TAWARIKH 1 9:2 - Alkitab Singog In Mongondow Masa In Tanaa

² Nongkon sigad monia inta muna-munamai nobui kon butá monia kon kotá mita in intau biasa, imang mita, intau in Lewi bo inta mogogaid mita kon Baḷoi Tuhan.

TAWARIKH 1 9:2 ပူးပေါင်းရင်းမြစ်များ

EZRA 2:1

Nobayong in kon sigad in intau mita inta kon pinoḷumbúan in nonaḷámai kon butá in Babel bo nobui minayá in Yerusalem bo Yohuda, kon batúannea nobui kon kotánea-kotánea. Mosia in nobiagdon kon pinoḷumbúan kon Babel pinangkoipamai mosia inakut kon tua i Datu Nebukadnezar.

EZRA 2:43

Naa in tangoi in bui in motoḷuadí in intau mita inta mogogaid kon Baḷoi Tuhan inta nobui nongkon pinoḷumbúan: Ki Ziha, ki Hazupa, ki Tabaot, Ki Keros, ki Siaha, ki Padon, Ki Lebana, ki Hagaba, ki Akub, Ki Hagab, ki Samlai, ki Hanan, Ki Gidel, ki Gahar, ki Reaya, Ki Rezin, ki Nekoda, ki Gazam, Ki Uza, ki Paseah, ki Besai, Ki Asna, ki Meunim, ki Nepusim, Ki Bakbuk, ki Hakupa, ki Harhur, Ki Bazlut, ki Mehida, ki Harsa, Ki Barkos, ki Sisera, ki Temah, Ki Neziah bo ki Hatipa.

EZRA 2:58

Inanakan motoḷuadí in intau inta mogogaid kon Baḷoi Tuhan bo mobobantung mita i Salomo inta nobui nongkon pinoḷumbúan kobayongnea in 392 in intau.

EZRA 2:70

Imang mita, intau mita in Lewi bo tongosilai nongkon rayat in nogutun notantú kon Yerusalem bo kon kotá mita inta kon diugnea. Mododondong, moḷoḷukad kon ngara in Baḷoi Tuhan bo mogogaid mita kon Baḷoi Tuhan bo intau mita in Israel ki agatnea in nogutun kon kotá mita inta pinogutunan in mogoguyang monia koḻipod.

EZRA 8:20

Koḻikud intua oyúon doman in 220 in intau inta mogogundoi kon Baḷoi Tuhan inta kinopaisandon in tangoi monia. Mogoguyang monia pinangkoi nongkon koḻipod in sinantúdon i Datu Daud bo intau mita moḷoben kon dodatuan sin mobantung kon intau in Lewi.

NEHEMIA 10:29

Kami komintan in dinumugangdon takin itoi mita nami bo nongibot kon mobiag podudui in hukum i Allah inta ain inogoi-Nea pinongin i Musa mogogundoi-Nea. Igumon mako ki Allah mongutuk kon inami aka diá intompodan nami in dodandian nami tanaa. Kami in mongibot kon dumuduibí kon bayongan in parenta, hukum bo atorang i Tuhan, Allah nami.

NEHEMIA 11:1

Itoi mita in nogutun notantú kon Yerusalem bo rayat in nopogonik in undi sin momiḻí kon motoḷuadí nongkon batúan in motoḷuadí mopuḷú inta musti mogutun kon kotá motusi, Yerusalem. Inta diá kinopiḻían in motaaubí mogutun kon kotá mita ibanea.

NEHEMIA 7:60

Bayongan buí in intau mita inta mopobayámai in oaidan monia kon bonu in Baḷoi Tuhan bo bobantung mita i Salomo inta nobui nongkon pinoḷumbúan in 392 in kobayongnea.

NEHEMIA 7:73

Imang mita, intau mita in Lewi, moḷoḷukad mita kon ngara in Baḷoi Tuhan, mododondong, nobayong in nongkon rayat biasa, mogogaid mita kon bonu in Baḷoi Tuhan, impoḷok mako in singog bayongan in rayat in Israel, nogutun notantú kon kotá mita bo ḻipú mita in Yohuda.