TAWARIKH 2 16:14 - Alkitab Singog In Mongondow Masa In Tanaa

¹⁴ Mayatnea in pinakéan in toyokayu nongkon pododungú mita bo inta mongo bo mongobondu, bo iḷobong kon poḷoḷobongan kon datu kon Kotá i Daud. Bo saḷaku horomat kon inia rayat nonontuḷúdon noḷoben totok.

TAWARIKH 2 16:14 ပူးပေါင်းရင်းမြစ်များ

KINOBAḺIAN 50:2

Ki Yusup in nomarenta kon intau mita inta mononompia kon mayat sinbá pakéandon in bahan mita inta ponahang kon mayat bá diá mobondot in mayat i Yakub.

KINOBAḺIAN 50:5

‘Tungkuḷ in ki amáku motoyongdon matoi, pinoigumneadon kon inakó sinbá akuoi in modandi kon inia, kon akuoi in mustibí moḷobong kon inia kon bonu in poḷoḷobongan inta ain sinadianea kon butá in Kanaan. Tuamai, ogoiaipa akuoi in wakutu mayá moḷobong kon i amáku. Mopaḷut mako kon tua akuoi in buibí mamangoi.’ ”

SAMUEL 2 2:32

Nopaḷut mako kon tua ki Yoab bo intaunea mita in nobuatdon kon mayat i Asael bo iḷobong monia kon bonu in poḷoḷobongan in motoḷuadí kon Betlehem. Bo mosia in minayá in tonggobii tua bo nodapot in Hebron kon tungkuḷ in modiugdon mobayag.

TAWARIKH 2 16:13

Doyowa notaong noiduduimai kon tua minatoi in sia.

TAWARIKH 2 21:19

Gogió bo doyowa notaong in takit tatua bo kodugang-kodugangdon in roriganea nodapot in minatoi in sia. Rayatnea in diábí nopoyongkit in tuḷú moḷoben nobaḻí tomponuot kon dumudui nonogumatoi ná biasamai aidan monia kon mogoguyang monia.

TAWARIKH 2 32:33

Ki Hizkia in minatoi, bo iḷobong kon potakodan kon butá inta poḷoḷobongan kon datu mita. Bayongan in rayat in Yohuda bo Yerusalem nohoromat totok kon inia kon tungkuḷ in sia minatoi. Ki Manasye ki adínea ḷoḷaki in nobaḻí datu nomaḷui kon inia.

TAWARIKH 2 35:24

Binuat monia in sia nongkon keretanea bo pinamping kon kereta ibanea inta kon tua, onda intua dinia pinobayá in Yerusalem. Kon tua minatoi in sia bo iḷobong kon poḷoḷobongan kon datu mita. Bayongan in rayat Yohuda bo Yerusalem nonogumatoi kon kinopatoiannea.

MOHOHUTUBA 10:1

Ḷangow inta minatoi mokobongkog kon ḷana mobondu tobotoḷ, kabodokan topiḻik mokoinggamá kon kapandoian inta moḷantud.

YESAYA 22:16

“Kainimukamai dá ki inebí in iko naa? Onu in hakmu nodapot in iko nomakang kon poḷoḷobongan kon inimu kon buḷud batu?

YEREMIA 34:5

táe matoibí takin motomoman. Bo ná doman onda in pinototubá in rayat kon kamania kon dodai in noḷobong kon mogoguyangmu inta nomarenta noiuna kon inimu, yo natua doman in rayat in motubá kon kamania kon inimu. Mosia in mononogumatoibí bo moguman, ‘Adodoia kaasí! Datu nami in diádon!’ Akuoi, ki Tuhan, ain nosingog.”

MARKUS 16:1

Naonda in noitaḻibdon in singgai in Sabat, ki Maria Magdalena, ki Maria ki iná i Yakobus bo i Salome minayá notaḷui kon toyokayu mita sin poḷana kon mayat i Yesus.

SAMUEL 1 31:12

bo intau mita inta totok in mongobarani nobuat nongkon tua bo minayá in Bet-Sean kinoouput in doḷom tua. Pinopoponag monia in mayat i Saul bo mayat i adínea mita ḷoḷaki nongkon dinding in kotá tatua bodongka dinia monia kon Yabesh, bo sinubá monia.