TAWARIKH 1 9:19 - Alkitab Singog In Mongondow Masa In Tanaa

¹⁹ Inta pinoki ḷukadan in ngara tumuot kon ḷoḷaigan i Tuhan in ki Salum takin intau mita inta tongo inanakannea, tuata in inanakan i Korah. (Ki Salum in ki adí i Kore ki ompu i Ebyasap.) Dungkuḷmai in mogoguyang monia in nogaid kon oaidan tatua kon tungkuḷ in mosia nopobayá in oaidan kon ḷoḷaigan i Tuhan.

TAWARIKH 1 9:19 ပူးပေါင်းရင်းမြစ်များ

DATU MITA 2 11:15

Diá inogoi i Yoyada in ki Atalya ḻimodon kon diugmai in Baḷoi Tuhan, dá noguman in sia kon porwira mita, “Diadon in sia ḷumuai pongin pipidan in moḷoḷukad bo ḻimod in ki inekabí inta moḷongasi moposaḷamat kon inia.”

DATU MITA 2 11:9

Porwira mita tatua in dinumudui kon parenta i Yoyada bo nodia mangoi kon inia in intau monia inta musti mopobayá in oaidan bo inta noiḷuat kon oaidan monia kon singgai in Sabat tatua.

DATU MITA 2 12:10

Pomuḷoi in aka doit kon bonu in kas tatua mobayongdon, momomais i datu takin Imang Moḷoben mamangoi bo mogiap kon doit tatua, bodongka bakuton.

TAWARIKH 1 9:18

Noidapot in singgai naa intau mita nongkon inanakan monia in pinoki ḷukadan in Bonawang in Datu kon dotá in pomukaan. Dungkuḷmai intau mita nongkon inanakan monia in pinoki ḷukadan in bonawang mita inta mopobayá ná pinononḷoḷaigan in intau in Lewi.

TAWARIKH 1 9:20

Ki Pinehas adí i Eleazar – igumon mako ḷukadan i Tuhan in sia! – nokoimontan in nobaḻí tongguḷu monia.

MAZMUR 42:1

Kon i itoi in mododondong. Dondong totundú in inanakan i Korah.

MAZMUR 44:1

Mazmur in inanakan i Korah. Dondong topotundú. Kon i itoi in mododondong.

MAZMUR 49:1

Mazmur in inanakan i Korah. Kon i itoi in mododondong.

MAZMUR 84:10

Barakataipa kaasí in datu nami, o Allah, ḷukadaidon in intau inta ain piniḻí-Mu.

YEREMIA 35:4

Akuoi in nodia kon i monia kon Baḷoi Tuhan kon bonu in yuang in murí mita i Nabi Hanan ki adí i Yigdalya. Yuang tatua kon ḻimonik in yuang i Imang Maaseya ki adí i Salum, kon diug in yuang in pojabat mita ibanea. Ki Maaseya in pogawai moḷantud inta moindoi kon ngara mita kon Baḷoi Tuhan.

YEREMIA 52:24

Koḻikud intua, ki Nebuzaradan in nodomok kon i Imang Moḷoben ki Seraya, ki Zepanya oḻitnea, toḷu in intau moḷoḷukad kon Baḷoi Tuhan,