TAWARIKH 2 10:1 - Alkitab Singog In Mongondow Masa In Tanaa

¹ Ki Rehabeam minayá in Sikhem sin bayongan in rayat in Israel kon dotá in utuan ain noyosipun kon tua sin moduí kon inia mobaḻí datu.

TAWARIKH 2 10:1 ပူးပေါင်းရင်းမြစ်များ

KINOBAḺIAN 12:6

Ki Abram noḻibu kon butá tatua bo noidapotdon in sia kon tobatú pangkoi in kayu inta kai monia mokaramat kon More, inta tampat pososumbaan kon Sikhem. (Kon dodai intua intau in Kanaan nogutunpa kon butá tatua.)

DATU MITA IMITÁNEA 4:1

Ki Salomo ain nobaḻí datu kon bayongan butá in Israel.

TAWARIKH 1 12:38

Bayongan in pojuang tatua minayá in Hebron kon bonu in kaadaan mosadiadon moparang bo moniatdon moduí kon i Daud mobaḻí datu in bayongan in Israel. Bo bayongan in intau in Israel inta ibanea in notongkai doman in raian kon mogaid kon tua.

TAWARIKH 1 3:10

Tangoi mita in datu mita in Israel nongkon i Datu Salomo noidapot kon i Yosia in ná noiduduimai tanaa: Ki Salomo, ki Rehabeam, ki Abiam, ki Asa, ki Yosapat, ki Yehoram, ki Ahazia, ki Yoas, ki Amazia, ki Uzia, ki Yotam, ki Ahas, ki Hizkia, ki Manasye, ki Amon bo ki Yosia.

TAWARIKH 2 10:2

Kon tungkuḷ intua ki Yerobeam ki adí i Nebat in kon Mesirpa sin noḷagui kon i Datu Salomo. Kon dodai in kinodongogannea in ki Rehabeam, nobui in sia kon Israel.

TAWARIKH 2 9:31

Onda intua minatoi in sia bo iḷobong kon kotá i Daud. Bo ki Rehabeam ki adínea ḷoḷaki in nobaḻí datu nomaḷui kon inia.

YOSUA 20:7

Dá kon butá kon dotá in toyopan kon Ongkag in Yordan umat in Israel in nonantúdon kon kotá mita noiduduimai naa nobaḻí kotá pogogadopan: Kedes kon buḷud in Naptali kon Galilea, Sikhem kon buḷud in Epraim, bo Hebron kon buḷud in Yohuda.

YOSUA 24:1

Ki Yosua nosipun kon bayongan suku bangusa in Israel kon Sikhem, bo nopotabá kon guhanga mita, itoi mita, hakim bo porwira mita namangoi in tayowonnea. Dá namangoidon in mosia kon tayowon i Allah.

HAKIM MITA 9:1

Kon singgai tobatú ki Abimelek ki adí i Gideon minayá in kotá in Sikhem ḻipú in motoḷuadí i inánea. Kon tua in sia nongonguman monia, kainia,