TAWARIKH 2 1:1 - Alkitab Singog In Mongondow Masa In Tanaa

¹ Ki Salomo ki adí ḷoḷaki i Daud nobaḻídon datu inta moropot in kinoḻitúannea kon bonu in dodatuan Israel. Ki Tuhan Allahnea in nomarakat kon inia bo nopobaḻí kon inia mokawasa totok.

TAWARIKH 2 1:1 ပူးပေါင်းရင်းမြစ်များ

KINOBAḺIAN 21:22

Kon dodai intua ki Datu Abimelek bo ki Pikhol, panglima in tontaranea, namangoi kon i Abraham bo noguman, “Ki Allah ain notuḷung kon inimu kon bayongan in yagi-yagi inta inaidanmu.

KINOBAḺIAN 39:2

Ki Tuhan notuḷung kon i Yusup dapot in sia umuran mokodungkuḷ kon inta mopia onukabí in aidannea. Sia in nogutun kon baḷoi i tuangnea, intau in Mesir tatua.

KINOBAḺIAN 39:21

Táe ki Tuhan notuḷung kon i Yusup bo umuran motabi kon inia, dapot in itoi in ponjara motabi kon inia.

KINOBAḺIAN 39:3

Inontong i Tuangnea kon ki Tuhan notuḷung kon i Yusup dá tuamai ki Yusup umuran mokodungkuḷ kon inta mopira onukabí in aidannea.

DATU MITA IMITÁNEA 2:12

Onda intua ki Salomo in nobaḻí datu nonoḻiu kon i Daud, ki amánea. Kawasa i Salomo saḷaku datu noroton totok.

DATU MITA IMITÁNEA 2:46

Naonda in noguman mako natua, ki datu nomarenta kon i Benaya bo minayádon in ki Benaya noḻimod kon i Simei. Tanaaya ki Salomo in nomarentadon totu-totuu kon bonu in dodatuan nea.

TAWARIKH 1 17:8

Akuoi in notuḷungdon kon inimu kon ondakabí in bayáanmu, bo bayongan in musungmu iyompat-Ku kon dodai in iko noparang. Iko in baḻíon-Ku ponango-nangoian ná itoi mita inta totok in mongokawasa mita kon dunia.

TAWARIKH 1 22:11

Bo ki Daud in noguman bui, “Tanaa, adíku, igumon mako ki Tuhan Allahmu tantú motuḷung kon inimu. Bo igumon mako mokotongod in iko moposindog in baḷoi kon i Tuhan ná inta ain pinodandi-Nea.

TAWARIKH 1 22:16

buḷawan, saḷaka, bitú, bo uatoi. Yo, ḷagidon pangkoiai! Igumon mako ki Tuhan motuḷung kon inimu”.

TAWARIKH 1 29:23

Dá inta nobaḻí toḻiu i Daud ki amánea, ki Salomo in iḻimitú kon ḷoḻitúan in datu inta ain sinantú i Tuhan. Sia in datu inta nokodapot kon oaidannea komintan bo kinobangkaḷ in bayongan in bangusa Israel.

TAWARIKH 1 29:25

Binaḻí i Tuhan in bayongan rayat noibog kon i Datu Salomo bo binaḻí-Nea datu inta motoya-toyang nongkon datu nongkon ondaka inta nokoimontandon nomarenta kon Israel.

TAWARIKH 1 29:30

Kon bonu in buk tatua inouman in pinomarentaannea, kawasa nea bo bayongan inta nobaḻí kon inia, kon Israel bo kon dodatuan mita inta kon diugmai in Israel.

TAWARIKH 2 32:23

Nobayong in intau in namangoi in Yerusalem modia kon sosumba kon i Tuhan bo tombuinag mita kon i Hizkia, dá nongkon dodaidon intua sia ihoromat in bayongan bangusa.

IḶUAIAN 3:12

Ki Allah in notubag, “Akuoi in motuḷungbí kon inimu. Bo aka bangusa tatua diaanmudon ḷumuai nongkon Mesir, yo moiko in mosumbadon kon i-Nakó kon buḷud tanaa. Tuadon in mobaḻí tanda kon Akuoibí in nopotabá kon inimu.”

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

YOSUA 3:7

Ki Tuhan noguman kon i Yosua, “Pinangkoi kon singgai in naa iko baḻíon-Kudon intau moḷoben dá bayongan intau in Israel mohoromatdon kon inimu bo kotaauandon monia kon Akuoi in kotaki-takinmu ná doman Akuoi nonakin kon i Musa.