TAWARIKH 2 14:6 - Alkitab Singog In Mongondow Masa In Tanaa

⁶ dá notaaudon in sia noposindog poḷoḷukadan mita kon kotá mita in Yohuda. Tongonumai notaong diábí in parang sin ki Tuhan in nobogoi in kaadaan noonow kon inia.

TAWARIKH 2 14:6 ပူးပေါင်းရင်းမြစ်များ

DATU MITA IMITÁNEA 5:4

Táe tanaa in ki Tuhan Allahku ain nobogoi in kobiagan notompia kon bayongan in butá inta kon bonu in kawasaku. Bo diá bidon in musungku, bo diá doman in bodito in noiuma kon butáku.

TAWARIKH 1 22:13

Aka iko dumudui kon bayongan in hukum inta inogoi Tuhan kon i Musa kon bangusa in Israel, yo iko in mokodapotbí kon onu inta nobaḻí niat. Iko in mustibí moyakin bo mobarani. Dika moondok in moyogintayow in onukabí.

TAWARIKH 1 22:9

Umpaka natua, nodandi in Sia kon inakó nanaa: ‘Iko in mokouḻíbí kon adí ḷoḷaki tobatú inta momarenta takin mobiag motompia sin Akuoi in motuḷung kon inia dá diá in musung in monubu kon inia. Sia in tangoian ki Salomo sin kon bonu in sia in momarenta, Akuoi in mobogoibí in kobiagan motompia bo moaman kon bayongan in Israel.

TAWARIKH 2 15:15

Bayongan in rayat Yohuda noḷunganga in gina sin mosia in nomiadon kon ibot tatua takin ḻimbatú in gina. Mosanang in gina monia in noibada kon i Tuhan, bo ki Tuhan in noibog doman notarima kon i monia. Inogoi-Nea kon i monia in kaadaan inta moonow kon butá monia.

TAWARIKH 2 17:4

táe tongábí moibada kon i Allah. Sia in motoindudui kon bayongan in parenta i Allah, bo kobobiagnea in diábí ná datu mita in Israel.

TAWARIKH 2 20:30

Tuamai in ki Yosapat nomarenta takin pia, bo ki Tuhan in nobogoi kon inia in kaadaan dame kon bayongan in butá.

TAWARIKH 2 26:5

Ki Zakharia in mononongginanea. Kon bonu in ki Zakharia nobiagpa, ki Uzia in umuranbí nosatia in noibada kon i Tuhan dá binarakatan i Tuhan in sia.

TAWARIKH 2 31:21

Sia in nokodapot kon oaidannea, sin bayongan inta inaidannea kon kopontingan in Baḷoi Tuhan andeka dumudui kon hukum mita i Tuhan, pinobayá takin ḻimbatú in gina bo takin doman tabi kon i Tuhan Allahnea.

TAWARIKH 2 34:3

Naonda in waḷudon notaong in nobaḻí datu, kon umur inta totokpa in noguod, ki Yosia in nomangkoidon noibada kon i Allah inta sinumba i Datu Daud mogoguyangnea. Opat notaong noiduduimai nomangkoidon in sia norimumud kon tampat mita pososumbaan kon berhala, patong mita i dewi Asyera, bo berhala mita ibanea.

AYUB 34:29

Aka ki Allah in monantúdon kon tongá kibio-biómai, diábí tobatúmai in intau mokobaḻí mosingog kon i-Nia. Aka mogadop in Sia, diábí tobatúmai intau in mokouḻí kon i-Nia.

MAZMUR 46:9

Igai, indoiaika mongo onu in pinomia i Tuhan, totuu mokoherang in oaidan-Nea kon dunia!

YOSUA 23:1

Noonggot naonda in ki Tuhan nobogoi in kobiagan notompia kon umat in Israel; mosia in diá bidon sinuyayow in musung. Kon dodai intua ki Yosua nogoguyangdon totok.

HAKIM MITA 3:11

Dá nobiagdon noaman bo notompia in butá tatua kon bonu in opat nopuḷú notaong in koonggotnea. Onda intua minatoidon in ki Otniel.

HAKIM MITA 3:30

Singgai intua Moab sinaḷow in Israel, dá noaman bo nobiagdon notompia in butá tatua waḷu nopuḷú notaong in koonggotnea.

HAKIM MITA 5:31

Poigumon mako in musung-Mu mita, o Tuhan, matoi ná ki Sisera, táe bayongan in yobayat-Mu in monindar naonda bo mata in singgai kon ḷangit! Nopaḷut mako kon tua, nobiagdon notompia in butá tatua opat nopuḷú notaong in koonggotnea.