TAWARIKH 1 28:12 - Alkitab Singog In Mongondow Masa In Tanaa

¹² Ki Daud in nobogoi doman in bayongan tomayá inta ain irainea sin pogaidan kon bosínea takin gopot mita inta kon ḻibunea, bo pogaidan kon gudang mita inta posipunan kon touḷut in Baḷoi Tuhan bo gudang mita pototagúan kon oogoi kon i Tuhan.

TAWARIKH 1 28:12 ပူးပေါင်းရင်းမြစ်များ

DATU MITA IMITÁNEA 14:26

Sia in nogagow kon bayongan pakakat mita inta koboḻi inta oyúon kon Baḷoi i Tuhan bo kon komaḻig i datu, bo kaḻeaw doman mita inta buḷawan inta pinomia i Salomo.

DATU MITA IMITÁNEA 15:15

Bayongan in buḷawan bo saḷaka inta ain pinosumba i amánea kon i Tuhan, dinianea kon Baḷoi Tuhan, ná doman tua in buḷawan bo saḷaka inta sosumbanea tontaní.

DATU MITA IMITÁNEA 15:18

Tuamai in ki Datu Asa nogamá kon bayongan in buḷawan bo saḷaka inta kon bonupa in Baḷoi Tuhan bo kon komaḻig in datu bo pinoki dianea kon Damsyik kon i Benhadad datu in Siria, adí i Tabrimon, inta ki ompu i Hesion. Pakakat mita tatua in pinoki dia pinongin tongonumai in intau moḷoben kon komaḻig, takin koyow nanaa,

DATU MITA IMITÁNEA 7:51

Naonda in ki Datu Salomo nopaḷut noposindog in Baḷoi Tuhan, sinagúnea kon bonu in gudang mita in baḷoi tatua in bayongan saḷaka, buḷawan, bo pakakat mita ibanea inta ain pinosumba i Daud ki amánea kon i Tuhan.

DATU MITA 2 16:8

Ki Ahas in nogamá doman kon buḷawan bo saḷaka nongkon Baḷoi Tuhan, takin kapunyaan in komaḻig, bo pinoki dia nobaḻí tombuinag kon i datu in Asyur tatua.

DATU MITA 2 18:15

Tuamai, bayongan in saḷaka kon Baḷoi i Tuhan bo kon bonu in kas in komaḻig pinoki atod i Hizkia kon Sanherib.

TAWARIKH 1 26:20

Intau mita ibanea kon bonu in suku Lewi in inogoian oaidan moḷukad kon kapunyaan kon bonu in Baḷoi Tuhan bo kon gudang inta pinotagúan kon bayongan in oogoi kon i Allah.

TAWARIKH 1 28:11

Nopaḷut mako kon tua ki Daud in noposarakadon kon i Salomo in tomayá mogaid kon Baḷoi Tuhan, gudangnea mita, bayongan in gopotnea, bo yuang Inta Totok in Motusi, tampat pongongampungan kon dosa.

TAWARIKH 1 28:19

Bo ki Datu Daud in noguman, “Bayongan intua in kon bonu bidon in tomayá inta ain pinais podudui in topotundú inta inogoi i Tuhan tontaní sin aidan.”

IḶUAIAN 25:40

Ḷukadai sinbá sioḷ in totuduan togá tatua pomiaan podudui kon onu inta ain pinoontong kon inimu kon tudu in buḷud tanaa.”

IḶUAIAN 31:2

“Piniḻí-Kudon in ki Bezaleel adí i Uri, ompu i Hur nongkon suku i Yohuda,

YEREMIA 35:2

“Bayádon poyosingog in intau mita inanakan i Rekhab. Diadon in mosia kon yuang tobatú kon bonu in Baḷoi-Ku, bo tugungaidon in anggur kon i monia.”

YEHEZKIEL 40:2

Kon oontongon tobatú, ki Allah in nodia kon inakó minayá in butá in Israel pinobayá in buḷud inta totok in moḷantud. Kon tayowonku inontongku in totampat in bangunan inta ná batangan in kotá tobatú.

YEHEZKIEL 40:38

Kon dangkuḷon kon ḷuai oyúon in gopot tobatú indugangnea kon bonawang bonunea kon dotá in utuan. Nongkon gopot indugangnea tatua oyúon in ngara tobatú inta nopobayá ná yuang moḷoben. Kon tuata in pogingguan kon mahaḷuk mita inta pakéon mobaḻí kuruban payongon.

IBRANI 8:5

Oaidan inta inaidan monia tua saḷaku imang sabanarnea in tongábí gambaran bo oḻinow in onu inta kon soroga. Tua ain bidon pinotaau i Allah kon i Musa koḻipod, kon wakutu in sia noposindog in Ḷoḷaigan i Tuhan. Nanaa in guman i Allah kon i Musa, “Pokotorop! Tua komintan in mustibí pomiaanmu podudui in gambar inta pinoontong-Ku kon inimu kon tudu in buḷud.”