TAWARIKH 1 3:15 - Alkitab Singog In Mongondow Masa In Tanaa

¹⁵ Ki Yosia in kogadí kon adí ḷoḷaki taya opat: ki Yohana, ki Yoyakim, ki Zedekia bo ki Yoahas.

TAWARIKH 1 3:15 ပူးပေါင်းရင်းမြစ်များ

DATU MITA 2 23:31

Ki Yoahas in umur 23 notaong kon dodai in sia nobaḻí datu in Yohuda, bo nomarenta in sia kon Yerusalem toḷu nobuḷan in koonggotnea. Ki inánea in ki Hamutal ki adí i Yeremia nongkon kotá in Libna.

DATU MITA 2 23:34

Onda intua ki datu Nekho in noduí kon i adí ḷoḷaki i Yosia inta ki Elyakim in tangoinea nobaḻí datu in Yohuda, bo binaḷuiannea in tangoi i Elyakim nobaḻí Yoyakim. Ki Yoahas in dinianea minayá in Mesir bo minatoi in sia kon tua.

DATU MITA 2 24:17

Onda intua ki Nebukadnezar noduí kon i Matanea pokuamáan i Yoyakhin, nobaḻí datu in Yohuda, bo nomaḷui kon tangoinea nobaḻí ki Zedekia.

TAWARIKH 1 3:16

Ki Yoyakin in kogadí kon adí ḷoḷaki doyowa tangoinea in ki Yoyakhin bo ki Zedekia.

TAWARIKH 2 36:1

Rayat in Yohuda nomiḻí bo noduí kon i Yoahas nobaḻí datu kon Yerusalem nonoḻiu kon i Yosia, ki amánea.

TAWARIKH 2 36:10

Kon pinoyoḻimbanan in taong, ki Datu Nebukadnezar nogakut kon i Yoyakhin pinobayá in Babel nobaḻí intau inta dinakop, bo pakakat mita inta koboḻi kon Baḷoi Tuhan in dinianea doman. Onda intua ki Nebukadnezar noduí kon i Zedekia, pokuamáan ki Yoyakhin, nobaḻí datu in Yohuda bo Yerusalem.

YEREMIA 1:3

Nopaḷut mako kon tua ki Tuhan in buidon nosingog kon inia nopobui-buimai, pinangkoi kon tungkuḷ in pinomarentaan i Yoyakin ki adí i Yosia nodapot in taong impuḷú bo mitánea kon pinomarentaan i Zedekia ki adí i Yosia. Kon buḷan iḻimanea kon taong tatua doman intau mita in Yerusalem inakut pinobayá in pinoḷumbúan.

YEREMIA 22:11

Soaḷ ki Yoahas, ki adí ḷoḷaki i Yosia, inta nobaḻí datu in Yohuda momaḷui kon i amánea, ki Tuhan in noguman nanaa, “Sia in minayádon nongkon naa, bo diá bidon mobui mangoi.

YEREMIA 22:18

Tuamai in soaḷ ki Yoyakin datu in Yohuda, ki adí ḷoḷaki i Yosia, ki Tuhan in noguman nanaa, “Kopatoiannea in diábí ombaḷan; diábí in moguman, ‘Adodoia kaasí, yobayatku, adodoia.’ Diábí in monogumatoi andeka momaḷú, ‘Kaasí in ki tuang datu!’

YEREMIA 24:8

Táe ki Zedekia datu in Yohuda, takin pojabat mita inta modagin kon inia, bo ki agat in intau in Yerusalem inta umuran nogutun kon bonu in butá tanaa andeka inta nomamping kon Mesir, mosia komintan in aidan-Kubí ná bungai in ara inta nongoburuk tanaa, inta diá motaau kaanon. Akuoi, ki Tuhan, ain nosingog.

YEREMIA 26:1

Naonda in ki Yoyakin ki adí ḷoḷaki i Yosia nobaḻí datu in Yohuda,

YEREMIA 37:1

Kon tungkuḷ in ki Nebukadnezar datu in Babel nopogogai kon i Yoyakhin ki adí i Yoyakim, sia in noduí kon i Zedekia ki adí i Yosia nobaḻí datu in Yohuda.