TAWARIKH 1 6:49 - Alkitab Singog In Mongondow Masa In Tanaa

⁴⁹ Ki Harun bo buínea in mototubá kon dupa, moposumba in kuruban payongon kon tudu in mezbah, mopobayá in bayongan upacara kon Yuang Totok motusi, bo moposumba in kuruban potobut kon dosa in umat in Israel. Tua komintan in inaidan monia pinodudui kon topotundú mita inta inogoi i Musa mogogundoi i Allah.

TAWARIKH 1 6:49 ပူးပေါင်းရင်းမြစ်များ

TAWARIKH 1 6:48

Oaidan mita ibanea kon baḷoi pooibadaan in inogoi kon topotakin mita monia inta intau in Lewi doman.

AYUB 33:24

Takin tabi in malaekat tatua in moguman, ‘Buḻiaidon in sia, diábí motaau in sia moponag kon dunia in intau minatoi. Naa in doit potobut, sinbá moiḷuatdon bui in sia.’

IḶUAIAN 29:33

Mosia in musti mokaan kon kaanon inta pinokuruban kon upacara pongampungan kon dosa kon tungkuḷ in pinoduían kon imang. Tongábí imang in motaau mokaan kon kaanon inta sinantú kon i-Nakó tua.

IMAMAT 1:5

Onda intua sapi tatua musti ratáan kon tayowon ngara in Ḷoḷaigan. Dugúnea musti posumba in imang mita inta buí i Harun kon i Tuhan, bodongka popobutak kon sí mita in mezbah inta opat tatua kon tayowon ngara in Ḷoḷaigan.

IMAMAT 4:20

Aidan naonda bo pogogaid kon sosumba sapi koḷakian inta nobaḻí kuruban pongampung kon dosa. Natuata in pogogaid in Imang Moḷoben moposumba in kuruban sin potobut kon dosa mita in umat, dá dosa mita tatua in ampungandon i Tuhan.

PINOGIAPAN 15:25

Bo imang musti mogaid kon upacara potobutan kon dosa in umat. Dá ampungan in taḷá monia inta diá sinuod inaidan monia, bo popisí in mosia ain nodia kon kuruban potobut kon dosa bo kuruban payongon kon i Tuhan.

PINOGIAPAN 16:16

Bo ki Musa noguman kon i Korah, “Angoidon in ikoḷom kon Ḷoḷaigan i Tuhan moyotakin in dumoduduimu mita inta doyowa nogatut bo ḻima nopuḷú tua. Ki Harun in mamangoibí doman intua. Moiko in musti modia tonta-tontaní kon tampat in tuḷúmu. Bonu in dupa kon tua, bo posumbadon kon i Tuhan.”

ULANGAN 34:5

Bo minatoidon in ki Musa inta mogogundoi i Tuhan tua kon butá in Moab, ná inta munadon pinoguman i Tuhan.

YOSUA 1:1

Naonda in ki Musa, mogogundoi i Tuhan tua minatoi, ki Tuhan noguman kon i Yosua adí i Nun inta bobantung i Musa.