TAWARIKH 1 7:29 - Alkitab Singog In Mongondow Masa In Tanaa

²⁹ Buí i Manasye in nongawasa kon kotá in Bet-Sean, Taanakh, Megido, Dor bo ḻipú mita kon ḻibuneamai. Tuata in bayongan butá pogogutunan in buí i Yusup adí i Yakub.

TAWARIKH 1 7:29 ပူးပေါင်းရင်းမြစ်များ

DATU MITA IMITÁNEA 9:15

Ki Datu Salomo in nomakisa nokiaid in Baḷoi Tuhan, takin komaḻig in datu, dinding in Yerusalem bo nopomumbun in butá kon dotá in toḷatan in Baḷoi Tuhan. Sia in nomakisa doman nokiaid bui in kotá in Hazor, Megido bo Gezer. (

DATU MITA 2 9:27

Ki Ahazia in nokoontong kon onu inta nobaḻí tatua, dá pinoḷaguinea in keretanea nopobayá in kotá in Bet-Hagan. Ki Yehu in nondudur kon inia bo nomaḷú kon intaunea mita, “Ḻimod domandon in sia!” Piniotan monia in sia bo kinekeban kon daḷan inta nopobayá ná Gur, kon diug in kotá in Yibleam. Táe nokoḷagui in sia nodapot in Megido, bo minatoi in sia kon tua.

TAWARIKH 2 35:22

Táe ki Yosia in noḷongasibí moḷawang, bo doí dumudui kon onu inta pinoguman i Allah pinongin i Datu Nekho. Ki Yosia in nogiḷambung in ḷambung ibanea bo sinumuot kon parang kon ḷopá in Megido.

ZAKHARIA 12:11

Kon singgai tatua oyúonbí in ombaḷ motoyang kon Yerusalem, naonda bo amui kon Hadad-Rimon Kon Ḷopá in Megido.

WAHYU 16:16

Onda intua dimukud mita tatua in nosipun kon datu mita tatua kon tampat inta kon bahasa Ibrani sinangoian Harmagedon (Tampat poyoyangan/pomutúan.)

HAKIM MITA 5:19

Kon Taanakh, kon diug in ongkag in Megido, datu mita noparang, datu mita in Kanaan irumopotdon totok, táe kon pinoparangan tatua mosia in diábí nogagow kon saḷaka.

SAMUEL 1 31:10

Onda intua ḷambung parang i Saul tatua in sinagú kon bonu in kuil i dewi Asytoret, bo awaknea in pinopopakú kon dinding in kotá in Bet-Sean.