TAWARIKH 1 28:2 - Alkitab Singog In Mongondow Masa In Tanaa

² Ki Daud in sinimindog kon tayowon monia bo noguman, “Utatku mita inta tongobangusaku, indongogaipa! Noonggotdon in niatku moposindog in baḷoi tobatú sin potagúan kon Poti Dodandian, pomomuntukan i Tuhan Allah naton. Akuoi in nosadiadon kon moposindog in baḷoi tobatú tampat pososumbaan kon i-Nia.

TAWARIKH 1 28:2 ပူးပေါင်းရင်းမြစ်များ

KINOBAḺIAN 48:2

Naonda in kinodongogandon i Yakub kon ki Yusup namangoi, sinipunnea in bayongan ropotnea bo iḻimitú kon tosiugannea.

DATU MITA IMITÁNEA 1:47

Nodapot in bayongan porwira i datu ain minayá nopoyaput in tosingogon saḷamat kon i Datu Daud. Mosia in noguman, ‘Igumon mako ki Allah i tuang Datu in mopobaḻí kon i Salomo mobaḻí ponango-nangoian moiḻiu kon i tuang datu; igumon mako pomarentaan i Salomo in mopia-pia nongkon pomarentaan i tuang Datu.’ Onda intua kon tosiugannea, ki Datu Daud sinumungkud nosumba kon i Allah,

DATU MITA IMITÁNEA 5:3

“Datu Hiram Inta Momulia! Tantú kinotaauan bidon i Tuang kon ki amáku ki Daud in umuran pakisa moparang sin tubuonmai in musung nongkon butá mita inta kon diugmai nami. Bo popisí in ki Tuhan diápa nobogoi in kauntungan kon inia nongkon bayongan in musungnea, dá diápa in sia nokoposindog in tampat pososumbaan kon i Tuhan Allahnea.

TAWARIKH 1 17:4

“Bayádon bo pogumandon kon i Daud mogogundoi-Ku in koyow-Ku tanaa, ‘Deemanbí iko in moposindog in baḷoi kon i-Nakó.

TAWARIKH 1 22:14

Aka Baḷoi Tuhan tua, yo akuoi in noḷongasidon totok nosipun kon 3.400 noton in buḷawan bo noiḻiu kon 34.000 noton in saḷaka. Koḻikud intua oyúon in bitú bo uatoi inta diádon koiapan in kobayongnea. Kayu bo batu in sinadiaku domandon táe mustipa duganganmu.

TAWARIKH 1 22:6

Ki Daud in nogoiní kon i adínea ḷoḷaki, ki Salomo, bo nomarenta kon inia moposindog in Baḷoi kon i Tuhan Allah inta sinumba in umat in Israel.

TAWARIKH 1 22:7

Guman i Daud kon i Salomo, “Adíku, noonggotdon in akuoi nokoiniat moposindog in baḷoi tobatú sin mohoromat kon i Tuhan Allahku.

TAWARIKH 1 6:31

Pinangkoi kon Poti Dodandian pinamping kon tampat pooibadaan kon Yerusalem, ki Datu Daud in nomiḻídon kon intau mita inta kitogi totaau kon moindoi kon dondong podayow kon bonu in Baḷoi Tuhan.

TAWARIKH 2 6:7

Noiduduimai kon tua ki Salomo in noguman, “Ki amáku ki Daud ain nonomayá moposindog in baḷoi pooibadaan kon i Tuhan Allah in Israel.

MAZMUR 110:1

Mazmur i Daud. Ki Tuhan in noguman kon i tuangku, “Ḻitúdon kon dotá in koḷanan-Ku, modapot in musungmu mita potungkudon-Ku kon inimu.”

MAZMUR 132:14

Guman-Nea, “Kon tanaaya in pogogutunan-Ku modapot in mononoi, Akuoi in moibog momarenta kon tampat tanaa.

MAZMUR 132:2

Dikabí kaasí koḻiongan in sumbanea kon ini-Mu Tuhan, bo dandinea kon ini-Mu Inta Totok in moropot, Allah i Yakub.

MAZMUR 22:22

Akuoi in diádon mokopongonu, poḷuatdon in akuoi nongkon tungoi in bantong bo nongkon tunggi in singa.

MAZMUR 99:5

Poḷantudon in ki Tuhan Allah naton, dokódon kon tayowon in pomomarentaan-Nea. Mokudusbí in Sia!

YESAYA 60:13

Onu inta nobaḻí mokosanang kon kayuon in Libanon in akutonbí poangoi kon inimu kayu in berangan, ḷokuyú bo eru sin momia kon Baḷoi-Ku momulia, bo mopogaga in sosindogan-Ku.

YESAYA 66:1

Ki Tuhan in noguman, “Ḷangit in ḷoḻitúan-Ku pomarentaan, bo butá in tosindogan-Ku. Dá baḷoibí naonda in posindogonmu kon i-Nakó, bo tampat onu in pomiaanmu sin pogutunan-Ku?

OMBAḶ 2:1

Ki Tuhan in nogaid kon bonu in torú, Sion in inangkuban-Nea in sindip. Kamuliaan in Israel inta ná koḷantud in ḷangit, ain pinogonag-Nea kon butá. Kon dodai in ki Tuhan sinumorú, baḷoi-Nea kon Sion diá bidon pinandung-Neamai.

YEHEZKIEL 43:7

“Ei intau ilo-ilow, naa in ḷoḻitúan pomomarentaan-Ku. Kon naa in pogutunan-Ku kon yua-yuak in umat in Israel bo momarenta kon i monia modapot in mononoi. Pinomayá mosia, andeka datu mita monia, diá bidon in mongotor kon tangoi-Ku inta motusi pongin mosumba kon berhala andeka pongin moḷobong kon minatoi datu mita monia kon tampat tanaa.

MATIUS 25:16

Simpaḷ inta notarima kon ḻima noribu tua minayá, bo nopobaraguna in doit inta inogoi tatua dá nokouḻí in sia kon ḻima doman noribu bui.

OUMAN IN RASUL MITA 7:49

‘Ḷangit in tampatbí pomomarentaan-Ku, bo butá in pomomuntukan-Ku. Dá baḷoipabí onu in pomiaan monimu kon i-Nakó? Kon ondabí in tampat pogogaian-Ku?

ULANGAN 17:15

Tarukiradon kopira sinbá intau inta baḻíon monimu datumu tua in intaubí inta piniḻí i Tuhan Allahmu. Sia in musti intau inta nongkon bangusamu tontaní; dika moduí kon intau ango-angoi tobatú mobaḻí datumu.

ULANGAN 17:20

Aka umurannea intua bacaan, dá diábí in sia monganggap kon sia in mopia-pia kon intau mita tobangusanea, bo diábí ḻimimpat kon parenta i Tuhan naondaka in oaidnea. Bo sia takin buínea in momarenta kon bangusanea modapot kon adí bo ompu.”