TAWARIKH 1 4:9 - Alkitab Singog In Mongondow Masa In Tanaa

⁹ Oyúon in ḷoḷaki tobatú tangoinea in ki Yabes; sia in ihoromat noiḻiu kon i utatnea mita. Sia in sinangoian i inánea ki Yabes, popisí in nororiga totok in ki inánea kon dodai in nopononggadí kon inia.

TAWARIKH 1 4:9 ပူးပေါင်းရင်းမြစ်များ

KINOBAḺIAN 3:16

Bo ki Tuhan in noguman kon bobay tatua, “Dugangan-Ku in rorigamu kon tungkuḷ in iko sidia bo kon dodai in iko mononggadí. Táe umpaka natua, iko in umuranbí doman mosiug moyotakin i buḷoimu, bo iko in tantúbí kon bonu in kawasanea.”

KINOBAḺIAN 34:19

Bo ki Sikhem noibogdon ḷagi dinumudui kon onu in sarat tatua popisí in totokdon ibognea kon i Dina. Kon sigad in bayongan ginaḷum motoḷuadí monia ki Sikhemdon naa inta totok in ihoromat monia.

KINOBAḺIAN 35:18

Táe ki Rahel diádon moonggot in matoi, bo naonda in sia mopobuitdon in tompot pangabisannea, sinangoiannea in adí tatua Ben-Oni táe ki amánea nonangoi kon inia ki Benyamin.

TAWARIKH 1 4:10

Táe ki Yabes in nosambayang kon i Allah inta sinumba in intau in Israel, kainia, “Oo Allah, barakataidon in akuoi bo pobanatdon in butáku. Oḻiungaidon in akuoi bo poyayúdon in bodito sinbá diá moyoyiga in akuoi.” Bo inindogogan i Allah in igumnea tatua.

TAWARIKH 1 4:8

Ki Anub bo ki Hazobeba in ki adí mita ḷoḷaki i Kos mogoguyang in inanakan buí i Aharhel adí i Harum.

TAWARIKH 1 7:23

Onda intua ki Epraim nosiug bui takin i buḷoinea, bo bobay tatua in nonogusian bui bo nopononggadí in adí ḷoḷaki tobatú. Sinangoian i Epraim in ki adínea tatua ki Beria, popisí in bodito inta kinoyitakan monia tua.

AMSAL 23:25

Igumon mako in ki amá bo ki inámu mopia in ginanea kon inimu; igumon mako in mosanangdon totok in bobay inta nopononggadí kon inimu.

YESAYA 43:4

Moḷoben in mangaḻemu kon tayowon-Ku, Akuoi in mohoromat bo motabi kon inimu; dá ogoi-Ku in intau nobaḻí toḻiumu, bangusa mita in nobaḻí toḻiu in nyawamu.

OUMAN IN RASUL MITA 17:11

Intau mita in Yahudi kon Berea mopia-pia nongkon intau mita in Yahudi kon Tesalonika. Takin sanang gina mosia in mokidongog kon habar soaḷ ki Yesus, bo pomuḷoi in singgai mosia inumuran mobaca kon Buk Motusi sin monarukira mongo totuu in sinundú i Paulus kon i monia tua.

SAMUEL 1 4:21

Adí tatua sinangoiannea ki Ikabod, kainia, “Koangoian i Allah Inta Momulia nobuḻidon nongkon Israel.” – Inta imakusudnea tua in Poti Dodandian aindon inagow bo ki nunutonnea takin ki buḷoinea minatoi domandon. Tuamai sia noguman, “Koangoian i Allah Inta Momulia nobuḻidon nongkon Israel, sin Poti Dodandian i Allah inagowdon.”