TAWARIKH 1 7:18 - Alkitab Singog In Mongondow Masa In Tanaa

¹⁸ Ki bobay i Gilead inta tangoinea in ki Molekhet in kogadí kon ḷoḷaki toḷu: ki Ishod, ki Abiezer bo ki Mahla.

TAWARIKH 1 7:18 ပူးပေါင်းရင်းမြစ်များ

TAWARIKH 1 7:17

Ki Ulam in kogadí kon ḷoḷaki tobatú tangoinea in ki Bedan. Tuata in buí i Gilead adí i Makhir, ompu i Manasye.

TAWARIKH 1 7:19

Ki Semida in kogadí kon adí ḷoḷaki opat: ki Ahyan, ki Sekhem, ki Likhi bo ki Aniam.

PINOGIAPAN 26:30

Inanakan i Iezer, i Helek,

YOSUA 17:2

Butá kon dotá in toyopan kon Ongkag in Yordan inogoi kon motoḷuadí mita ibanea nongkon buí i Manasye, inta motoḷuadí mita tanaa: ki Abiezer, Helek, Asriel, Sekhem, Heper bo i Semida; tua komintan bui ḷoḷaki nongkon i Manasye ki adí i Yusup. Mosia tua in tongguḷu mita in motoḷuadí.

HAKIM MITA 6:11

Kon singgai tobatú malaekat i Tuhan namangoi kon kotá in Opra, bo iḻimitú kon siungon in pangkoi kayu terpentin, kapunyaan i Yoas, intau nongkon inanakan i Abiezer. Ki adínea inta ki Gideon, koyogot moḻintogmai kon gandum kon tampat pomomugutan kon anggur. Inaidannea intua takin inumado-adop sinbá diá koontongan in intau in Midian.

HAKIM MITA 6:24

Bo ki Gideon noposindog in mezbah tobatú kon tua bo sinangoiannea “Ki Tuhan Pangkoi in Kobiagan Motompia”. Mezbah tatua oyúonpa kon Opra, inta kotá intau in Abiezer.

HAKIM MITA 6:34

Táe ki Gideon kinawasa in Roho i Tuhan, dá sia nogirup kon torompet sin mogoiní kon intau mita inta inanakan i Abiezer sinbá mamangoi dumugang kon inia.

HAKIM MITA 8:2

Táe ki Gideon in notubag, “Onu in pinomiaku diábí totok in moḷoben in mangaḻenea aka poyobandingonmai in onu inta ain pinomia monimu. Umpaka inta pinomia monimu tua tongá topiḻik, táe inta topiḻikbí tua in moḷobe-ḷoben in mangaḻenea nongkon bayongan inta ain inaidan in tontara nongkon inanakanku.