TAWARIKH 1 26:17 - Alkitab Singog In Mongondow Masa In Tanaa

¹⁷ Pomuḷoi in singgai kon dotá in pomukaan onom in moḷoḷukad, kon dotá in utuan opat bo kon dotá in toḷatan opat. Gudang mita inta pototagúan kon bayongan in yagi-yagi in iḷukadan in intau opat: tododoyowa in intau kon gudang tobatú

TAWARIKH 1 26:17 ပူးပေါင်းရင်းမြစ်များ

TAWARIKH 1 26:16

Ki Supim bo ki Hosa in nokouḻí kon bonawang kon dotá in toyopan bo bonawang Syalekhet inta kon daḷan motakod. Oaidan moḷukad tua in sinompia námai tua dá umuran oyúon in moḷukad kon bonawang.

TAWARIKH 1 26:18

Kon Pavilyun kon dotá in toyopan pinoki ḷukad kon intau opat moḷoḷukad kon daḷan bo doyowa in moḷoḷukad kon pavilyun tua.

TAWARIKH 1 9:24

Opat in bonawang: tobatú kon dotá in utuan; tobatú kon dotá in toḷatan; tobatú kon dotá in pomukaan bo tobatú doman kon dotá in toyopan. Kon batúan in ngara tatua sinampatdon in intau in Lewi inta nobaḻí tongguḷu in moḷoḷukad.

TAWARIKH 2 31:14

Ki Kore ki adí i Yimna, intau in Lewi tobatú inta nobaḻí itoi in moḷoḷukad kon Bonawang Pomukaan kon Baḷoi Tuhan, inogoian in oaidan motarima kon oogoi mita inta pinosumba kon i Tuhan, bodongka mosilai.

TAWARIKH 2 8:14

Podudui kon atorang mita i Daud ki amánea, ki Salomo in nonantú kon oaidan pomuḷoi in singgai in imang mita bo intau mita in Lewi inta musti mopodondong in dondong dodayow kon i Tuhan bo mobantung kon imang mita mopobayá in upacara mita ibada. Bo moḷoḷukad mita doman in Baḷoi Tuhan in sinilainea kinolompok sin moḷukad kon batúan in bonawang, pinodudui in topotundú i Daud mogogundoi i Allah.

NEHEMIA 12:25

Intau mita inta moḷoḷukad mita kon ngara mita in Baḷoi Tuhan inta pinoki ḷukadan in gopot mita inta pototagúan kon kaanon kon diug in ngara in Baḷoi Tuhan in ki Matanya, ki Bakbukya, ki Obaja, ki Mesulam, ki Talmon bo ki Akub.