TAWARIKH 2 10:16 - Alkitab Singog In Mongondow Masa In Tanaa

¹⁶ Naonda in rayat Israel nokoontong kon ki datu in doíbí mokidongog kon i monia, nomaḷú in mosia, “Diá bidon pandungon naton in ki Daud bo buínea! Mosia in diábí kon dodai in onda in nogaid kon onu bo onu kon i naton. Rayat in Israel, igai mobui in kita! Pomayádon mako in ki Rehabeam tua in moindoi kon awaknea tontaní!” Dá nobuidon in rayat in Israel,

TAWARIKH 2 10:16 ပူးပေါင်းရင်းမြစ်များ

SAMUEL 2 15:13

Onda intua intau tobatú namangoi nopotaau kon i Daud, kainia, “Intau mita in Israel nomihakdon kon i Absalom.”

SAMUEL 2 16:11

Bo ki Daud in noguman bui kon i Abisai bo kon bayongan in bobantungnea, “Ki adíkupa tontaní in moḷongasidon moḻimod kon inakó; yo nongonu sin moiko in moherangbí in mokoontong kon dodia in intau in Benyamin tanaa? Ki Tuhanbí in nopotabá kon inia mogodi-godimai kon inakó; tuamai in dikadon onuon monimu in sia bo pomayádon mako in sia mogodi-godimai.

SAMUEL 2 20:1

Kon Gilgal oyúon in intau mononuyayow tangoinea in ki Seba. Ki adí i Bikri in sia, nongkon suku in Benyamin. Kon dodai in ki Daud bo intaunea mita namangoi, nogirup in ki Seba kon torompet bo nomaḷú, “Diábí in tondoḷ naton bo i Daud. Onubí in mangaḻenea dumudui in kita kon inia? Ei intau mita in Israel, koḻigai mobui in kita!”

DATU MITA IMITÁNEA 11:13

Táe diábí modait-Ku gamáan in bayongan dodatuan tatua nongkon inia. Popisí in mogogundoi-Ku ki Daud bo Yerusalem inta ain binaḻí-Ku kotá-Ku tatua, tonggagatan-Kupabí in suku tobatú inta ogoi kon i adímu ḷoḷaki.”

TAWARIKH 1 17:14

Ki adímu ḷoḷaki inta piniḻí-Ku tua in baḻíon-Ku datu kon umat-Ku bo dodatuan-Ku modapot in mononoi, bo ki adí bo ki ompunea namonag in momarentabí mobaḻí datu.’ ”

TAWARIKH 2 10:17

bo ki Rehabeam in nobaḻí datu tongábí kon butá in Yohuda.

TAWARIKH 2 10:19

Pinangkoi kon tua rayat kon dotá in utuan dodatuan in Israel tantú momarontak kon datu mita buí i Daud.

MAZMUR 132:17

Kon naa buí i Daud tobatú in baḻíon-Kubí datu; pomomarentaannea in irigonan-Kubí.

MAZMUR 76:10

Kon tungkuḷ in Iko simindog sin monisigdon sin moposaḷamat kon intau inta dinorot kon dunia.

YESAYA 11:1

Buí i Datu Daud naonda bo pangkoi in kayu inta ain pinupuḷ. Táe ná doman onda nongkon tuodnea nomuká in poḻimping mobagu, natua doman nongkon buí i Daud in moiangoi in datu tobatú.

AMOS 9:11

Ki Tuhan in noguman, “Moiangoibí in wakutunea Akuoi monompia bui kon dodatuan i Daud. Tanaa dodatuan tatua in nobaḻídon naonda bo baḷoi inta noumpag. Táe dindingnea mita in tompiaan-Kubí bui bo posindogon-Ku bui dá mobaḻídon bui ná dungkuḷmai.

LUKAS 19:14

Táe intau mita inta toḻipúannea mosakí in gina kon inia, dá naonda in sia minayá, intau mita inta mosakí in gina kon inia tua nopotabá doman in tobatú intau sin moguman nanaa, ‘Kami in doíbí aka intau tanaa in mobaḻí datu nami.’

LUKAS 19:27

Bo tanaa mako in tokodiadon mangoi in intau mita inta mongosakí in gina kon i nakó bo inta doí aka akuoi in mobaḻí datu kon i monia. Ḻimod in mosia kon tayowonku!’ ”

YOHANES 6:66

Nongkon dodaidon in tuata bo nobayong in dumodudui-Nea in nonaḷámaidon kon i-Nia, bo doídon dinumudui kon i-Nia bui.

YOHANES 7:53

Nopaḷut mako kon tua bayongan intau in norobuidon kon baḷoinea-baḷoinea.

OUMAN IN RASUL MITA 2:30

Sia naa in tobatú nabi inta nonotaau kon ki Allah aindon nodandi pinodoyon kon ibot kon inia kon oyúon in buínea in baḻíon i Allah Datu.

KORINTUS 1 15:25

Ki Kristus in mustibí umuran momarenta modapot in bayongan saturu i Kristus potungkudon i Allah kon tayowon i Kristus.

WAHYU 22:16

“Akuoi, ki Yesus, ain nopotabá mangoi in malaekat-Ku kon i monimu, sinbá sia mopotaau in soaḷ mita inta pakéon kon kopontingan in jamaat mita. Akuoi naa in buí i Daud; Akuoibí naa in tundi dotá in pomukaan inta motarang totok tua.”

HAKIM MITA 8:35

Diá domandon sinuḻían monia kon motoḷuadí i Gideon in bayongan inta mopia inta ain pinomia i Gideon kon umat in Israel.

SAMUEL 1 20:27

Kon singgai noiduduimai, inta singgai nogindua Buḷan Mobagu, ḷoḻitúan i Daud diápa doman in iḻimitú, bo noḻibódon in ki Saul kon i Yonatan, “Nongonu sin koḷabung bo singgai in naa diábí in ki Daud noiangoi kon pinongaanan noyotakin?”

SAMUEL 1 22:13

Ki Saul in noḻibó kon inia, “Nongonu sin iko in noyopakatbí i Daud moḷawang kon inakó? Nongonu sin sinongkaaḷanmubí in sia in roti bo inogoianmu in kedang bo pinoigumanmu doman in totundú nongkon i Allah in sia? Dá tanaa in sia noḷawangdon kon inakó bo mogoḷatdon mako kon kasampatannea sin moḻimod kon inakó.”

SAMUEL 1 22:7

noguman in sia kon porwiranea mita tatua, “Indongogaidon, ei intau mita in Benyamin! Eta degá ki Daud tua in mobogoi in gobá in tudunea bo gobá in anggur kon inimu? Eta degá moiko komintan in baḻíonnea doman porwira mita in tontaranea?

SAMUEL 1 22:9

Ki Doëg tongguḷu in gombala in bobiagon i Saul, kon tua doman noyotakin in porwira mita i Saul, bo ki Doëg in noguman, “Bobantung naa ain nokoontong kon i Daud namangoi kon i Ahimelek adí i Ahitub kon Nob.