TAWARIKH 1 9:14 - Alkitab Singog In Mongondow Masa In Tanaa

^14-16 Intau mita in Lewi noiduduimai naa inta nogutun kon Yerusalem: Ki Semaya adí i Hasub; mogoguyangnea in ki Azrikam bo ki Hasabya nongkon inanakan i Merari Ki Bakbakar, ki Heres bo ki Galal Ki Matanya adí i Mikha; mogoguyangnea in ki Zikhri bo ki Asap. Ki Obaja adí i Semaya; mogoguyangnea in ki Galal bo ki Yedutun Ki Berekhya adí i Asa, ompu i Elkana, sia in nogutun kon butá kon kotá in Netopa.

TAWARIKH 1 9:14 ပူးပေါင်းရင်းမြစ်များ

TAWARIKH 1 26:1

Naa in tonsilai in oaidan kon intau mita in Lewi moḷoḷukad kon Baḷoi Tuhan. Nongkon inanakan i Korah sinundú in ki Meselemya ki adí i Kore nongkon motoḷuadí i Ebyasap.

TAWARIKH 1 26:26

Ki Selomit bo ki utatnea mita in inogoian in oaidan moḷukad kon bayongan inta inogoi inta pinosumba i Datu Daud, in tongguḷu mita in motoḷuadí, itoi mita in inanakan, bo porwira mita moḷantud.

TAWARIKH 1 6:19

Ki Mahli bo ki Musi in ki adí mita i Merari.

TAWARIKH 1 6:29

Pipidan in buí i Merari in: ki Mahli, ki Libni, ki Simei, ki Uza,

TAWARIKH 1 6:63

Pinongin undian doman, motoḷuadí mita kon bonu in inanakan i Merari nokouḻí kon 12 in ḻipú kon butá in suku i Ruben, i Gad bo i Zebulon.

TAWARIKH 1 9:13

Imang mita inta nobaḻí tongguḷu in motoḷuadí, kobayongnea in 1.760 in intau. Mosia tua in mongopandoi in mogaid kon onukabí in Baḷoi Tuhan.

NEHEMIA 12:23

Táe aka tangoi mita in tongguḷu mita in inanakan in Lewi tongábí pinais noidapot kon tungkuḷ in ki i Yonatan ki ompu i Elyasib.

NEHEMIA 12:24

Kon bonu in tongganut i Hasabya, i Serebya, i Yesua, i Binui bo ki Kadmiel, intau mita in Lewi sinilai kon bonu in paanan mita. Pomuḷoi mako doyowa nopaanan in modayow kon i Tuhan bo mopoyaput in sukur kon i-Nia mositubagan, podudui in atorang i Datu Daud, mogogundoi i Allah tua.

PINOGIAPAN 26:57

Suku i Lewi tua in kinosipunan in Inanakan i Gerson, i Kehat bo i Merari.