TAWARIKH 1 9:27 - Alkitab Singog In Mongondow Masa In Tanaa

²⁷ Mosia in nogutun kon diug in Baḷoi Tuhan, sin mosia in mustibí umuran moḷukad kon baḷoi tatua bo momukat kon bonawangnea mita muḷoi in doḷo-doḷom.

TAWARIKH 1 9:27 ပူးပေါင်းရင်းမြစ်များ

TAWARIKH 1 9:26

Táe taya opat inta tongguḷu in moḷoḷukad tatua in mopobayábí in oaidan motantú. Mosia in kitogi totaau kon yuang mita kon Baḷoi Tuhan bo pakakat mita inta sinagú kon tua.

TAWARIKH 1 9:28

Tongosilai intau in Lewi in moḷoḷukad kon pakakat mita in ibada. Mosia in nogiap kon tua kon dodai in poḷuaion bo kon dodai in pobuion kon tampatnea.

MAZMUR 134:1

Dondong mayá in Baḷoi Tuhan. Igai, dayow in ki Tuhan, ei bayongan in mogogundoi i Tuhan, bayongan inta mosumba kon Baḷoi-Nea kon tungkuḷ in doḷom.

YEREMIA 35:4

Akuoi in nodia kon i monia kon Baḷoi Tuhan kon bonu in yuang in murí mita i Nabi Hanan ki adí i Yigdalya. Yuang tatua kon ḻimonik in yuang i Imang Maaseya ki adí i Salum, kon diug in yuang in pojabat mita ibanea. Ki Maaseya in pogawai moḷantud inta moindoi kon ngara mita kon Baḷoi Tuhan.

MALEAKHI 1:10

Ki Tuhan Inta Totok in mokawasa in noguman, “Mopia-piabí kon ḻingkopan-Ku in ngara in Baḷoi-Ku, sin diábí in mangaḻenea in moiko monontuḷú kon tudu in mezbah-Ku. Doíbí in Akuoi kon i monimu, bo doíbí in Akuoi motarima kon sosumbamu.

SURAT I PAULUS KON JAMAAT RUM 12:7

Intau inta nokouḻí kon totabi motuḷung kon intau ibanea, yo musti in sia totu-totuu motuḷung kon intau ibanea. Intau inta nokouḻí kon totabi mobogoi in totundú, dá musti in sia totu-totuu doman mobogoi in totundú.

SAMUEL 1 3:15

Nopaḷut mako kon tua ki Samuel nosiugdon bui, bo naonda in doḷo-doḷom nobangon in sia bo nomukat kon ḷoḻingkop mita in Baḷoi i Tuhan. Moondok in sia in mopotaau kon i Eli kon onu inta inontongnea tatua,