TAWARIKH 2 14:3 - Alkitab Singog In Mongondow Masa In Tanaa

³ Sinoko ḷumbúnea in mezbah mita in bangusa ibanea bo tampat mita pososumbaan kon berhala. Tugu mita in dewa irimumudnea, bo oigi mita in patong i Dewi Asyera inumpagnea.

TAWARIKH 2 14:3 ပူးပေါင်းရင်းမြစ်များ

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

DATU MITA 2 18:4

Irimumudneadon in tampat mita pososumbaan kon dewa, bo inumpagnea domandon in tugunea mita poḷat nomoguyaat kon patong i Dewi Asyera. Bo irimumudnea doman in uḷag bitú inta pinomia i Musa inta sinangoian Nehustan. Sin, noidapot in kon dodai intua intau in Israel tantúpa doman motubá kon dupa sin mohoromat kon uḷag bitú tatua.

DATU MITA 2 23:14

Tugu mita in dewa bo patong i dewi Asyera in inumpag, bo butá inta pinoposindogan in tugu mita bo patong mita tatua, binumbunan i Yosia in tuḷan mita in intau.

DATU MITA 2 23:6

Patong mita i Dewi Asyera pinoḷuainea nongkon bonu Baḷoi Tuhan, bo dinia kon ḷuai in kotá kon Ḷopá in Kidron. Kon tua patong tatua sinubá, bo buingnea in dinodok kino rumomok, bo ḷobudnea in pinorarit kon tudu in poḷoḷobongan kon intau mita.

TAWARIKH 2 14:2

Ki Asa in nokosanang kon gina i Tuhan Allahnea sin nogaid kon inta moadil bo mopia.

TAWARIKH 2 14:4

Intau mita in Yohuda kon kobiagan monia dinumuduibí kon onu inta kinoibog i Tuhan, Allah in moguyang monia, bo dinumudui kon totundú mita bo parenta-Nea mita.

TAWARIKH 2 15:17

Umpaka diá komintan tampat pososumbaan kon berhala kon butá tatua irimumud i Asa, táe sia in umuranbí mosatia kon i Tuhan kinoouput in kinobiagannea.

TAWARIKH 2 33:16

Onda intua sinompianea in mezbah tampat pooibadaan kon i Tuhan bo noposumba kon tua in kuruban dodamean bo kuruban sukur. Bayongan intau in Yohuda pinoki ibadaannea kon i Tuhan Allah in Israel.

TAWARIKH 2 34:4

Patong mita bo berhala mita tatua in irimumud in intau mita i Yosia bo rimumudnea in pinonabudnea kon tudu in pinoḷobongan kon intau mita inta noposumba in kuruban kon berhala mita tatua. Mezbah mita i Baal bo mezbah mita in dupa inta kon tua in inumpag monia.

IḶUAIAN 34:13

Dá, dikadon mogaid kon natua, táe tokoumpagdon in mezbah mita monia, rimumudon in tugu mita karamat monia bo toko pupuḷdon in oigi mita i Asyera, berhala monia.

IMAMAT 26:30

Rimumudon-Kudon in tampat mita pososumbaanmu kon tudu in buḷud mita, mogumpag kon mezbahmu mita tampat pototubáan kon dupa, bo mopogambat in mayat mita monimu kon tudu in toḻindua mita in Tuhanmu inta ain noumpag tatua. Takin yaat in gina

ULANGAN 7:25

Tubádon in patong mita berhala inta sinumba monia. Dika mongibog kon saḷaka ande buḷawan inta kopake-paké monia bo dika mogamá sin pakéonmu tontaní. Aka moiko ḻimimpat kon parenta tatua matoi in moiko, sin ki Tuhan Allahmu in doíbí in mokoontong kon posumbaan kon patong berhala.

ULANGAN 7:5

Tuamai, umpagdon in mezbah mita in bangusa mita tatua, rimumudon in oigi mita batu inta inanggap monia mokaramat, pupuḷdon in lambang mita i Asyera, bo tubádon in patong mita berhala inta sinumba monia.