TAWARIKH 1 26:31 - Alkitab Singog In Mongondow Masa In Tanaa

³¹ Itoi in buí i Hebron in ki Yeria. Kon taong inggopat nopuḷú kon pinomarentaan i Datu Daud inaidandon in pinonaridian kon bui i Hebron. Kon pinonaridian tatua noniata magí kon sigad monia tua oyúon in tontara mita inta mongotorindog inta nogutun kon Yazer kon bonu in butá in Gilead.

TAWARIKH 1 26:31 ပူးပေါင်းရင်းမြစ်များ

SAMUEL 2 5:4

Ki Daud umur toḷu nopuḷú notaong kon dodai in sia nobaḻí datu, bo nomarenta in sia opat nopuḷú notaong in koonggotnea.

DATU MITA IMITÁNEA 2:11

Sia in nobaḻí datu kon bonu in opat nopuḷú notaong: Pitu notaong in kon Hebron, bo toḷu nopuḷú botoḷú notaong in kon Yerusalem.

TAWARIKH 1 23:19

Ki Hebron, adí i Kehat nogintoḷu, in kogadí kon adí ḷoḷaki opat: ki Yeria in guya-guyang, noiduduimai in ki Amarya, ki Yehaziel bo ki Yekameam.

TAWARIKH 1 29:27

opat nopuḷú notaong in koonggotnea. Kon Hebron sia in nomarenta pitu notaong bo kon Yerusalem toḷu nopuḷú bo toḷu notaong in koonggotnea.

TAWARIKH 1 6:81

Hesybon bo Yaezer.

YESAYA 16:9

Tanaa inombaḷanku in pangkoi in anggur Sibma ná pinongongombaḷku kon Yaezer. Akuoi in nononggoḷuá kon Hesybon bo Eleale, sin bungai in pinomuḷanea kinaan komintan in musung.

YOSUA 13:25

Butá monia tua in nongkon Yaezer bo bayongan kotá in Gilead bo tongobotak nongkon butá in bangusa in Amon nodapot kon kinoouput in Aroër kon dotá in pomukaan Raba;