TAWARIKH 2 13:9 - Alkitab Singog In Mongondow Masa In Tanaa

⁹ Imang mita i Tuhan bo buí i Harun bo intau mita in Lewi in sinokountundon monimu komintan! Bo toḻiunea kon tua, ki inekabí in moibog mobaḻí imang, asaḷ bo modia in sia kon sapi tobatú andeka domba pitu, yo baḻíondon monimu imang kon i inta deemanbí ki Allah, sin natuabí in oaid in bangusa mita ibanea moduí kon imang monia. Táe kami in diábí nogaid kon natua.

TAWARIKH 2 13:9 ပူးပေါင်းရင်းမြစ်များ

DATU MITA IMITÁNEA 13:33

Ki Datu Yerobeam in umuranbí doí monaḷámai kon oaidnea inta moraat. Bo noduí in sia kon imang mita nongkon motoḷuadí mita biasa sin monompia kon tampat mita pooibadaan inta ain pinosindognea. Ki inekabí in moibog, yo baḻíonneabí imang.

DATU MITA 2 19:18

Dewa mita in sinurub doman bo irimumud, sin dewa mita tatua in totuubí kon diá in kawasa. Mosia tua in tongábí patong nongkon kayu bo batu pinomia in intau.

TAWARIKH 2 13:10

Kami in umuranbí nogundoi kon i Tuhan Allah nami bo diábí nonaḷámai kon i-Nia. Imang mita nami in umuranbí nongkon buí i Harun, bo intau mita in Lewi umuranbí mobantung kon i monia.

TAWARIKH 2 29:31

Nopaḷut mako kon tua ki Hizkia in noguman, “Popisí in moiko tanaa aindon sinondí kon i Tuhan, dá nobaḻí sosumba sukurmu, moiko in mustibí modia kon kuruban kon Baḷoi Tuhan.” Bo bayongan in intau inta kon tua in nodia kon sosumba mita tatua, nodapot in oyúon doman inta takinbí ibog monia tontaní nodia kon biag mita sin posumba mobaḻí kuruban payongon.

IḶUAIAN 29:1

“Nanaa in pododuí kon i Harun bo kon i adínea mita sinbá mosia motaaudon mogaid kon oaidan-Ku mobaḻí imang. Pogamádon kon sapi koḷakian tobatú inta batáneapa bo domba koḷakian doyowa inta totok in moḷunat.

IḶUAIAN 29:29

Pakeang i Harun saḷaku imang musti popoponag kon i adínea mita, sinbá motaau pakéon monia kon tungkuḷ in pomaḻían kon i monia imang.

IḶUAIAN 29:35

Upacara pomaḻían imang kon i Harun bo kon i adínea mita musti pomiaan pitu nosinggai in koonggotnea, ná inta ain pinoguman-Ku kon inimu.

IḶUAIAN 32:29

Ki Musa in noguman kon suku in Lewi, “Singgai in naa moiko ain nopotondí in awak monimu mobaḻí imang inta nogaid kon oaidan i Tuhan takin noḻimod kon adí mita bo kon i utat mita monimu, dá ki Tuhan nobogoi in barakat-Nea kon inimu.”

YEREMIA 2:11

Diápabí nokoimontanmai in bangusa tobatú in noponoḻiu in ilahnea umpaka tua deeman Allah totu-totuu. Táe, umat-Ku in noponoḻiudon kon i-Nakó, inta mokoyunggagá kon i monia sinoḻiuan monia in ibanea mako inta diá mokoaid kon onu bo onu.

YEREMIA 5:7

Ki Tuhan in noguman, “Nongonu sin Akuoi in mustibí mongampung kon dosa mita in umat-Ku? Mosia in nonaḷámaidon kon i-Nakó bo nosumba kon inta deeman Allah. Akuoi in nobogoi in kaanon kon i monia nodapot in mosia nobotug, táe mosia in nonuaḻingbí, bo mokakit in mayá mokipodungkuḷ kon sundaḷ mita.

HOSEA 8:6

Sapi buḷawan inta sinumba kon Samaria tatua in miabí in ḻima in intau in Israel! Tua in deemanbí Allah, bo mustibí rimumudon!

IMAMAT 16:32

Imang Moḷoben, inta ain binaḻí bo inta ain sinantú kon i Allah sin momaḷui kon i amánea, musti mogaid kon upacara pondaritan tatua. Sia musti momaké in pakeang inta ain sinantú,

IMAMAT 8:2

“Oinídon in ki Harun bo ki adínea mita bo diadon in pakeang imang, ḷana upacara, sapi koḷakian tobatú inta batánea sin baḻíon kuruban potobut kon dosa, domba koḷakian doyowa, bo tokompé in roti inta diá iragian.

OUMAN IN RASUL MITA 19:26

Bo tanaa aindon inontong bo dinongog monimu tontaní onu in inaidan i Paulus. Sia in noguman kon dewa mita inta pinomia intau in deemanbí totu-totuu dewa. Bo nobayongdon totok intau in nopirisaya kon onu in pinogumannea tatua, deeman tongá kon Epesus naa, táe gogiódon bo komintan in Asia naa.

GALATIA 4:8

Tungkuḷ intua moiko in diápa nonotaau kon i Allah, tuamai moiko in nobaḻí ata in kawasa mita inta inanggap monimu ki allah, táe sabanarnea in deemanbí ki Allah.

ULANGAN 32:17

Mosia noposumba in kuruban kon dimukud mita moraat inta deemanbí ki Allah, kon i ilah mita inta diá kinotaauan monia, ilah mita mobagu inta diá kinoondok in mogoguyang monia.