TAWARIKH 2 10:11 - Alkitab Singog In Mongondow Masa In Tanaa

¹¹ Ki amáku nobogoi in oaidan inta mobogat kon inimu, táe akuoi in modugangbí kon kobogatnea kon tua. Sia in moposambok kon i monimu in sambok, táe akuoi in moposambokbí kon i monimu in sambok inta dodugian uatoi!’ ”

TAWARIKH 2 10:11 ပူးပေါင်းရင်းမြစ်များ

TAWARIKH 2 10:10

Mosia in notubag, “Naa in potubag i Tuang kon i monia, ‘Nanaaka in koyangkóku, táe akuoibí in moropo-ropot in ki amáku.

TAWARIKH 2 10:12

Toḷu nosinggai noiduduimai kon tua ki Yerobeam bo bayongan in intau tatua bui namangoi kon i Datu Rehabeam, ná inta ain pinogumannea.

IḶUAIAN 5:18

Bayádon pogaid bui. Moiko diábí ogoian in wawa, táe moiko in musti umuran mogaid kon tela inta kobayongnea motongkai ná inta muna.”

YESAYA 47:6

Koḻipod in Akuoi in sinumorú kon umat-Ku, mosia in inanggap-Kudon deeman Akuoi in kitogi. Mosia in inogoi-Kudon kon inimu, bo iko in diábí notabi kon i monia, nodapot inta nongogoguyangdon totok in dinorotmu takin diá in tabi.

YESAYA 58:6

Naabí in puasa inta kinoibog-Ku: Ḷuatdon in aid mopororiga bo bobabaan inta diá moadil, bo poḷuatdon in intau mita inta dinorot.

MATIUS 11:29

Aidaidon onu inta pinoki aid-Ku kon inimu, bo duduidon kon oaid-Ku, mokopoompá kon dodia bo mokopoaḷus kon pososingog, dá iko in mokodungkuḷ kon kopiaan.

LUKAS 10:19

Pokotaau! Moiko aindon inogoian-Ku in kawasa poritak kon uḷag bo bambau, bo kawasa pomutoḷ kon ropot in saturu, dá diá bidon in mokobodito kon i monimu.

WAHYU 9:10

Mosia oiputan bo totogodan naonda bo bambau. Kon iput monia tua in kawasa inta mopororiga kon intau kon bonu in ḻima nobuḷan.

WAHYU 9:3

Bo nongkon poyok tatua iḷumuaidon in pangkoḷá mita bo namangoi in butá. Pangkoḷá mita tatua inogoian in kawasa inta ná inta inogoi kon bambau.

WAHYU 9:5

Táe diábí inogoi in mosia moḻimod kon intau mita tatua, tongábí mopororiga kon i monia kon bonu in ḻima nobuḷan. Roriga inta nouḻí monia nongkon pangkoḷá mita tatua in naonda doman bo roriga bangiton in bambau.

SAMUEL 1 8:18

Aka moiangoidon in wakutu tatua, moiko in mogamuibí totok popisí in datu inta piniḻí monimu tatua, táe ki Tuhan in doíbí mokidongog kon amui monimu tatua.”