TAWARIKH 2 15:7 - Alkitab Singog In Mongondow Masa In Tanaa

⁷ Táe moiko in mustibí mokoporoton kon gina bo mokopobarani. Onu in totayakmu in kodapotanmubí.”

TAWARIKH 2 15:7 ပူးပေါင်းရင်းမြစ်များ

KINOBAḺIAN 15:1

Nopaḷut mako kon tua, ki Abram nokoontong kon oontongon bo nokodongog kon i Tuhan noguman kon inia, “Dika moondok, Abram, ḷukadan-Kubí in iko nongkon bodito, bo moḷoben totok tondan in pinogaidanmu in ogoi-Ku kon inimu.”

TAWARIKH 1 28:20

Onda intua ki Datu Daud noguman bui kon i Salomo adínea ḷoḷaki. “Iko in musti mokopoyakin bo mokopobarani. Pangkoidon in oaidan tatua bo dika moondok kon onuka. Ki Tuhan Allah inta sinumbaku in motuḷungbí kon inimu. Diábí in Sia monaḷámai kon inimu. Umuran-Neabí takinan in iko modapot in moḷapatdon komintan in oaidan tatua.

TAWARIKH 2 19:11

Ki Imang Moḷoben ki Amarya inogoianku in kawasa moḷantud kon bayongan in pelekara soaḷ hukum mita in agama. Ki Zebaja ki adí i Ismael, inta ki gubernur in Yohuda, inogoianku in kawasa moḷantud kon bayongan in pelekara ibanea. Intau mita in Lewi in kitogi totaau moḷukad sinbá kaputusan mita in pongadilan in aidan. Duduiai in topotundú mita tanaa bo aidai intua totu-totuu. Igumon mako ki Tuhan kotaki-takin in intau inta moadil!”

TAWARIKH 2 32:7

“Korigon in gina bo mokopoyakin; dikabí moondok kon i datu in Asyur andeka kon tontaranea. Kitabí in moropo-ropot in mosia.

MAZMUR 19:11

Hukum i Tuhan in kon ḻimonikanbí in buḷawan taakan, moromi-romimitbí nongkon biluk taakan.

MAZMUR 27:14

Pongamangdon kon i Tuhan, iropotai bo irotonai in ginamu; oo, pongamangdon kon i Tuhan!

MAZMUR 58:11

Mokoontong kon intau moraat hukumon, mopia in gina in intau motuḻid, bo momatá kon sioḷnea kon bonu in dugú in intau moromú.

YEREMIA 31:16

Gogaiai in ombaḷmu bo paḻitai in ḷuámu! Diábí doman inta diá in mangaḻenea in inta iḷongasimu kon i adímu mita. Kon inimu oyúonbí in tontuḻínea, ki adímu mita in mobui nongkon butá in musung.

DANIEL 10:19

Sia in noguman, “Ki Allah in notabi kon inimu, tuamai dikadon moḻia-ḻiaw in gina andeka moondok, yo, koropotdon!” Kon dodai in sia noguman natua, kinorasaanku kon nodugangdon bui in ropotku bo noguman, “Posingogdon, Tuangku. Ki Tuang in nodugangdon kon ropotku.”

ZAKHARIA 8:9

Ki Tuhan in noguman kon umat-Nea, “Koropot in ginamu! Tanaa moiko in nokodongogdon kon tosingogon mita inta ain doman siningog in nabi kon dodai in dodatoḷan inukat, sin moposindog bui in Baḷoi-Ku.

MATIUS 5:12

Koḷunganga bo kopiadon in gina monimu, sin moḷoben in mouḻímu kon soroga, sin nabi tungkuḷ intua in pinogutú doman monia natua.”

MATIUS 5:46

Táe aka moiko bo tongá motabi kon intau inta motabi doman kon inimu, onubí in mangaḻenea? Diá kinotaauan monimu degá kon mononagi mita doman kon pajak mogaid doman kon natua?

MATIUS 6:1

“Pokotoropdon, donaai moiko mogaid kon onu inta pinarenta in agamamu kon tayowon intau sinbá koontongan monia. Sin aka natua yo diábí in mangaḻenea, bo ki Amámu inta kon soroga in doíbí in natua.

MATIUS 6:18

sinbá diá kotaauan in intau kon iko in koyogot mopuasa, pomayádon mako sinbá tongá ki Amámu inta kon tampat noiadop in mokotaau. Bo Sia inta nokotaau kon inta oaidmu noibuni tatua mobogoi kon onu inta sinayakmu.”

MATIUS 6:4

Ḷongasi bá diá kotaauan in intau ibanea, koḻikudon ki Amámu kon soroga in monotaau. Sin Sia inta nokoontong kon oaidmu natua in mobogoi bui kon inimu.”

