TAWARIKH 1 9:31 - Alkitab Singog In Mongondow Masa In Tanaa

³¹ Inta mogaid kon bayongan in sosumba inta inangag in intau in Lewi tangoinea in ki Matica, adí guya-guyang i Salum nongkon inanakan i Korah.

TAWARIKH 1 9:31 ပူးပေါင်းရင်းမြစ်များ

KINOBAḺIAN 19:3

Ki Lot in nopoigum totok, dá aher mako mosia in sinumuotdon noyotakin kon baḷoi Lot. Ki Lot in nogoḷudon kon kaanon inta totok in mopia in nanamnea bo nomia doman kon roti inta tugat kinaan monia, bo nongaandon in mosia.

TAWARIKH 1 23:29

Mosia doman in kitogi totaau kon inta moiduduimai naa: Roti inta pinosumba kon i Allah, topong inta pakéon posumba kon i Tuhan, kukis nonipit inta pinomia diá binaukan in ragi, kuruban inangag, bo topong inta binaukan in ḷana zaitun. Musti doman in mosia mosimbang bo mogiap kon sosumba mita inta dinia kon Baḷoi Tuhan.

TAWARIKH 1 9:17

Moḷoḷukad mita kon Baḷoi Tuhan inta nogutun kon Yerusalem inta noyotakin in motoḷuadí mita monia in ki Akub, ki Talmon, ki Ahiman, bo ki Salum tongguḷu in moḷoḷukad.

TAWARIKH 1 9:19

Inta pinoki ḷukadan in ngara tumuot kon ḷoḷaigan i Tuhan in ki Salum takin intau mita inta tongo inanakannea, tuata in inanakan i Korah. (Ki Salum in ki adí i Kore ki ompu i Ebyasap.) Dungkuḷmai in mogoguyang monia in nogaid kon oaidan tatua kon tungkuḷ in mosia nopobayá in oaidan kon ḷoḷaigan i Tuhan.

TAWARIKH 1 9:22

Bayongan in intau inta piniḻí moḷukad kon ngara mita moḷoben kobayongnea in 212 in intau. Mosia in pinais podudui in ḻipú mita inta pinogutunan monia. Mogoguyang monia in inogoian in oaidan mita tatua i Datu Daud bo i Nabi Samuel.

TAWARIKH 1 9:26

Táe taya opat inta tongguḷu in moḷoḷukad tatua in mopobayábí in oaidan motantú. Mosia in kitogi totaau kon yuang mita kon Baḷoi Tuhan bo pakakat mita inta sinagú kon tua.

IMAMAT 2:5

Aka inta pinosumba tatua bo roti inta inangag kon tudu in pogogangagan, dá roti tatua musti pomiaan nongkon topong inta moaḷus takin ḷana zaitun, táe diá ragian.

IMAMAT 2:7

Aka inta pinosumba tatua bo roti inta dinungú kon rumping, dá roti tatua musti pomiaan nongkon topong moaḷus bo ḷana zaitun.

IMAMAT 6:14

Naadon in atorang mita soaḷ kuruban oḷudon kon i Tuhan. Kuruban tatua musti diaan in intau tobatú inta nongkon buí i Harun kon tayowon in mezbah.

IMAMAT 6:21

Topong tatua in mustibí poyobauion in ḷana, bodongka tubáan kon tudu in pogogangagan, onda intua ḷosi-ḷosion bo posumba mobaḻí kuruban oḷudon. Rongingi in kuruban tatua mokosanang kon gina i Tuhan.