TAWARIKH 2 14:12 - Alkitab Singog In Mongondow Masa In Tanaa

¹² Bo ki Asa takin tontara in Yohuda minayá nonubu kon tontara in Sudan. Ki Tuhan nonaḷow kon tontara in Sudan dá noḷaguidon in mosia.

TAWARIKH 2 14:12 ပူးပေါင်းရင်းမြစ်များ

KINOBAḺIAN 10:19

sahingga sigad mita in butá monia iḷumoben nongkon Sidon mopobayá in toḷatan kon Gerar, nodapot kon diug in Gaza, bo kon pomukaan mopobayá in Sodom, Gomora, Adma, bo Zeboim, dapot kon diug in Lasa.

TAWARIKH 1 5:21

Popisí in parang tatua nobaḻí pinodoyon kon ibog i Allah, dá nobayong in musung in iḻimod monia. Mosia in nodomok doman kon 100.000 in intau, bo nogagow kon unta 50.000, domba 250.000 bo keledai 2.000. Nopaḷut mako kon tua mosia in nogutundon notantú kon butá tatua nodapot kon bangusa in Israel dinomok bo dinia kon pinoḷumbúan.

TAWARIKH 2 12:3

takin 1.200 in kereta in parang, 60.000 in tontara inta sinumakoi kon kabaḷo, bo tontara mobayong inta diádon koiapan in kobayongnea, noitakin doman in tontara in Libia, Suki bo Sudan.

TAWARIKH 2 13:15

bo tontara in Yohuda nopobaḷúdon in yandow in parang bo minayá noparang, sinongganutan i Abia. Koyogot in mosia momaḷú, ki Allah nonaḷow kon i Yerobeam bo tontara in Israel

TAWARIKH 2 15:11

Kon singgai tatua mosia in noposumba kon i Tuhan in pitu nogatut in sapi bo pitu noribu in domba, inta inagow monia kon parang.

TAWARIKH 2 20:22

Kon tungkuḷ in mododondong tatua momangkoidon modondong, ki Tuhan in mopotombaukdon kon yua-yuak in tontara in musung inta koyogot in monubu.

MAZMUR 60:12

O Allah, diá degá in Iko noyotakin nami? Diá degá in Iko mayá moparang takin tontara nami?

IḶUAIAN 12:41

Kon singgai imbuit in taong 430 tua, bayongan umat i Tuhan nonaḷámaidon kon butá in Mesir.

IḶUAIAN 12:51

Kon singgai tatua ki Tuhan nodia kon bayongan umat Israel iḻumuai nongkon Mesir.

IḶUAIAN 14:25

Binaḻínea roda mita in kereta tatua diá noburow, dá mororigadon totok monia in mayá. Guman intau in Mesir, “Koḻigai kita moḷagui monaḷámai kon intau Israel, sin ki Tuhandon in moparang monayow kon i naton.”

AMOS 9:7

Ki Tuhan in noguman, “Ei umat in Israel, Akuoi in nonaridimai kon intau in Sudan ná pinononaridi-Kumai kon i monimu. Akuoi in nodiadon kon intau in Pilistin nongkon Kreta bo intau in Siria nongkon Kir ná pinododia-Ku kon i monimu nongkon Mesir.

KORINTUS 1 15:57

Táe sukur mako kon i Allah: Sia in nobogoi kon i naton in kauntungan pinongin i Yesus Kristus ki Tuhan naton!

KORINTUS 1 9:26

Tuamai moribatuk in akuoi, táe oyúonbí in tujuanku motantú. Naonda bo kon poyotandingan in tinju, diábí in akuoi tongá kinokoyu-koyungkumnea.

ULANGAN 28:7

Aka moiko tubuon, ki Tuhan in monaḷow kon musungmu. Motompia in pononubú monia, táe moḷaguibí posibayá.

ULANGAN 32:39

Indoiaika, tongábí Akuoi in ki Allah, diábí in Allah ibanea koḻikudbí in Akuoi. Akuoi in moḻimod bo momiag, monompaḻí bo mongundam. Aka Akuoi in mogaid, diábí tobatúmai in intau in mokoḷawang.

YOSUA 10:10

Binaḻí i Tuhan in intau mita in Amori notoboḻingo naonda in nokoontong kon tontara mita in Israel. Nobarong intau in Amori in iḻimod kon Gibeon, bo inta nobiagpa dinuduran nosiḻig kon buḷud in Bet-Horon nodapot in Azeka bo Makeda kon dotá in toḷatan.