TAWARIKH 2 10:19 - Alkitab Singog In Mongondow Masa In Tanaa

¹⁹ Pinangkoi kon tua rayat kon dotá in utuan dodatuan in Israel tantú momarontak kon datu mita buí i Daud.

TAWARIKH 2 10:19 ပူးပေါင်းရင်းမြစ်များ

TAWARIKH 2 10:16

Naonda in rayat Israel nokoontong kon ki datu in doíbí mokidongog kon i monia, nomaḷú in mosia, “Diá bidon pandungon naton in ki Daud bo buínea! Mosia in diábí kon dodai in onda in nogaid kon onu bo onu kon i naton. Rayat in Israel, igai mobui in kita! Pomayádon mako in ki Rehabeam tua in moindoi kon awaknea tontaní!” Dá nobuidon in rayat in Israel,

TAWARIKH 2 5:9

Kayu tombuḻigan tatua in noḷanggó totok, dá popodnea mita in koontongan nongkon Yuang Totok Motusi, táe diá koontongan nongkon ḷuai. (Dapot in singgai naa kayu mita tatua in kon tuapabí doman.)

EZRA 9:7

Pinangkoipa kon mogoguyang nami nodapot in masa in naa, kami in umat-Mu inta binaradosa kon ini-Mu. Tuamai in kami, datu mita bo imang mita nami in sinaḷowdon in datu mita in bangusa ibanea. Kami in iḻimod, pinogagowan bo dinia nobaḻí intau inta dinakop. Kami in totokdon in siningkuḻe, ná doman kaadaan singgai in naa.

MAZMUR 89:30

Ḷoḻitúannea in umuran-Kubí ḷukadan kon bonu in ḷangit tantúpa kon ḻimonik in butá, modapot in adí bo ompunea in mongawasa kon tua.

YEHEZKIEL 37:16

“Ei intau ilo-ilow, gamádon in tungkud tobatú bo paisdon in tosingogon mita tanaa kon ḻimonikannea, ‘Dodatuan in Yohuda’. Bo gamá in tungkud tobatú ibanea, bo paisdon kon ḻimonikannea: ‘Dodatuan in Israel’.

YOSUA 22:15

Dá nodapotdon in mosia kon tampat in suku i Ruben, i Gad bo suku i Manasye kon butá in Gilead.

YOSUA 4:9

Kon yua-yuak doman in ongkag in Yordan tatua, ki Yosua nopoyoguntuḷ in batu mopuḷú bodoyowá noitongkaná kon tampat inta sinindogan in imang mita inta nomotaan kon Poti Dodandian tatua. (Batu mita tatua umuranpa doman oyúon dapot in tanaa mako.)