TAWARIKH 1 26:20 - Alkitab Singog In Mongondow Masa In Tanaa

²⁰ Intau mita ibanea kon bonu in suku Lewi in inogoian oaidan moḷukad kon kapunyaan kon bonu in Baḷoi Tuhan bo kon gudang inta pinotagúan kon bayongan in oogoi kon i Allah.

TAWARIKH 1 26:20 ပူးပေါင်းရင်းမြစ်များ

DATU MITA IMITÁNEA 14:26

Sia in nogagow kon bayongan pakakat mita inta koboḻi inta oyúon kon Baḷoi i Tuhan bo kon komaḻig i datu, bo kaḻeaw doman mita inta buḷawan inta pinomia i Salomo.

DATU MITA IMITÁNEA 15:18

Tuamai in ki Datu Asa nogamá kon bayongan in buḷawan bo saḷaka inta kon bonupa in Baḷoi Tuhan bo kon komaḻig in datu bo pinoki dianea kon Damsyik kon i Benhadad datu in Siria, adí i Tabrimon, inta ki ompu i Hesion. Pakakat mita tatua in pinoki dia pinongin tongonumai in intau moḷoben kon komaḻig, takin koyow nanaa,

DATU MITA IMITÁNEA 7:51

Naonda in ki Datu Salomo nopaḷut noposindog in Baḷoi Tuhan, sinagúnea kon bonu in gudang mita in baḷoi tatua in bayongan saḷaka, buḷawan, bo pakakat mita ibanea inta ain pinosumba i Daud ki amánea kon i Tuhan.

TAWARIKH 1 18:11

Ki Datu Daud in noposumba in bayongan tombuinag tatua kon i Tuhan sin pakéon kon bonu in upacara ibada. Natua doman in inaidannea kon pakakat mita buḷawan bo saḷaka inta ain inagownea nongkon i Hadadezer bo bangusa mita inta sinaḷownea, tuata in bangusa Edom, Moab, Amon, Pilistin bo Amalek.

TAWARIKH 1 26:19

Natuata in pinososilai kon oaidan moḷukad kon inanakan i Korah bo inanakan i Merari.

TAWARIKH 1 26:21

Ki Ladan in adí ḷoḷaki tobatú i Gerson; sia in nopomuí in tongonumai nopaanan in inanakan, noitakin doman in inanakan i Yehiel ki adínea.

TAWARIKH 1 26:22

Ki adí mita i Yehiel, inta ki Zetam bo ki Yoël, in inogoian oaidan kon moindoi kon gudang mita bo soaḷ doit mita kon Baḷoi Tuhan.

TAWARIKH 1 26:24

Ki Sebuel nongkon inanakan i Gersom, ki adí i Musa in nobaḻí moḷoḷukad kon kaoyúonan in Baḷoi Tuhan.

TAWARIKH 2 8:15

Bayongan in topotundú i Daud kon imang mita bo kon intau mita in Lewi soaḷ ontag mita bo soaḷ mita ibanea, dinuduiannea kinotoḷutui.

EZRA 2:69

Mosia in nobogoi in sumbangan podudui in komampuan tontaní bo nouḻímagi komintan in 500 nokilo in buḷawan, 2.800 nokilo in saḷaka, bo mogatut in jubah kon imang mita.

EZRA 8:28

Akuoi in noguman kon imang mita tatua, “Moiko in sinondídon sin mogaid kon bonu in Baḷoi Tuhan, Allah inta sinumba in mogoguyang naton, natua doman in pakakat saḷaka bo buḷawan inta pinosumba kon i Tuhan in sinantú bidon kon tongá kon i Tuhan.

NEHEMIA 12:44

Kon dodai intua tongonumai intau in pinoki ḷukadan in gopot mita inta pinotagúan kon tongkaaḷ tampat pototagúan kon sumbangan mita ogoi kon Baḷoi Tuhan, noitakin doman in sosumba mopuḷú noporosen bo bungai in boyó inta dungkuḷ kon pomuḷoi in taong. Moḷoḷukad mita tatua in kitogi totaau mosipun kon sumbangan mita tatua nongkon gobá mita kon diugmai in kotá mita. Sumbangan mita tatua in ogoi monia kon imang mita bo intau mita i Lewi, podudui in atorang in Hukum. Intau mita in Yohuda mohoromatbí kon imang mita bo intau mita in Lewi tatua,

MALEAKHI 3:10

Diadon in mopuḷú noporosenmu komintan kon Baḷoi-Ku sinbá oyúon in kaanon mobayong totok kon tua. Tungkuḷaidon in Akuoi, dá ontongbí monimu kon Akuoi in momukat kon ḷoḻingkop mita in soroga bo mobogoi kon i monimu in bayongan inta mopia.

PINOGIAPAN 8:26

Mopaḷut mako kon tua sia in motaaudon mobantung kon intau in Lewi ibanea mako inta mogaid kon oaidan monia kon bonu in Ḷoḷaigan-Ku, táe diá bidon in oaidannea inta motantú. Natua in pononantú kon oaidan in intau mita in Lewi.”