamses sin baḻíon tampat potagúan kon barang mita.

YESAYA 9:1

Bangusa inta nobiag kon bonu in sindip mokoontongdon kon bayag moḷoben. Inta nogutun kon bonu in oḻinow in popatoi sinimbayagan in sindar nobayag.

TIMOTIUS 1 6:10

Sin pomangkoian in bayongan inta moraat naa in ibogbí kon doit. Aindon tongonumai degá in intau inta umuran moramuji motayak kon doit, sahingga in diádon dinumudui kon totundú in agama Keresten, dá tongádon roriga in moiantug kon i monia bo inta mokoajar doman kon gina in kodungkuḷan monia tua.

PETRUS 2 2:15

Popisí in mosia bo doí dumudui kon onu inta noitutui, dá noiḷangkamdon in mosia. Mosia in dinumuduidon kon i Bileam ki adí Beor tungkuḷ intua. Ki Bileam naa in moibog totok tondanan sinbá mogaid kon inta moraat.

HAKIM MITA 20:1

Dá namangoidon in bayongan umat in Israel nongkon Dan kon utuan nodapot in Bersyeba kon toḷatan, bo Gilead kon pomukaan, sin dumudui kon oiní tatua. Mosia in noyosipun bo notobatú kon Mizpa kon tayowon i Tuhan.