TAWARIKH 2 16:2 - Alkitab Singog In Mongondow Masa In Tanaa

² Dá ki Datu Asa in nogamá kon buḷawan bo saḷaka nongkon Baḷoi Tuhan bo kon komaḻig in datu, bo pinoki dianea kon Damsyik kon i Benhadad datu in Siria takin koyow nanaa,

TAWARIKH 2 16:2 ပူးပေါင်းရင်းမြစ်များ

DATU MITA IMITÁNEA 15:18

Tuamai in ki Datu Asa nogamá kon bayongan in buḷawan bo saḷaka inta kon bonupa in Baḷoi Tuhan bo kon komaḻig in datu bo pinoki dianea kon Damsyik kon i Benhadad datu in Siria, adí i Tabrimon, inta ki ompu i Hesion. Pakakat mita tatua in pinoki dia pinongin tongonumai in intau moḷoben kon komaḻig, takin koyow nanaa,

DATU MITA 2 12:18

Dá ki Yoas in nokidia in doit potobut kon inia. Doit tatua in nouḻínea nongkon bayongan in sosumba inta koḻipod ain inogoi i Yoas tontaní kon i Tuhan bo i Yosapat, i Yoram bo i Ahazia, datu mita inta nomarenta noiuna kon inia. Bo nongkon bayongan doman buḷawan kon bonu in kas in Baḷoi Tuhan bo komaḻig in datu. Dá diá notuoi nonubu in ki Hazael kon Yerusalem.

DATU MITA 2 16:8

Ki Ahas in nogamá doman kon buḷawan bo saḷaka nongkon Baḷoi Tuhan, takin kapunyaan in komaḻig, bo pinoki dia nobaḻí tombuinag kon i datu in Asyur tatua.

DATU MITA 2 18:15

Tuamai, bayongan in saḷaka kon Baḷoi i Tuhan bo kon bonu in kas in komaḻig pinoki atod i Hizkia kon Sanherib.

TAWARIKH 2 16:1

Kon taong intoḷu nopuḷú bo onom kon pinomarentaan i Datu Asa kon Yohuda, ki Baesa datu in Israel nonubu kon Yohuda bo noginropot kon kotá in Rama sin moḷamboi kon daḷan ḷumuai tumuot kon Yohuda.

TAWARIKH 2 16:3

“Koḻigai in kita mogaid kon yoyobayatan ná inta inaidan in guyanga mita naton. Tanaa akuoi in nokidia in buḷawan bo saḷaka nobaḻí tombuinag, bo monongganut kon i Tuang momontowdon kon yoyobayatan takin i Baesa datu in Israel, sinbá buineadon gamáan in tontaranea mita nongkon butá kawasa ku.”

TAWARIKH 2 28:21

Dá pakisadon in ki Ahas nogamá kon buḷawan nongkon Baḷoi Tuhan, nongkon komaḻig, bo nongkon baḷoi mita in itoi mita in rayat, bo nobogoi kon i datu in Asyur. Tongá tua doman in diábí doman baraguna kon inia.

YEREMIA 49:23

Naa in pinoguman i Tuhan soaḷ Damsyik. “Intau inta nogutun kon kotá in Hamat bo Arpad in mogagawang bo moḻia-ḻiaw in gina popisí in nokodongog kon habar diá mopia. Gina monia in moondok bo moitoḻimayang mako naonda bo bokoḷ in dagat.