TAWARIKH 1 9:4 - Alkitab Singog In Mongondow Masa In Tanaa

^4-6 690 in motoḷuadí nongkon suku in Yohuda inta nogutun kon Yerusalem, noitakin doman in buí i adí mita i Yohuda inta ki Peres, ki Syela bo ki Zerah. Buí i Peres in ki Utai in tongganutnea. Pipidan in buí i Utai nongkon ḻimonag bo pinodamonik in ki Utai, ki Amihud, ki Omri, ki Imri, bo ki Bani. Buí i Syela in ki Asaya in tongganutnea. Sia in tongguḷu in motoḷuadí. Buí i Zerah in ki Yeuel in tongganutnea.

TAWARIKH 1 9:4 ပူးပေါင်းရင်းမြစ်များ

KINOBAḺIAN 46:12

Ki Yohuda; ki adínea mita: ki Syela ki Peres bo ki Zerah, yo ki adí mita i Yohuda ibanea, ki Er bo ki Onan in minatoi kon Kanaan. Ki adí mita i Peres in ki Hezron bo ki Hamul.

TAWARIKH 1 2:5

Ki Peres in kogadí kon adí ḷoḷaki doyowa, ki Hezron bo ki Hamul.

TAWARIKH 1 4:1

Noiduduimai naa in tongosilai nongkon buí i Yohuda: ki Peres, ki Hezron, ki Karmi, ki Hur bo ki Syobal.

NEHEMIA 11:4

Tongonumai in intau nongkon suku in Yohuda bo Benyamin in nogutun kon Yerusalem. Naa in tangoi mita monia. Suku in Yohuda: Ki Ataya ki adí i Uzia, ki ompu i Zakharia. Tongonumai in kon sigad in mogoguyangnea: ki Amarya, ki Sepaca bo ki Mahalaleel, ki Peres, ki Yohuda. Kobayong monia in 468 inta mongotorindog. Ki Maaseya ki adí i Barukh, ki ompu i Kolhoze. Tongonumai in kon sigad in mogoguyang monia: ki Hazaya, ki Adaya, ki Yoyarib, ki Zakharia, ki Syela, ki Yohuda.

NEHEMIA 8:7

Nopaḷut mako kon tua nobuat in mosia bo sinimindog kon tampat monia tontaní, bo tongonumai in intau mita in Lewi noginsilang kon Hukum tatua kon i monia. Naa in intau mita in Lewi tatua: ki Yesua, ki Bani, ki Serebya, ki Yamin, ki Akub, ki Sabetai, ki Hodia, ki Maaseya, ki Kelita, ki Azarya, ki Yozabad, ki Hanan bo ki Pelaya.