TAWARIKH 2 15:9 - Alkitab Singog In Mongondow Masa In Tanaa

⁹ Nobayong in intau in Epraim, Manasye, bo Simeon in dinumugangdon kon i Asa bo nogutun kon butá dodatuan nea, sin inontongdon monia kon ki Tuhan in notuḷung kon inia. Ki Asa in nopotabá kon bayongan in intau tatua takin rayat in Yohuda bo Benyamin

TAWARIKH 2 15:9 ပူးပေါင်းရင်းမြစ်များ

KINOBAḺIAN 26:28

Tubag monia, “Tanaa in kinotaauandon nami kon ki Tuhan nogoḻiung kon inimu bo kon bonu in raian nami maníka kita mogaid kon dodandian. Pongibotdon

KINOBAḺIAN 39:3

Inontong i Tuangnea kon ki Tuhan notuḷung kon i Yusup dá tuamai ki Yusup umuran mokodungkuḷ kon inta mopira onukabí in aidannea.

DATU MITA IMITÁNEA 12:19

Pinangkoi kon tatua rayat kon dotá in utuan dodatuan in Israel umurandon momarontak kon datu mita inta buí i Daud.

DATU MITA IMITÁNEA 3:28

Kon dodai in bangusa in Israel nokodongog kon soaḷ bontow in tosingogon i Salomo kon bonu in pelekara tatua, nobangkaḷdon in mosia kon inia. Sin noniatadon kon ki Allah ain nobogoi kon inia in kabijaksanaan sin mopoaid in inta moadil.

TAWARIKH 1 12:19

Kon tungkuḷ in ki Daud noyotakin in intau in Pilistin monayow kon i Datu Saul, tongosilai nongkon tontara in suku Manasye iḷumoḷan namangoi kon i Daud. Sabanarnea ki Daud in diábí notuḷung kon intau mita in Pilistin tatua. Itoi mita in Pilistin nopotabádon kon inia mobui kon Ziklag sin moondok in mosia dika-dikabo ḷumoḷan in sia mayá kon i Datu Saul bo dumugang bo mopororiga kon i monia.

TAWARIKH 2 11:16

Intau mita nongkon bayongan in suku Israel inta totu-totuudon moibog mosumba kon i Tuhan, Allah in Israel, nomamping kon Yerusalem, dinumudui kon intau mita in Lewi tatua sinbá motaau moposumba in kuruban kon i Tuhan, Allah inta sinumba in mogoguyang monia.

TAWARIKH 2 15:10

noyosipun kon Yerusalem. Dá noyosipundon in mosia kon buḷan nogintoḷu kon taong impuḷú boḻimanea kon pinomarentaan i Asa.

TAWARIKH 2 19:4

Ki Yosapat in nogutun kon Yerusalem. Táe sia in mokakitbí in mayá moindoi kon rayatnea kon bayongan in butá sin monongganut kon i monia mobui mangoi kon i Tuhan, Allah in mogoguyang monia.

TAWARIKH 2 30:25

Rayat in Yohuda, imang mita, intau mita in Lewi, bo intau mita inta namangoi nongkon utuan, bo intau mita ango-angoi inta ain nogutun notantú kon Israel bo Yohuda, komintandon noḷunganga in gina.

YEHEZKIEL 37:16

“Ei intau ilo-ilow, gamádon in tungkud tobatú bo paisdon in tosingogon mita tanaa kon ḻimonikannea, ‘Dodatuan in Yohuda’. Bo gamá in tungkud tobatú ibanea, bo paisdon kon ḻimonikannea: ‘Dodatuan in Israel’.

OUMAN IN RASUL MITA 9:31

Dá bayongan in jamaat kon Yudea, Galilea bo Samaria komintan nopia in gina. Takin totuḷung in Roho i Allah, bo takin doman toguondok kon i Tuhan, bayongan in jamaat koropot-koropotdon bo kodugang-kodugang domandon in kobayongnea.

SAMUEL 1 18:28

Natua in nobaḻí dá kinotaauandon i Saul kon ki Tuhan in noḷukadon bo kinotabi i Mikhal; adínea bobay.