TAWARIKH 2 14:7 - Alkitab Singog In Mongondow Masa In Tanaa

⁷ Guman i Asa kon rayat in Yohuda, “Koḻigai in kita moginropot kon kotá mita takin modinding poḻibuon bo ḷangkeangnea mita takin doman bonawang bonoboinea. Kinawasaandon naton in butá tanaa sin kita in dinumuduidon kon ibog i Tuhan Allah naton. Sia in noḷukad kon i naton bo nobogoi in kaamanan kon bayongan in butá naton.” Dá nomangkoidon in mosia noposindong bo noginḷapat kon oaidan mita tatua pia-pia mako.

TAWARIKH 2 14:7 ပူးပေါင်းရင်းမြစ်များ

DATU MITA IMITÁNEA 15:23

Ouman ibanea inta nongonguman kon i Asa, soaḷ kobobaraninea bo kotá mita inta inirigonannea, aindon pinais kon bonu in buk Ouman in datu mita in Yohuda. Kon tungkuḷ in nogoguyangdon, ki Asa kinotugatan in takit kon sioḷnea doyowa nosimpaḷ.

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

TAWARIKH 2 14:4

Intau mita in Yohuda kon kobiagan monia dinumuduibí kon onu inta kinoibog i Tuhan, Allah in moguyang monia, bo dinumudui kon totundú mita bo parenta-Nea mita.

TAWARIKH 2 14:6

dá notaaudon in sia noposindog poḷoḷukadan mita kon kotá mita in Yohuda. Tongonumai notaong diábí in parang sin ki Tuhan in nobogoi in kaadaan noonow kon inia.

TAWARIKH 2 15:15

Bayongan in rayat Yohuda noḷunganga in gina sin mosia in nomiadon kon ibot tatua takin ḻimbatú in gina. Mosanang in gina monia in noibada kon i Tuhan, bo ki Tuhan in noibog doman notarima kon i monia. Inogoi-Nea kon i monia in kaadaan inta moonow kon butá monia.

TAWARIKH 2 17:13

Nosipun in sia kon nobayong totok in tongkaaḷ kon kotá mita tatua. Kon Yerusalem in sinampatannea doman in porwira mita inta mongotorindog,

TAWARIKH 2 17:17

Tongguḷu totokan in pinonobatúan nongkon inanakan mita kon bonu in suku Benyamin in ki Elyada, tontara tobatú inta motorindog. Sia in nobaḻí tongguḷu in 200.000 in tontara inta notouḷut in piot bo kaḻeaw.

TAWARIKH 2 20:30

Tuamai in ki Yosapat nomarenta takin pia, bo ki Tuhan in nobogoi kon inia in kaadaan dame kon bayongan in butá.

TAWARIKH 2 25:5

Ki Datu Amazia in nosipun kon bayongan in intau suku in Yohuda bo Benyamin bodongka nopotabá kon i monia sinimindog podudui in inanakan monia tontaní, kon bonu in tongganut in itoi in tontara toribu bo itoi in tontara mogatut. Onda intua nomiḻí in sia kon intau mita inta umur doyowa nopuḷú notaong bo namonik inta motaaudon moparang bo mopandoi mopomaké in pandong bo kaḻeaw. Kobayong monia in 300.000 in intau.

TAWARIKH 2 32:5

Bo ki datu in noginropot kon poḷoḷukadan in kotá pinongin nonompia kon dindingnea, noposindog in ḷangkeang mita kon tudunea bo noposindog in dinding ibanea kon ḷuai. Koḻikud intua nonompia doman in sia kon dinding inta pinosindognea kon tudu in butá inta pinomumbun kon dotá in pomukaan kon dotá in Yerusalem koyongan. Nopotabá doman in sia nokiaid in nobayong totok in pandong bo kaḻeaw.

TAWARIKH 2 8:5

Kotá in Bet-Horon-Ḻimonik bo Bet-Horon-Ḻimonag pinosindognea bui nobaḻí kotá inta oyúon in poḷoḷukadan takin pinogaidan kon bonawang inta pinakéan in bonoboi in ḷoḻingkop.

YOHANES 9:4

Kon dodai in nobayagpa, kita in musti mogaid kon oaidan i-Nia inta nopotabá kon i-Nakó. Moiangoibí in doḷom, bo diábí in tobatúmai intau in motaau mogaid.

OUMAN IN RASUL MITA 9:31

Dá bayongan in jamaat kon Yudea, Galilea bo Samaria komintan nopia in gina. Takin totuḷung in Roho i Allah, bo takin doman toguondok kon i Tuhan, bayongan in jamaat koropot-koropotdon bo kodugang-kodugang domandon in kobayongnea.

YOSUA 23:1

Noonggot naonda in ki Tuhan nobogoi in kobiagan notompia kon umat in Israel; mosia in diá bidon sinuyayow in musung. Kon dodai intua ki Yosua nogoguyangdon totok.

PETRUS 1 3:12

Sin umuranbí indoian i Tuhan in intau mita inta dinumudui kon onu inta kinoibog-Nea, bo umuranbí i Tuhan indongogan in sambayang mita monia; táe ki Tuhan in moḷawangbí kon intau mita inta umuran mogaid kon onu inta moraat.”