TAWARIKH 1 6:15 - Alkitab Singog In Mongondow Masa In Tanaa

¹⁵ Ki Yozadak naa inta noitakin dinia noyotakin in intau in Yohuda bo intau inta nogutun kon Yerusalem ibanea kon tungkuḷ in ki Tuhan noḷumbú kon i monia kon butá ibanea pinongin i Nebukadnezar.

TAWARIKH 1 6:15 ပူးပေါင်းရင်းမြစ်များ

DATU MITA 2 14:27

Diábí in makusud i Tuhan morimumud kon Israel kinoouput in dunia naa, tuamai in sinuḷungan-Nea in mosia pinongin i Datu Yerobeam II.

DATU MITA 2 25:18

Koḻikud intua, ki Nebuzaradan in nodomok doman kon i Imang Moḷoben ki Seraya, ki Zepanya imang mototongod kon oaidan, moḷoḷukad kon ngara in Baḷoi Tuhan taya toḷu, monononggina i datu taya ḻima inta kon kotápa, tongguḷu totok in tontara, toḻindua in tongguḷu totok in tontara inta monoinutmai kon administrasi in tontara, bo intau moḷoben 60 ibanea.

DATU MITA 2 25:21

kon butá in Hamat. Mosia iroriga kon tua bodongka iḻimod. Natuata in intau mita in Yohuda dinia pinobayá in pinoḷumbúan.

TAWARIKH 1 6:14

ki Seraya, ki Yozadak.

TAWARIKH 1 6:16

Ki Lewi in kogadí kon adí ḷoḷaki toḷu, inta ki Gerson, ki Kehat bo ki Merari.

EZRA 5:2

Nokodongogmai kon koyow in nabi doyowa tatua, ki Zerubabel ki adí i Sealtiel bo ki Yesua ki adí i Yozadak ḷagidon nomangkoi bui noposindog in Baḷoi Tuhan kon Yerusalem, binantungan in nabi doyowa tatua.

IḶUAIAN 4:13

Táe ki Musa in notubag, “Akuoi in mopoigum, dikadon mopotabá kon inakó mayá, kaasí Tuhan, potabádon in intau ibanea.”

YEREMIA 39:9

Imbuitnea rayat inta kon kotápa, takin intau mita inta ain noḷagui bo dinumotá kon intau mita in Babel, inakut pinobayá in Babel i Nebuzaradan itoi in tontara in Babel.

YEREMIA 52:28

Kobayong monia komintan in 4.600 in intau. Ki Nebukadnezar nogakut kon i monia noyodudui nanaa: 3.023 in intau kon taong impitunea kon pinomarentaannea, 832 in intau nongkon Yerusalem kon taong impuḷú bo waḷu kon pinomarentaannea, bo 745 in intau in inakut i Nebuzaradan kon taong in doyowa nopuḷú bo toḷu kon pinomarentaan i Nebukadnezar.

HAGAI 1:1

Kon taong induanea kon pinomarentaan i Datu Darius kon Persia, kon singgai imitánea kon buḷan noginggonom, ki Tuhan in nosingog pinongin i Nabi Hagai. Koyow i Tuhan tatua inogoi kon i Zerubabel ki adí i Sealtiel, gubernur in Yohuda, bo kon i Imang moḷoben Ki Yosua ki adí i Yozadak.

HAGAI 1:12

Onda intua ki Zerubabel bo ki Yosua takin bayongan umat in Israel inta ain nobui kon pinoḷumbúan kon Babel, in dinumudui kon tosingogon mita i Hagai, totabá i Tuhan tua. Mosia in nogaid kon onu inta pinarenta i Tuhan kon i monia, popisí in moondok kon i Tuhan.

HAGAI 1:14

Natuata in aid i Tuhan nobogoi in ibog kon i Gubernur Zerubabel, kon i Imang Moḷoben ki Yosua takin bayongan in intau inta ain nobui nongkon pinoḷumbúan, sinbá mosia komintan in mogaid moposindog bui in Baḷoi i Tuhan Inta Totok in mokawasa, ki Allah monia.

HAGAI 2:2

Ki Tuhan in nopotabá kon i Hagai noyosingog i Gubernur Zerubabel, i Imang Moḷoben ki Yosua, takin rayat sin mopotaau in koyow tanaa,

OUMAN IN RASUL MITA 14:27

Naonda in noiyaputdon kon Antiokhia, nodait monia sinipun in bayongan jamaat, bo pinongongumanan kon onu inta aindon inaidan i Allah kon i monia. Bo inouman doman monia in totuḷung i Allah nobuká kon daḷan nodapot in intau mita inta deeman Yahudi nopirisaya kon i Yesus.

SURAT I PAULUS KON JAMAAT RUM 15:18

Akuoi in diábí mobarani in mosingog kon ibanea mako, koḻikudbí in soaḷ inta ain inaidan i Kristus inta pinotonsigad-Nea kon inakó; pinaké-Nea in akuoi modia kon bangusa mita ibanea (deeman Yahudi) sinbá mosia in mamangoi bo dumuduidon kon i Allah. Tua pinomiaku deemanbí tongá singog táe takinbí doman oaid,