TAWARIKH 2 14:13 - Alkitab Singog In Mongondow Masa In Tanaa

^13-14 Ki Asa bo tontaranea in nondudur kon i monia nodapot in Gerar. Kon dotá in Sudan nobarong totok in minatoi dá tontara monia in diádon mokopongonu sin irimumudon i Tuhan bo tontara doman mita in Yohuda nogagowdon kon nobayong totok in pakakat monia. Onda intua tontara in Yohuda norimumud kon kotá mita kon butá mita inta kon diug in Gerar, sin ki Tuhan in nopobaḻídon kon intau mita inta kon tua inagían in ondok. Tontara in Yohuda nogagow kon bayongan in kotá tatua bo nokouḻí kon nobayong totok in pakakat.

TAWARIKH 2 14:13 ပူးပေါင်းရင်းမြစ်များ

KINOBAḺIAN 10:1

Naa in buí i adí mita i Nuh, inta ki Sem, ki Yapet bo ki Ham. Naonda in kinopaḷutan mako in ḷunud moḷoben, taya toḷu in nokouḻí kon adí mita ḷoḷaki.

KINOBAḺIAN 10:19

sahingga sigad mita in butá monia iḷumoben nongkon Sidon mopobayá in toḷatan kon Gerar, nodapot kon diug in Gaza, bo kon pomukaan mopobayá in Sodom, Gomora, Adma, bo Zeboim, dapot kon diug in Lasa.

KINOBAḺIAN 20:1

Ki Abraham nomamping nongkon Mamre minayá kon dotá in toḷatan butá in Kanaan, bo nogutun kon sigad in Kades bo Syur. Diá noonggot noiduduimai kon tua, naonda in sia nogutun kon Gerar,

KINOBAḺIAN 26:1

Kon butá tatua nomukádon bui in malarat ná inta nokoimontandon in nobaḻí kon dodai i Abraham. Ki Ishak in minayá kon tayowon i Abimelek, datu intau in Pilistin kon Gerar bo nopoigum sinbá ogoinea mogutun kon tua.

KINOBAḺIAN 35:5

Kon tungkuḷ in ki Yakub bo rombongan buḷoi, adí bo ginaḷumnea nobuat, ki Allah nogoḻingoi kon intau mita inta kon kotá tatua, dapot in mosia diá nogaḷow kon i Yakub bo rombongannea.

TAWARIKH 1 12:22

Gogió bo muḷoi in singgai oyúon in intau mobagu inta dumugang kon i Daud, dá diádon noonggot kon tua bo tontara i Daud in nobaḻídon nobayong totok.

TAWARIKH 2 12:3

takin 1.200 in kereta in parang, 60.000 in tontara inta sinumakoi kon kabaḷo, bo tontara mobayong inta diádon koiapan in kobayongnea, noitakin doman in tontara in Libia, Suki bo Sudan.

TAWARIKH 2 15:11

Kon singgai tatua mosia in noposumba kon i Tuhan in pitu nogatut in sapi bo pitu noribu in domba, inta inagow monia kon parang.

TAWARIKH 2 17:10

Ki Tuhan nopobaḻí kon bayongan in dodatuan kon diugmai in Yohuda moondok in moparang monayow kon i Datu Yosapat.

TAWARIKH 2 20:29

Bayongan in bangusa ibanea noondokdon naonda in nokodongog kon naonda in ki Tuhan nonaḷow kon musung mita in Israel.

AYUB 6:9

Igumon mako moibog in ki Allah morimumud kon inakó! Igumon mako Sia momongkug bo moḻimod kon inakó!

AYUB 9:4

Ki Allah tua in totokbí in moarip bo mokawasa; ki ine in mokotongod in moḷawang kon i-Nia?

MAZMUR 108:11

Ki ine in modia kon inakó mayá in Edom? Ki ine in mokapit kon inakó mayá in kotá inta dininding tatua?

TESALONIKA 2 1:9

Mosia naa inta motarima kon hukuman mokoyoyang modapot in kopaḷutannea bo ḷumbúon koyayúon nongkon tayowon i Tuhan bo nongkon kawasa-Nea inta moḷoben;

YOSUA 5:14

“Deemanbí yobayat, bo deemanbí doman musung,” tubag in intau tatua. “Akuoi namangoi in naa saḷaku Itoi in tontara i Tuhan.” Naonda in nokodongogmai kon tua, ki Yosua baḷú sinumungkud nosumba kon intau tatua. Ki Yosua noguman, “Akuoi naa in mogogundoi i Tuang. Onu in motaau aidanku kon i Tuang?”

SAMUEL 1 25:28

Ampungdon kaasí in ḷaḷoi in bobantung naa. Ki Tuhan in notantú bidon kon mopobaḻí kon i Tuangku takin buí i Tuangku datu kon Israel, sin ki Tuang in noparang kon kopontingan i Tuhan; bo ki Tuangku in diábí mogaid kon inta moraat kinoouput in kinobiagan.