TAWARIKH 1 4:10 - Alkitab Singog In Mongondow Masa In Tanaa

¹⁰ Táe ki Yabes in nosambayang kon i Allah inta sinumba in intau in Israel, kainia, “Oo Allah, barakataidon in akuoi bo pobanatdon in butáku. Oḻiungaidon in akuoi bo poyayúdon in bodito sinbá diá moyoyiga in akuoi.” Bo inindogogan i Allah in igumnea tatua.

TAWARIKH 1 4:10 ပူးပေါင်းရင်းမြစ်များ

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

KINOBAḺIAN 12:8

Nopaḷut mako kon tua sia nongingguputdon kon bobayáannea nopobayá in toḷatan, kon butá inta notombu-tombuḷud kon dotá in pomukaan kon kotá in Betel, bo nogaid kon ḷoḷaigan kon sigad in Betel bo kotá in Ai: Betel kon dotá in toyopan bo Ai kon dotá in pomukaan. Kon tua sia in noposindog doman in mezbah tobatú bo nosumba kon i Tuhan.

KINOBAḺIAN 28:20

Bo nongibotdon in ki Yakub, “Aka ki Tuhan motuḷung bo mogoḻiung kon inakó kon binayáan tanaa bo poḷat mobogoi kon inakó in kaanon bo pakeang

KINOBAḺIAN 28:21

modapot in akuoi in mobuidon mangoi kon baḷoi amáku takin mosaḷamat, dá ki Tuhan in mobaḻí ki Allahku.

KINOBAḺIAN 32:26

Bo intau tatua in noguman, “Pomayádon mako akuoi mayá, sin mobayagdon in naa.” Ki Yakub in notubag, “Diábí pomayáku mako in ki Tuang tongá mayá mako natua, koḻikudbí in aka ki Tuang momarakatdon kon inakó.”

KINOBAḺIAN 32:27

“Ki ine in tangoimu?” intau tatua noḻibó. “Ki Yakub,” tubagnea.

KINOBAḺIAN 32:28

Intau tatua in noguman, “Tangoimu in deeman bidon ki Yakub. Iko noridomokdon takin i Allah bo takin intau, bo iko in nokountung; tuamai tangoimu in ki Israel bidon.”

KINOBAḺIAN 33:20

Onda intua sia in noposindog in mezbah kon tua bo sinangoiannea “El, Allah Israel”.

KINOBAḺIAN 48:16

Sia tuata in malaekat inta ain nomilat kon inakó nongkon bayongan bodito. Poigumon mako ki Allah tatua in momarakat kon adí mita tanaa. Poigumon mako umuran mobiag in tangoiku bo tangoi i Abraham bo i Ishak sin adí mita tanaa! Poigumon mako mosia in mononggadí mononggompu, bo momuí mobarong kon dunia naa.”

TAWARIKH 1 16:8

Posukurdon kon i Tuhan, potaaudon in kamuliaan-Nea, oumandon in oaidan-Nea kon sigad in bangusa mita.

TAWARIKH 1 4:11

Ki Kelub ki utat i Suha in kogadí kon ḷoḷaki tangoinea in ki Mehir. Ki adí i Mehir in ki Eston,

TAWARIKH 1 4:9

Oyúon in ḷoḷaki tobatú tangoinea in ki Yabes; sia in ihoromat noiḻiu kon i utatnea mita. Sia in sinangoian i inánea ki Yabes, popisí in nororiga totok in ki inánea kon dodai in nopononggadí kon inia.

AYUB 12:4

Akuoi naa in kinosingan in yobayat bo totakin, bokaka akuoi naa in nobanarbí bo diábí in taḷá. Dungkuḷmai sinubagan i Allah in sambayangku, aka akuoi mokuani mokituḷung.

MAZMUR 119:173

Igumon mako Iko in umuran moibog motuḷung kon inakó, sin sinantúkudon kon dumudui kon atorang-Mu.

MAZMUR 121:7

Ki Tuhan in moḷukadbí kon inimu nongkon anib, Sia in moḷukad kon inimu sinbá kobiaganmu in mosaḷamat.

MAZMUR 145:19

Sia in mopoḷungangabí in gina in intau inta motoguondok; Indongogan-Neabí in kuani monia bo moposaḷamat kon i monia.

MAZMUR 21:4

Iko in namangoi kon inia kodia-dia in barakat inta mobarong totok, bo nopoḷutud in mahkota buḷawan kon uḷunea.

MAZMUR 51:12

Baḻídon in ginaku naa modarit, o Allah, toimbagudon in ginaku takin ibog inta moroton.

MAZMUR 51:8

Iko in monuntut kon kototuḻid in gina; pogonúaidon in ginaku in hikmat-Mu.

MAZMUR 55:16

Biódon mako in musungku baḷúdon matoi bo kobia-biag moponag kon dunia in intau minatoi, sin aid inta moraat oyúon kon bonu in baḷoi monia, kon yua-yuak monia.

MAZMUR 65:2

Patusbí in kami modayow kon ini-Mu kon Sion, o Allah, bo mogintompod kon dandi nami kon ini-Mu.

MAZMUR 72:17

Igumon mako ki datu in umuran tano-tano bo modapot in mononoi, bo sia in modugangdon totok tango-tangoion kon tungkuḷ in mata in singgai tantúpa oyúon. Igumon mako bangusa mita in mopoigum in barakat naonda bo sia, bo bayongan in intau moguman kon mosanang totok in sia.

MAZMUR 99:6

Ki Musa bo ki Harun noitakin doman in imang-Nea mita, ki Samuel in intau tobatú inta nosambayang kon i-Nia. Mosia in nokuani kon i Tuhan, bo sinubagan-Nea.

