TAWARIKH 1 28:11 - Alkitab Singog In Mongondow Masa In Tanaa

¹¹ Nopaḷut mako kon tua ki Daud in noposarakadon kon i Salomo in tomayá mogaid kon Baḷoi Tuhan, gudangnea mita, bayongan in gopotnea, bo yuang Inta Totok in Motusi, tampat pongongampungan kon dosa.

TAWARIKH 1 28:11 ပူးပေါင်းရင်းမြစ်များ

DATU MITA IMITÁNEA 6:3

Kon dotá in muna in Baḷoi Tuhan tua oyúon in baḷoinea inta kobanatnea in 4,5 nometer bo kooḷadnea in 9 nometer, ná kooḷad in baḷoi tatua.

TAWARIKH 1 28:12

Ki Daud in nobogoi doman in bayongan tomayá inta ain irainea sin pogaidan kon bosínea takin gopot mita inta kon ḻibunea, bo pogaidan kon gudang mita inta posipunan kon touḷut in Baḷoi Tuhan bo gudang mita pototagúan kon oogoi kon i Tuhan.

TAWARIKH 1 28:19

Bo ki Datu Daud in noguman, “Bayongan intua in kon bonu bidon in tomayá inta ain pinais podudui in topotundú inta inogoi i Tuhan tontaní sin aidan.”

TAWARIKH 2 5:7

Nopaḷut mako kon tua imang mita noponuotdon in Poti Dodandian tatua kon Baḷoi Tuhan bo inukat kon ḻimonagan in patong kerub kon bonu in Yuang Inta Totok in Motusi.

NEHEMIA 13:5

Ki Elyasib in nobogoi in gopot moḷoben tobatú kon i Tobia inta sabanarnea in sinondíbí sin potagúan kon sosumba gandum, kamania, pakakat mita inta pakéon kon Baḷoi Tuhan, sosumba inta ogoi kon imang mita, persepuluhan gandum, anggur bo ḷana zaitun, inta silaion kon intau mita in Lewi, kon mogogogitog in musik bo moḷoḷukad kon ngara in Baḷoi Tuhan.

IḶUAIAN 25:40

Ḷukadai sinbá sioḷ in totuduan togá tatua pomiaan podudui kon onu inta ain pinoontong kon inimu kon tudu in buḷud tanaa.”

IḶUAIAN 25:9

Ḷoḷaigan bo touḷutnea musti pomiaan monia podudui in tomayá inta bain tundúon-Ku kon inimu.”

IḶUAIAN 26:30

Posindogdon in Ḷoḷaigan tatua podudui in tomayá inta pinoontong-Ku kon inimu kon tudu in buḷud tanaa.

YEREMIA 35:2

“Bayádon poyosingog in intau mita inanakan i Rekhab. Diadon in mosia kon yuang tobatú kon bonu in Baḷoi-Ku, bo tugungaidon in anggur kon i monia.”

YEHEZKIEL 40:15

Sigad nongkon bonawang kon dotá in ḷuai noidapot kon dinding in yuang moḷoben kon dotá inta noitayow kon Baḷoi Tuhan in doyowa nopuḷú boḻima nometer.

LUKAS 21:1

Kon Baḷoi Tuhan tatua, ki Yesus in nokoontong kon intau mita inta nooyúon nopobonu in doit kon kas inta pobobonuan kon sosumba.

IBRANI 8:5

Oaidan inta inaidan monia tua saḷaku imang sabanarnea in tongábí gambaran bo oḻinow in onu inta kon soroga. Tua ain bidon pinotaau i Allah kon i Musa koḻipod, kon wakutu in sia noposindog in Ḷoḷaigan i Tuhan. Nanaa in guman i Allah kon i Musa, “Pokotorop! Tua komintan in mustibí pomiaanmu podudui in gambar inta pinoontong-Ku kon inimu kon tudu in buḷud.”