MATIUS 6:6

Táe aka iko bo mosambayang, tuotdon kon gopot, bo kunsíai in ḷoḻingkop bodongka mosambayang kon i Amámu inta kon tampat noibuni. Dá ki Amámu inta nokoontong kon inimu in mobogoibí kon onu inta koibogmu.

LUKAS 6:35

Sabanarnea in deemanbí natua! Nanaabí in musti aidan monimu: Kotabibí in saturumu bo aidai in onu inta mopia kon i monia, bo popoḷuanaibí in mosia, táe donaai potayakan kon kauntungan in mosia. Aka natua in aidan monimu, yo moiko in motarimabí kon bungai in oaidmu inta moḷoben totok bo moiko in mobaḻí doman ki adí mita i Allah Inta Totok in moḷantud. Sin Sia in mopiabí doman kon intau mita inta diá motaau mosukur kon i Allah bo kon intau mita moraat.

KORINTUS 1 15:58

Tuamai uḻe utatku mita inta kinotabiku, mokoporopot bo kotorindog. Umuran totu-totuu pogundoi kon i Tuhan, sin kinotaauanbí monimu kon bayongan inta inaidan monimu kon i Tuhan, komintanbí baraguna.

KORINTUS 1 16:13

Umuran mokopoingat! Sindog kotorindog kon bonu in pirisayamu saḷaku intau Keresten. Mokopobarani bo mokoporopot!

KORINTUS 1 3:14

Aka bangunan inta pinosindog kon bangunan tatua bo diá mopokak, yo intau tatua in motarimabí kon boḻi in onu inta inaidannea tatua.

KORINTUS 1 3:8

notongkaibí in taya dua tua, tongábí tumpaḷa motarima kon boḻi in ḷopí monia.

EPESUS 6:10

Naa in singogku pangabisan, paké in ropot inta nouḻí monimu nongkon kawasa i Tuhan, sin moiko in notobatúdon takin-Nea.

KOLOSE 3:24

Sinbá kotaauan monimu, tarimaanbí monimu in tontuḻínea nongkon i Tuhan. Onu in sinadia i Tuhan kon umat-Nea, tuabí in ogoi kon inimu. Sin tuang sabanarnea inta yogot bantungan monimu tua in ki Kristusbí tontaní.

IBRANI 10:35

Manangka intua, dikabí ukatan monimu in onu inta ain pinirisaya monimu sin aka moiko umuran mopirisaya, dá moḷobenbí in mangaḻe inaidanmu tua!

IBRANI 6:10

Sin ki Allah in moadilbí. Diábí koḻiongan-Nea in onu inta ain inaidan monimu kon i-Nia, bo tabi inta pinoontong monimu kon i-Nia wakutu in notuḷung kon utat mita inta tumpaḷa mopirisaya kon i Kristus tungkuḷ intua bo masa in tanaa.

YOSUA 1:6

Pokoyakin bo pokobarani in iko, sin ikobí in modia kon bangusa tanaa kon tungkuḷ in mosia ḻimitú kon butá inta pinodandi-Ku kon mogoguyang monia.

YOSUA 1:7

Tongá, musti in iko totu-totuu moyakin bo mobarani. Musti totu-totuumu ḷukadan bo duduian in bayongan hukum inta inogoi i Musa mogogundoi-Ku tua kon inimu, dikabí taḷaanmu in topiḻikamai, dá onuka in aidanmu kodapotanbí.

YOSUA 1:9

Pokotorop, Akuoi ain nomarenta kon inimu sinbá totu-totuudon in iko moyakin bo mobarani! Dika in iko moondok ande mogagawang, sin Akuoi ki Tuhan Allahmu in umuranbí kotaki-takinmu kon ondakabí in bayáanmu.”

YOSUA 14:14

Dapot in tanaa mako kotá tatua umuranpabí nobaḻí kapunyaan budel in buí i Kaleb adí i Yepune, intau in Kenas tatua, sin sia in notoḷutui bo notoindudui kon i Tuhan, Allah in Israel.

YOHANES 2 1:8

Sin tuamai, mokopoingat sinbá moiko in diá kobuḻian in onu inta ain iramuji nami sin kopontingan monimu. Poramujidon totok sinbá moiko in motarima kon tontuḻí in bayongan inta ain inaidanmu.

RUT 2:12

Poigumon mako ki Tuhan in mobogoi in tontuḻí kon bayongan in aidmu inta mopia. Poigumon mako iko in motarima kon onu inta patus ogoi i Tuhan, Allah in Israel kon inimu, sin iko ain namangoi mokiḷukad kon i-Nia!”