Itoi in buí i Hebron in ki Yeria. Kon taong inggopat nopuḷú kon pinomarentaan i Datu Daud inaidandon in pinonaridian kon bui i Hebron. Kon pinonaridian tatua noniata magí kon sigad monia tua oyúon in tontara mita inta mongotorindog inta nogutun kon Yazer kon bonu in butá in Gilead.
Pinopountung-Mu in mosia kon nobayong in dodatuan bo bangusa kon pinosigadan in butá monia. Hesybon butá i Datu Sihon, iḻitúan monia; Basan butá i Datu Og, inutunan monia.
Sigogowmu naonda bo ḷangkeang uwaḷa in gajah. Matamu naonda bo tabang mita kon Hesybon, kon diug in bonawang Batrabim. Ngiungmu naonda bo ḷangkeang kon Buḷud in Libanon, inta noitayow kon kotá in Damsyik.
Natuata in pinongongagow in intau in Israel kon bayongan butá intau in Amori, noitakin doman in Hesybon bo bayongan kotá mointok inta kon diugneamai, bo nogutundon in mosia kon tua.
Onda intua ki Musa nopotabá kon intau mita minayá notayak kon daḷan inta totok in mopia sin monubu kon kotá in Yaezer. Bo intau in Israel nokoagow kon kotá tatua takin doman kotá mita inta nongointok kon diugneamai bo nopoguntun kon intau mita in Amori inta nogutun kon tua.
Suku mita i Ruben bo i Gad kobobiagon inta modamaḷ totok. Naonda in inontong monia kon totok in mopia in butá in Yaezer bo butá in Gilead kon ponombobiagan,
“Butá in kotá mita in Atarot, Dibon, Yaezer, Nimra, Hesybon, Eleale, Sebam, Nebo bo Beon inta ain iḻitúan in Israel takin totuḷung i Tuhan, totuu mopia ponombobiagan. Bo popisí in bobiagon nami modamaḷ totok,
“Naonda in kita nonaḻib kon butá in Moab, ki Tuhan noguman kon i naton, ‘Bayádon in tanaa mako ḷumoḷan kon Ongkag in Arnon. Ogoi-Kudon kon i monimu in Sihon, datu in Amori inta nomarenta kon Hesybon, takin butánea. Tubudon in sia, bo ḻitúaidon in butánea.
