TAWARIKH 1 9:22 - Alkitab Singog In Mongondow Masa In Tanaa

²² Bayongan in intau inta piniḻí moḷukad kon ngara mita moḷoben kobayongnea in 212 in intau. Mosia in pinais podudui in ḻipú mita inta pinogutunan monia. Mogoguyang monia in inogoian in oaidan mita tatua i Datu Daud bo i Nabi Samuel.

TAWARIKH 1 9:22 ပူးပေါင်းရင်းမြစ်များ

TAWARIKH 1 28:13

Bo inogoinea domandon in tomayá kon mopoyosilai kon imang mita bo intau mita in Lewi, soaḷ oaidan mita inta musti aidan monia, tuata in oaidan monia kon Baḷoi Tuhan bo poḷoḷukad kon bayongan in pakakat in ibada.

TAWARIKH 1 28:21

Pinosilaian kon oaidan mopobayá in ibada kon Baḷoi Tuhan ain sinantú kon sigad in imang mita bo intau in Lewi. Mogogaid mita inta mongotaau kon oaidannea kon batúan monia in motuḷungbí kon inimu takin sanang in gina, bo itoi mita takin bayongan in rayat in dumuduibí kon parentamu.”

TAWARIKH 1 29:29

Kinobiagan i Daud nongkon pinomangkoian noidapot kon imbuitnea ain pinais kon bonu in buk Nabi Samuel, Nabi Natan bo Nabi Gad.

TAWARIKH 1 9:23

Pinangkoi kon tua mosia takin buí monia in umurandon nobaḻí moḷoḷukad kon bonawang in Baḷoi Tuhan.

TAWARIKH 1 9:31

Inta mogaid kon bayongan in sosumba inta inangag in intau in Lewi tangoinea in ki Matica, adí guya-guyang i Salum nongkon inanakan i Korah.

TAWARIKH 2 23:19

Kon bonawang mita in Baḷoi Tuhan, ki Yoyada in nokiḷukadon kon moḷoḷukad sin moḷukad sinbá intau inta diá patus mosumba kon i Tuhan in diá tumuot.

TAWARIKH 2 31:15

Kon kotá mita ibanea inta pinogutunan in imang mita, ki Kore binantungan in intau mita in Lewi ibanea tuata: ki Eden, ki Minyamin, ki Yesua, ki Semaya, ki Amarya, bo ki Sekhanya. Kokaanon mita tatua in sinilai kinotongkai kon tumpaḷa suku in Lewi pinomayá inta noguyang andeka inta noguodpa podudui in oaidan monia.

TAWARIKH 2 31:18

Mosia komintan in pinais noyotakin in adí bo buḷoi, bo anggota mita ibanea kon bonu in motoḷuadínea, sin mosia in mustibí umuran mosadia pomuḷoi mako sin mopobayá in oaidan mita monia inta ain sinantú kon i Tuhan.

NEHEMIA 11:36

Tongonumai in paanan in intau Lewi inta munadon nogutun kon butá in Yohuda pinoki pogutunandon takin intau mita in Benyamin.

NEHEMIA 12:44

Kon dodai intua tongonumai intau in pinoki ḷukadan in gopot mita inta pinotagúan kon tongkaaḷ tampat pototagúan kon sumbangan mita ogoi kon Baḷoi Tuhan, noitakin doman in sosumba mopuḷú noporosen bo bungai in boyó inta dungkuḷ kon pomuḷoi in taong. Moḷoḷukad mita tatua in kitogi totaau mosipun kon sumbangan mita tatua nongkon gobá mita kon diugmai in kotá mita. Sumbangan mita tatua in ogoi monia kon imang mita bo intau mita i Lewi, podudui in atorang in Hukum. Intau mita in Yohuda mohoromatbí kon imang mita bo intau mita in Lewi tatua,

SAMUEL 1 9:9

“Mopia uḻe!” tubag i Saul, “Igai mayá in kita.” Bo minayádon in mosia kon kotá, kon tampat in mogogundoi i Allah tua. Naonda in mosia notakod kon buḷud inta mopobayá ná kotá tatua, noyodungkuḷdon in mosia in tongonumai in mongodeaga inta mayá monangkob kon tubig kon parigí. Bo mosia noḻibó kon mongodeaga mita tatua, “Degá mododoyangow oyúon kon kotá?” (Kon tungkuḷ intua nabi tobatú sinangoi mododoyangow, dá aka oyúon in intau moḻibó kon i Allah, dá sia in moguman nanaa, “Igai in kita mayá kon mododoyangow.”)