TAWARIKH 1 7:14 - Alkitab Singog In Mongondow Masa In Tanaa

¹⁴ Ki Manasye takin ki pahangnea, bobay in Aram tobatú, in kogadí kon ḷoḷaki doyowa: ki Asriel bo ki Makhir. Adí i Makhir in ki Gilead.

TAWARIKH 1 7:14 ပူးပေါင်းရင်းမြစ်များ

KINOBAḺIAN 25:20

Ki Ishak in umurdon opat nopuḷú notaong tungkuḷ in sia nonika takin i Ribka, ki adí i Laban, inta ki adí i Betuel, intau in Aram nongkon Mesopotamia.

KINOBAḺIAN 50:23

Sia in nokooḷat bo nokoontongpa kon i adí bo ompu i Epraim. Ná doman tua ki adí mita i Makhir, inta ki ompu i Manasye sinompianeapamai ná ki adínea tontaní.

TAWARIKH 1 7:13

Ki Naptali in kogadí kon ḷoḷaki opat: ki Yahziel, ki Guni, ki Yezer bo ki Salum. Mosia in ki ompu i Bilha.

TAWARIKH 1 7:15

Ki Makhir in notayak kon buḷoi kon i Hupim bo kon i Supim. Tangoi i buḷoi i Makhir in ki Maakha. Adí i Makhir induanea in ki Zelapehad. Ki Zelapehad in diá kogadí kon ḷoḷaki, tongá adí bobay.

PINOGIAPAN 26:28

Nongkon buí i Yusup, inta kogadí kon adí ḷoḷaki doyowa: Suku i Manasye bo suku i Epraim.

PINOGIAPAN 27:1

Ki Zelapehad kogadí kon bobay ḻima, inta ki Mahla, ki Noa, ki Hogla, ki Milka bo ki Tirza. Ki amá i Zelapehad in ki Heper, ki amá i Heper in ki Gilead. Ki amá i Gilead in ki Makhir, ki amá Makhir in ki Manasye, bo ki amá i Manasye in ki Yusup.

YOSUA 13:31

Bo noitakin doman in tongosilai in butá in Gilead, bo Asytarot bo Edrei, inta ibukotá doyowa in butá kawasa i Datu Og kon Basan. Bayongan in butá tatua inogoi kon tongosilai in motoḷuadí mita buí i Makhir, adí i Manasye.

HAKIM MITA 5:14

Mosia in minayá nongkon Epraim nopobayá in ḷopá, dinumudui kon tontara i Benyamin inta nopipid kon muna monia. Nongkon Makhir namangoidon in panglima mita, bo nongkon Zebulon sinimindogdon in porwira mita.