TAWARIKH 2 11:16 - Alkitab Singog In Mongondow Masa In Tanaa

¹⁶ Intau mita nongkon bayongan in suku Israel inta totu-totuudon moibog mosumba kon i Tuhan, Allah in Israel, nomamping kon Yerusalem, dinumudui kon intau mita in Lewi tatua sinbá motaau moposumba in kuruban kon i Tuhan, Allah inta sinumba in mogoguyang monia.

TAWARIKH 2 11:16 ပူးပေါင်းရင်းမြစ်များ

TAWARIKH 1 16:29

Dayowdon in tangoi-Nea inta momulia, bo diádon in kuruban kon bonu in baḷoi-Nea. Sumbadon in ki Tuhan takin mogiḷambung in ḷambung ibada!

TAWARIKH 1 22:1

Dá ki Daud in noguman, “Kon tampat tanaa in mustibí posindogon in Baḷoi Tuhan Allah. Bo kon mezbah tanaadon intau in Israel musti moposumba in kuruban payongon kon i Tuhan.”

TAWARIKH 1 22:19

Dá pogundoidon in moiko kon i Tuhan Allahmu takin ḻimbatú in ropotmu. Pomangkoidon pogaid kon baḷoi kon i Tuhan, sinbá Poti Dodandian-Nea bo bayongan in pakakat ibanea inta tongá pakéon kon ibada in motaaudon tagúon kon tua.”

TAWARIKH 2 11:17

Natua in inaidan monia sin moginrigon kon dodatuan in Yohuda. Toḷu notaong in mosia in dinumudui kon pinomarentaan i Rehabeam ki adí ḷoḷaki i Salomo tatua, bo nobiag naonda bo kon tungkuḷ in pinomarentaan i Datu Daud bo i Datu Salomo.

TAWARIKH 2 15:12

Mosia in nodandi kon i Tuhan kon takin ḻimbatú in gina bo dimukud monia in mobiag podudui in ibog i Tuhan, Allah in mogoguyang monia.

TAWARIKH 2 15:15

Bayongan in rayat Yohuda noḷunganga in gina sin mosia in nomiadon kon ibot tatua takin ḻimbatú in gina. Mosanang in gina monia in noibada kon i Tuhan, bo ki Tuhan in noibog doman notarima kon i monia. Inogoi-Nea kon i monia in kaadaan inta moonow kon butá monia.

TAWARIKH 2 15:9

Nobayong in intau in Epraim, Manasye, bo Simeon in dinumugangdon kon i Asa bo nogutun kon butá dodatuan nea, sin inontongdon monia kon ki Tuhan in notuḷung kon inia. Ki Asa in nopotabá kon bayongan in intau tatua takin rayat in Yohuda bo Benyamin

TAWARIKH 2 19:3

Umpaka natua táe oyúonpabí in mopia kon i Tuang. Ki Tuang in noḷumbúdon kon bayongan in patong i Dewi Asyera inta sinumba in rayat bo ki Tuang in noḷongasidon nobiag podudui in ibog i Allah.”

TAWARIKH 2 20:3

Noondok in ki Yosapat bo nosambayang in sia nopoigum in totundú i Tuhan. Onda intua sia in nomarenta sinbá bayongan in rayat mopuasa.

TAWARIKH 2 20:4

Nongkon batúan in kotá kon Yohuda intau mayá in Yerusalem sin mopoigum in totuḷung i Tuhan.

TAWARIKH 2 30:11

Táe, oyúon doman in intau mita nongkon suku i Asyer, i Manasye bo i Zebulon in noibog namangoi in Yerusalem.

AYUB 34:14

Aka kuma bo ki Allah in morabut kon nyawa in intau, bo mogamá bui kon tompot kobiagannea,

MAZMUR 108:1

Dondong. Mazmur i Daud.

MAZMUR 62:10

Intau in tongábí gabut in poginaan, moḷoben mointok tumpaḷa diá koboḻi. Aka simbangon, noniata magí nogaanbí in mosia, mogaa-gaanbí kon tompot poginaan.

IḶUAIAN 9:21

Táe ibanea in doí nopandungmai kon tompoingat tatua bo sinaḷáanmai monia in ata mita bo bobiagon monia kon tampat popokaanan monia in bobiagon.

DANIEL 6:14

Bo mosia in noguman kon i datu, “Ki Daniel, intau tobatú inta iḷumbú nongkon Yohuda, diábí nopandungmai kon i Tuangku bo nopoompábímai kon parenta i Tuangku. Sia in nosambayang notompod kotoḷu in tosinggai.”

HOSEA 4:8

Moiko in mobaḻí mooyúon popisí in dosa in umat-Ku, tuamai in ibogon monimu sinbá mosia in umuran mogaid kon dosa.

HAGAI 1:5

Tungkuḷaika, taridiai in kaadaanmu!

ZAKHARIA 8:21

Intau mita nongkon kotá tobatú in moguman kon intau kon kotá ibanea, ‘Igai mayá in kita mosumba kon i Tuhan Inta Totok in mokawasa bo mopoigum in barakat-Nea. Duduidon takin inami!’

OUMAN IN RASUL MITA 11:23

Naonda in noiyaput kon tua in ki Barnabas, bo nokoontong kon naonda in Allah nomarakat kon i monia, nopia totok in ginanea. Bo sia in nopoigum domandon kon bá mosia in totu-totuudon mopirisaya bo motoindudui kon i Tuhan.

ULANGAN 12:11

Onda intua ki Tuhan Allahmu momiḻí kon tampat tobatú inta motaau posumbaan kon i-Nia. Kon tuata in musti monimu bayáan bo modia kon bayongan inta ain pinogumanku, tuata in kuruban payongon bo kuruban mita ibanea, sosumba mopuḷú noporosen bo sosumba inta pinonangoi inta pinodandimu kon i Tuhan.

ULANGAN 32:46

ki Musa noguman, “Tarukiradon in bayongan parenta inta pinotaauku kon inimu singgai naa. Tundúdon kon i adímu mita, sinbá mosia umuran mosatia in mopoaid in bayongan hukum i Tuhan.

YOSUA 22:19

Aka butámu tua nonajis bo diá patus baḻíon tampat poibadaan kon i Tuhan, dá pomampingdon mangoi kon butá i Tuhan, inta pinoposindogan in Ḷoḷaigan i Tuhan. Poigumdon kon tongosilai in butá nami, táe dikabí in moḷawang kon i Tuhan ande moḷawang kon inami takin modugang momia kon mezbah tobatú, bokaka koyongandon oyúon in mezbah i Tuhan Allah naton.