TAWARIKH 1 5:8 - Alkitab Singog In Mongondow Masa In Tanaa

⁸ bo ki Bela ki adí i Azas, ompu i Sema nongkon inanakan i Yoël. Suku i Ruben in nogutun kon Aroër bo butá inta pinangkoi kon Aroër nopobayá ná utuan nodapot kon Nebo bo Baal-Meon.

TAWARIKH 1 5:8 ပူးပေါင်းရင်းမြစ်များ

TAWARIKH 1 5:4

Naa in pipidan in buí i Yoël: ki Semaya, ki Gog, ki Simei, ki Mikha, ki Reaya, ki Baal bo ki Beera. Ki Beera in itoi in suku i Ruben naonda in sia dinomok i Tiglat-Pileser datu in Asyur, bo dinia kon pinoḷumbúan.

YESAYA 15:2

Intau inta nogutun kon Dibon motakod kon buḷud sin mongombaḷ kon tampat pososumbaan kon dewa mita. Intau in Moab takin morobonoḷ in dodob mogamui kon kotá in Nebo bo Medeba. Mosia in nongarug kon uḷu bo kumi nobaḻí tomponuot kon norobonoḷ in dodob.

YESAYA 17:2

Kotá mita in Siria in taḷaandon modapot in mononoi bo nobaḻídon tampat in paanan in bobiagon; diábí tobatúmai in intau in moguntun kon i monia.

YEHEZKIEL 25:9

Tuamai in kotá mita inta moḷukad kon sigad mita in butá in Moab in pomayá-Kudon mako tubuon in musung moitakin doman in kotá mita inta totok in mogaga, tuata in: Bet-Yesimot, Baal-Meon bo Kiryataim.

PINOGIAPAN 32:34

Suku in Gad noposindog bui in kotá in Dibon, Atarot, Aroër,

PINOGIAPAN 32:38

Nebo, Baal Meon, bo Sebam. Kotá mita inta pinosindog bui monia tua binaḷuiandon monia in tangoinea.

ULANGAN 32:49

“Bayádon kon Buḷud in Abarim kon butá in Moab kon ḷoḷan kotá in Yerikho. Bo potakodon kon Buḷud in Nebo bo indoiaidon Buḷud in Kanaan inta diádon moonggot bo ogoi-Ku kon bangusa Israel.

ULANGAN 34:1

Bo ki Musa nonaḷámai kon rata in Moab bo notakod kon Buḷud in Nebo, kon tudu totok in Pisga kon dotá in pomukaan kon Yerikho. Kon tua pinoontong i Tuhan kon inia in bayongan butá tatua, inta: Butá in Gilead nopobayá ná utuan kinoyoyayú in kotá in Dan;

YOSUA 12:2

Tobatú in tangoinea in ki Sihon, datu in Amori inta noiḻitú kon Hesybon. Butá inta kon bonu in kawasanea in tongobotak in butá in Gilead; inta nongkon Aroër (kon bingkí in Ḷopá in Arnon) bo kotá inta kon yua-yuak in ḷopá tatua nodapot in kinoouput in Ongkag in Yabok inta kon pinosigadan in butá in bangusa Amon;

YOSUA 13:17

noituot doman in Hesybon bo bayongan in kotá inta kon rata moḷantud tatua, tuata in Dibon, Bamot-Baal, Bet Baal-Meon,