AMSAL 10:22

Tongábí popisí in barakat i Tuhan dá intau in mobaḻí mooyúon; simiḷopí totok diábí mokodugang kon kaoyúonan.

AMSAL 30:8

Dika modapot in akuoi mopoyaput in tosingogon mita inta motombogá bo uboḷ, bo dika pomayá mako in akuoi mobaḻí bogá andeka mooyúon. Tongádon ogoiai in akuoi in onu inta pakéonku.

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 41:17

Aka bangusaku inta noiḷaḻe tua motayak kon tubig, bo sigogow monia in moingkag popisí in morogang, dá Akuoi, ki Tuhan, in motubagbí kon sambayang monia; Allah in Israel in diábí monaḷámai kon umat-Nea.

YEREMIA 33:3

“Pokuanidon kon i-Nakó, dá tubagan-Kubí; potaau-Kubí kon inimu in soaḷ mita inta mopia bo inta mokotongaw inta diápa kinotaauanmu.

MATIUS 26:75

Bo kinotoropandon i Petrus onu inta ain pinoguman i Yesus kon inia, “Wakutu in manuk diápa mokukú iko in kotoḷudon nomayow kon deeman murí-Ku.” Bo iḷumuai in sia, bo nongombaḷ sin norobonoḷ totok in ginanea.

MATIUS 6:13

Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’

LUKAS 19:42

Bo poḷat nosingog, “Kaasí uḻe, mopiadon totok aka singgai in naa bo kotaauanmudon in onu inta motaau mokopoangoi kon dodamean! Táe tanaa iko in diábí mokoontong.

YOHANES 10:28

Mosia tua in ogoian-Kubí in kobiagan mononoi, bo nopasti bidon kon diábí moputu-putú. Diábí tobatúmai intau in mokoagow kon i monia nongkon ḻima-Ku.

YOHANES 21:17

Intoḷuneadon ki Yesus in noḻibó kon inia, “Simon adí i Yohanes, motabi degá in iko kon i-Nakó?” Moajardon totok in gina i Petrus sin ki Yesus nodapot in kotoḷu in noḻibó kon inia. Dá ki Petrus in notubag bui, “Tuhan, kinotaauanbí i Tuhan in bayongan yagi-yagi. Kinotaauanbí i Tuhan kon akuoi in motabibí kon i Tuhan!” Bo ki Yesus in noguman kon inia, “Ḷukadaidon in domba-Ku mita.

OUMAN IN RASUL MITA 3:26

Tuamai in ki Allah nomiḻí kon simpaḷ-Nea, bo nopotabá kon i-Nia namangoi muna kon i monimu, sinbá Sia in momarakat kon i monimu. Nanaa in pomomarakat-Nea kon i monimu, pogogai-Neadon in moiko komintan in mogaid kon moraat ná inta biasamai aidan monimu.”

SURAT I PAULUS KON JAMAAT RUM 12:9

Kotabibí takin gina motuḻid. Poyayú inta moraat bo kadai kon onu inta mopia.

SURAT I PAULUS KON JAMAAT RUM 16:19

Bayongan in intau ain nonotaau kon ná onda in kotoindudui monimu kon totundú soaḷ Habar Mopia inta nongkon i Allah. Nokotaaumai kon natua in aid monimu, nopia totok in ginaku. Ibogonku mobijaksana in moiko in mogaid kon soaḷ mita inta mopia, bo diá motaau mogaid kon soaḷ mita inta moraat.

EPESUS 1:3

Dinayo-dayowdon in ki Allah, ki Amá i Tuhan naton ki Yesus Kristus! Sia ain nobogoi in barakat kon i naton, barakat rohani kon bonu in soroga, sin kita ain notobatú i Kristus.

EPESUS 3:20

Takin kawasa i Allah inta tantú moigonú kon bonu in gina naton, motaau in ki Allah mogaid kon mobayo-bayong nongkon onu inta motaau igumon andeka inta koraian naton.

EPESUS 4:30

Dika mopoajar kon gina in Roho i Allah. Sin moiko aindon sinontandaan-Nea sinbá mobaḻí kapunyaan i Allah. Bo Roho doman tatua inta mobaḻí jaminan, kon singgai pobebasan tatua in moiangoibí kon i monimu.

TIMOTIUS 2 4:18

Totuubí kon ki Tuhan in momilatbí kon inakó nongkon bayongan tomayá moraat, sahingga in diaan-Neabí in akuoi tumuot kon dodatuan-Nea kon soroga takin saḷamat. Tuamai in tantúbí dayow in Sia modapot in kopaḷutan dunia naa! Amin.

WAHYU 3:19

Intau mita inta kotabi-Ku, mosia tuata in toboḷowon-Ku bo sambokon-Ku. Manangka intua koropotdon in gina monimu bo pogogaidon in mogaid kon dosa mita.

SAMUEL 1 1:17

Bo ki Eli in noguman, “Aka natua yo pobuidon takin saḷamat. Igumon mako ki Allah in Israel mokidongog kon onu in pinoigummu.”

SAMUEL 1 1:20

Bobay tatua in nonogusian bo nopononggadí in adí ḷoḷaki tobatú. Sinangoiannea ki Samuel, gumannea, “Sia in pinoigumkudon kon i Tuhan.”

SAMUEL 1 1:26

Ki Hana in noguman kon i Eli, “Ampung, Amá. Kinotoropanpa i Amá in akuoi? Akuoi naa in bobay inta koḻipod inontong i Amá sinimindog kon naa, nosambayangmai kon i Tuhan.

SAMUEL 1 1:27

Adí tanaa inta inigumku kon i Tuhan. Sambayangku in sinubagandon,