TAWARIKH 2 1:14 - Alkitab Singog In Mongondow Masa In Tanaa

¹⁴ Sia in nonompakakat kon tontaranea takin 1.400 in kereta in parang bo 12.000 in kabaḷo in parang. Tongosilai in sinampatnea kon Yerusalem, bo kiagatnea in sinilai kon kotá mita ibanea.

TAWARIKH 2 1:14 ပူးပေါင်းရင်းမြစ်များ

DATU MITA IMITÁNEA 10:16

Ki Salomo in nokiaid doman in 200 in kaḻeaw moḷoben nongkon buḷawan inta sinontaḷ. Buḷawan inta pinaké kon batúan in kaḻeaw tua in pitumai nokilo.

DATU MITA IMITÁNEA 4:26

Ki Salomo kotontara tumotakoi kon kabaḷo 12.000 bo 40.000 in ḷantung in kabaḷo mita inta mogogugut kon keretanea mita.

DATU MITA IMITÁNEA 5:6

Kinotaauan bidon i Tuang, kon sigad in rayatku mita diábí in intau inta mopandoi momupuḷ kon kayu ná rayat i Tuang. Tuamai, akuoi in mopoigum aka motaau dá potabápa i Tuang in intau mita i Tuang momupuḷ kon kayu mita in ḷokuyú in Libanon sin pakéonku. Potabákubí in rayatku mita moduḷu kon i monia, bo tongonukabí in tondan inta tantúon i Tuang ogoi kon intau mita i Tuang tua, uboḻiankubí.”

DATU MITA IMITÁNEA 9:19

Kotá mita inta pinotagúan kon tongkaaḷ, bo kotá mita inta nobaḻí pososipunan kon kereta in parang bo kabaḷonea. Bayongan in tomayá pobangonan kon Yerusalem, Libanon, bo kon bayongan in butá inta kon bonu in kawasanea aindon inaidannea.

TAWARIKH 2 8:6

Bo pinosindognea doman bui in kotá in Baalat, bo bayongan in kotá inta pototagúan kon tongkaaḷ, bo kotá mita doman inta pototagúan kon kereta mita in parang takin kabaḷonea. Bayongan in tomayá moposindog intua in kon Yerusalem, Libanon bo bayongan in butá kawasa nea in ain inaidannea.

TAWARIKH 2 9:25

Ki Datu Salomo in oyúon doman in 4.000 in ḷantung in kabaḷo bo keretanea. Kabaḷo in parangnea in 12.000. Tongosilai in kon Yerusalem, bo ibanea mako in kon kotá mita inta pototagúan kon kereta mita in parangnea.

ULANGAN 17:16

Datu in diábí motaau kokabaḷo mobayong sin pakéon in tontaranea bo diábí motaau mopotabá kon bangusa tanaa in bui mayá in Mesir sin motaḷui kon kabaḷo, sin ki Tuhan ain noguman kon umat-Nea in diábí motaau mayá bui in butá tatua.