TAWARIKH 2 10:13 - Alkitab Singog In Mongondow Masa In Tanaa

¹³ Noyoposi in tonggina in guyanga mita, rayat inta namangoi kon inia tua in sinontomúnea in tosingogon nobuḷaḷu.

TAWARIKH 2 10:13 ပူးပေါင်းရင်းမြစ်များ

KINOBAḺIAN 42:30

“Ki Gubernur in Mesir mobuḷaḷubí totok in pososingognea kon inami bo sia noponapud kon kami naa in mata-mata inta mayá motayak kon kalemahan monia.

KINOBAḺIAN 42:7

Naonda in ki Yusup nokoontong kon i guya-guyangnea mita, kinotaauanneadon in mosia tua, táe sia in ki ubo-uboḷmai diá nonotaau. Takin buḷaḷu sia in noḻibó kon i monia, “Moiko nion intau nongkon onda?” “Kami naa intau in Kanaan. Kami namangoi sin motaḷui kon kaanon,” tubag monia.

TAWARIKH 2 10:12

Toḷu nosinggai noiduduimai kon tua ki Yerobeam bo bayongan in intau tatua bui namangoi kon i Datu Rehabeam, ná inta ain pinogumannea.

TAWARIKH 2 10:14

Pinodudui ná tonggina in intau mita inta nongobagupa, noguman in sia, “Ki amáku in nobogoi in oaidan mobogat kon inimu, táe dugangankupabi kobogaton in oaidan monimu tua. Sia in noposambok kon i monimu in sambok, táe sambokonkubí in moiko in sambok inta sinondugian in uatoi!”

TAWARIKH 2 10:8

Táe tonggina in guyanga mita tatua in diábí pinandungmai i Rehabeam. Noidapotbí in sia minayá kon intau mita inta nongobagupa inta topobiagannea bo inta tanaa nobantung kon inia.

IḶUAIAN 10:28

Guman i datu kon i Musa, “Bayádon nongkon tayowonku! Dikadon bui iko mamangoi mokipogontong kon inakó! Aka buipa doman ontongonku in pogotmu, yo matoidon in iko!”

AMSAL 15:1

Singog inta moḷukó, mokopiong kon torú; tubag inta mopatú mokotagab kon torú.

AMSAL 18:23

Intau bogá mopoigum takin pia-pia mako; intau nooyúon motubag takin torú.

AMSAL 19:27

Adíku, aka iko doídon mobalajar bui, yo koḻionganmudon onu inta ain binalajarmu.