TAWARIKH 1 8:34 - Alkitab Singog In Mongondow Masa In Tanaa

³⁴ Ki Yonatan in kogadí kon ḷoḷaki tangoinea in ki Meribaal, ki amá i Mikha.

TAWARIKH 1 8:34 ပူးပေါင်းရင်းမြစ်များ

SAMUEL 2 9:10

Iko bo ki adímu mita takin bobantungmu in mustibí monompinomuḷa kon butá tatua sin kopontingan in motoḷuadí i tuangmu ki Saul, bo ogoidon in bungai in pinomuḷa tatua kon i monia sinbá oyúon in pakéon monia kon kobiagan. Táe ki Mepiboset in motaaubí in mongaan kon komaḻig in kinoouput in kinobiagannea.” (Ki Ziba in kogadí kon ḷoḷaki 15 bo atanea in 20.)

SAMUEL 2 9:12

Ki Mepiboset in kogadí kon ḷoḷaki inta ki Mikha in tangoinea. Bayongan in motoḷuadí i Ziba in nobaḻíbí bobantung mita i Mepiboset.

SAMUEL 2 9:6

Ki Mepiboset in tangoi adí ḷoḷaki i Yonatan tatua. Naonda in namangoi in sia, sinumungkud in sia nohoromat kon i Daud. Ki Daud nokuuk kon inia, kainia, “Mepiboset,” bo sia notubag, “Ya, Tuang datu.”

TAWARIKH 1 8:33

Ki amá i Datu Saul in ki Kish in tangoinea bo ki akinea in ki Ner. Ki Saul in kogadí kon ḷoḷaki opat: ki Yonatan, ki Malkisua, ki Abinadab bo ki Esybaal.

TAWARIKH 1 8:35

Ki Mikha in kogadí kon ḷoḷaki opat: ki Piton, ki Melekh, ki Tahrea bo ki Ahas.

TAWARIKH 1 9:40

Ki Yonatan in kogadí kon adí ḷoḷaki tangoinea in ki Meribaal, amá i Mikha.