TAWARIKH 1 5:20 - Alkitab Singog In Mongondow Masa In Tanaa

²⁰ Tontara mita tatua in mopirisaya kon i Allah bo nopoigum in totuḷung kon i-Nia, dá dinuduian i Allah in oigum monia tatua bo pinountung-Nea in mosia nongkon intau mita in Higri tatua bo yobayat mita monia.

TAWARIKH 1 5:20 ပူးပေါင်းရင်းမြစ်များ

KINOBAḺIAN 25:21

Popisí in ki Ribka diá nokouḻí kon adí, dá ki Ishak nosambayang kon i Tuhan sin motuḷung kon i buḷoinea. Bo inindongogandon i Tuhan in sambayang i Ishak, nodapot in ki Ribka sidiadon.

KINOBAḺIAN 49:19

Gad, iko in tubuon in mogogagow, tongá ikobí in bui mogagow kon i monia.

DATU MITA IMITÁNEA 22:32

Dá, naonda in inontong monia in ki Datu Yosapat, kai monia kamai dá siabí tua in datu in Israel. Tuamai in sinubu monia in sia. Táe kinumarak in ki Yosapat,

TAWARIKH 1 5:21

Popisí in parang tatua nobaḻí pinodoyon kon ibog i Allah, dá nobayong in musung in iḻimod monia. Mosia in nodomok doman kon 100.000 in intau, bo nogagow kon unta 50.000, domba 250.000 bo keledai 2.000. Nopaḷut mako kon tua mosia in nogutundon notantú kon butá tatua nodapot kon bangusa in Israel dinomok bo dinia kon pinoḷumbúan.

TAWARIKH 2 13:18

Intau in Yohuda nountung, sin mosia in nopongata kon i Tuhan, Allah in mogoguyang monia.

TAWARIKH 2 18:31

Dá naonda in mosia nokoontong kon i Datu Yosapat, kai monia kamai dá siabí tua in datu in Israel. Tuamai in sinubu monia in sia. Táe ki Yosapat in nomaḷú, bo sinuḷungan i Tuhan Allah in sia, bo nomurowdon kon pinonubuan tatua kon tampat ibanea.

TAWARIKH 2 20:12

Ikobí in ki Allah nami! Hukumdon in mosia, sin kami in diádon mokopongonu in monayow kon tontara inta mobayong tatua, inta monubu kon inami. Diábí kotaauan nami mongo onupa in pomiaan nami, tuamai in mamangoi in kami kon ini-Mu mokituḷung.”

TAWARIKH 2 26:7

Ki Allah in notuḷung kon inia nonaḷow kon intau in Pilistin, bo intau in Arab inta nogutun kon Gur-Baal bo intau in Meunim.

TAWARIKH 2 33:13

Ki Allah in nokidongog bo nogaid kon onu in pinoigum i Manasye bo nopobui kon inia minayá in Yerusalem sin momarenta bui. Popisí in onu inta nobaḻí tatua ki Manasye in noyakindon kon ki Tuhan in ki Allahbí.

EZRA 8:23

Dá nopuasadon in kami bo nosambayang kon i Allah nopoigum sinbá ḷukadan bo inindogogan-Nea doman in sambayang nami.

MAZMUR 37:39

Ki Tuhan in moposaḷamatbí in intau motoḷutui, bo moḷukad kon i monia kon tungkuḷ in mororiga.

MAZMUR 37:40

Sia in notuḷung bo noposaḷamat kon i monia, bo nopoḷagui kon i monia nongkon intau mita moraat, sin mosia in noniung kon i-Nia.

MAZMUR 46:1

Mazmur in inanakan i Korah. Kon i itoi in mododondong. Pinongin dondong Alamot.

MAZMUR 9:10

Ki Tuhan tua in pogogadopan in intau inta dinorot, tampat pononiungan kon dodai in mororiga.

IḶUAIAN 17:11

Aka tonggóon i Musa in ḻimanea, yo intau Israel in mountung. Táe aka popoponag i Musa in ḻimanea, yo intau in Amalek in mountung.

AMSAL 29:25

Moondok kon raian in intau, mokopoangoi kon roriga. Popirisaya kon i Tuhan, dá moamanbí in iko.

YEREMIA 39:18

Iko in diábí ḻimodon, sin Akuoi in moposaḷamatbí kon inimu. Nyawamu in mosaḷamatbí sin iko in inumandoḷ kon i-Nakó. Akuoi ki Tuhan, ain nosingog.”

DANIEL 6:23

Ki Allah in bobantung ain nopotabá in malaekatnea sin momompon kon bibig in singa mita tatua dá diábí in mosia nopoyagi-yagimai kon bobantung naa. Ki Allah in noposaḷamat kon bobantung sin kinotaauan-Nea kon bobantung naa in diábí nogaid kon noitaḷá kon i-Nia bo kon i Tuangku.”

NAHUM 1:7

Ki Tuhan tua in mopia, Sia in moḷukad kon umat-Nea kon tungkuḷ in mosia mosusa, Sia in moḷukad kon intau inta mamangoi kon i-Nia.

EPESUS 1:12

Koḻigai in kita inta muna-munamai moharap kon i Kristus, modayow kon i Allah sin oaidan-Nea inta totok in moḷoben!

YOSUA 10:14

Diábí kon dodai in onda in nobaḻí in ná singgai tatua, bo diá bidon bui mobaḻí in ná singgai tatua, kon ki Tuhan in dinumudui kon ibog in intau. Ki Tuhan notuḷung kon Israel noparang!

YOSUA 10:42

Tongá komintan noparang, ki Yosua nokotaḷowdon kon bayongan in datu tatua bo nogagow kon bayongan butá inta kon bonu in kawasa monia, sin ki Tuhan, Allah Israel, noparang noyotakin in Israel.

YOSUA 23:10

Intau tobatú nongkon sigad monimu mokotaḷowbí kon ribuan in intau, sin ki Tuhan Allahmubí in moparang kon kopiaan monimu, ná inta ain pinodandi-Nea.

SAMUEL 1 19:15

Táe bui i Saul pinotabá in mosia minayá intua sin moindoi moyotomatamai. Sia in nomarenta, “Diadon mangoi in sia kon naa, takin tosiugannea, sinbá ḻimodonku.”

SAMUEL 1 7:12

Nopaḷut mako kon tua ki Samuel noposindog in batu tobatú, kon pinosigadan in Mizpa bo Sen. Sia in noguman, “Ki Tuhan totu-totuudon notuḷung kon inaton.” – Bo batu tatua in sinangoiannea “Batu Pinotuḷungan”.