TAWARIKH 1 25:1 - Alkitab Singog In Mongondow Masa In Tanaa

¹ Noiduduimai kon tua, ki Datu Daud bo itoi mita in intau in Lewi in nomiḻí kon inanakan i Lewi sin mopobayá in oaidan upacara mita in ibada, noiduduimai naa in tangoi monia: ki Asap, ki Heman bo ki Yedutun. Mosia in inogoian in oaidan mopotaau in koyow nongkon i Allah takin kokuti-kuti in musik kecapi, gambus bo simbal. Bo mobaḻí itoi kon ibada bo upacaranea in kon batúannea, piniḻí in paanan mita noiduduimai naa:

TAWARIKH 1 25:1 ပူးပေါင်းရင်းမြစ်များ

DATU MITA IMITÁNEA 10:12

Kayu tatua in inaidan i Salomo bonoboi mita kon Baḷoi Tuhan bo kon komaḻig in datu; bo inaidan doman kecapi bo gambus kon intau mita mododondong. Kayu mita tatua in kayu mita sondana inta totok in mongopia inta nokoimontandon dinia mangoi kon Israel, diádon kon dodai in onda in intau nokoontong kon kayu ná kopia in kayu tatua.)

DATU MITA 2 3:15

Tanaa in diádon mangoi in intau tobatú inta motaau mopogogitog in kecapi.” Kon dodai in intau tatua mopogogitogmai in kecapinea, ki Elisa in kinawasa in Roho i Tuhan,

TAWARIKH 1 13:8

bo ki Daud takin bangusa in Israel notayok bo nodondong takin pia totok in gina, sin mohoromat kon i Allah bo sinakinan in kecapi, rebana, simbal bo torompet.

TAWARIKH 1 15:28

Bayongan umat in Israel minayá dinumudui kon Poti Dodandian noidapot in Yerusalem takin giow pia in gina, singog in torompet, napiri, simbal bo kecapi.

TAWARIKH 1 23:2

Ki Datu Daud in nosipun kon bayongan itoi in Israel, imang mita bo intau mita in Lewi,

TAWARIKH 1 25:2

Ki adí ḷoḷaki i Asap taya opat: ki Zakur, ki Yusup, ki Netanya bo ki Asarela. Itoi monia in ki Asap, inta mopotaau in koyow nongkon i Allah, aka pokiaidan i datu.

TAWARIKH 1 25:3

Ki adí ḷoḷaki i Yedutun inta taya onom: ki Gedalya, ki Zeri, ki Yesaya, ki Simei, ki Hasabya bo ki Matica. Kon bonu in tongganut i amá monia, mosia in mopotaau in koyow nongkon i Allah takin kokuti-kuti in musik kecapi, bo mosia in mopodondong in dondong dodayow bo sukur kon i Tuhan.

TAWARIKH 1 25:9

Intau inta 288 tatua in sinilai kon bonu in 24 notonsilai podudui kon batúan in motoḷuadí monia. Batúan in tonsilai kobayongnea in 12 in intau kon bonu in tongganut in intau tobatú. Naa in tundugan tangoi monia podudui in undian: 1. Ki Yusup motoḷuadí i Asap 13. Ki Subael 2. Ki Gedalya 14. Ki Matica 3. Ki Zakur 15. Ki Yeremot 4. Ki Yizri 16. Ki Hananya 5. Ki Netanya 17. Ki Yosbekasa 6. Ki Bukia 18. Ki Hanani 7. Ki Yesarela 19. Ki Maloti 8. Ki Yesaya 20. Ki Eliata 9. Ki Matanya 21. Ki Hotir 10. Ki Simei 22. Ki Gidalti 11. Ki Azareel 23. Ki Mahaziot 12. Ki Hasabya 24. Ki Romamti-Ezer

TAWARIKH 1 6:16

Ki Lewi in kogadí kon adí ḷoḷaki toḷu, inta ki Gerson, ki Kehat bo ki Merari.

TAWARIKH 1 6:33

Pipidan in pinomuían in intau mita inta inogoian in oaidan tatua in noiduduimai naa: Nongkon inanakan i Kehat: ki Heman adí i Yoël. Sia in nobaḻí itoi kon intau mita inta mododondong inta imitánea. Pipidan in pinomuían nongkon ḻimonag bo pinoonik nodapot kon i Yakub in: ki Heman, ki Yoël, ki Samuel,

TAWARIKH 1 6:39

Ki Asap in itoi kon intau mita inta mododondong inta nogindua. Pipidan in pinomuían nongkon ḻimonag pinodamonik nodapot kon i Lewi: Ki Asap, ki Berekhya, ki Simea,

TAWARIKH 1 6:44

Ki Etan in nobaḻí itoi kon intau mita inta mododondong inta nogintoḷu; sia in nongkon inanakan i Merari. Pipidan in pinomuíannea nongkon ḻimonag bo pinodamonik nodapot kon i Lewi: ki Etan, ki Kisi, ki Abdi, ki Malukh,

TAWARIKH 1 9:33

Tongosilai intau in Lewi inta ibanea in mopobayá in oaidan nobaḻí mododondong kon Baḷoi Tuhan. Tongguḷu mita in motoḷuadí monia in nogutun kon tongonumai in baḷoi kon Baḷoi Tuhan. Mosia in diábí inogoian in oaidan ibanea, sin mosia in mogaidbí doḷom bo singgai.

TAWARIKH 2 23:1

Kon taong impitunea ki Imang Yoyada in nonantúdon kon oyúon in aidannea. Noyosingogdon in sia takin in porwira taya ḻima, ki Azarya ki adí i Yeroham, ki Ismael ki adí Yohanan, ki Azarya ki adí i Obed, ki Maaseya ki adí i Adaya, bo ki Elisapat ki adí i Zikhri.

TAWARIKH 2 23:13

Inontongnea in datu inta mobagu tatua sinimindog kon ngara tumuot kon Baḷoi Tuhan, kon tampat inta pinoduían kon inia, iḻibu in porwira mita bo intau inta mogogirup kon torompet. Bayongan in rayat norogiow nopia-pia in gina poḷat doman nogirup kon torompet, bo intau mita inta mogogogitog in musik kon Baḷoi Tuhan dinumudui doman noginrame kon pinoramean tatua takin nopomaké in pakakat mita in musik monia. Takin sakí in gina ki Atalya nomerak kon ḷambungnea bo nomaḷú, “Bangkang! Bangkang!”

TAWARIKH 2 23:18

Bo ki Yoyada in nopotabá kon imang mita bo intau in Lewi moindoi kon oaidan kon Baḷoi Tuhan podudui in tonsilai in oaidan inta ain sinantú i Datu Daud. Mosia in mustibí moposumba in kuruban payongon kon i Tuhan – podudui in hukum mita i Musa – pongin porayaan takin dondong mita ná inta ain sinantú i Daud.

TAWARIKH 2 23:9

Ki Yoyada in nosilai kon porwira mita tatua in pandong bo kaḻeaw kapunyaan i Datu Daud inta sinagú kon Baḷoi Tuhan.

TAWARIKH 2 31:2

Ki Datu Hizkia in nonantúdon bui kon paanan mita in imang mita bo intau in Lewi podudui in tonsilai in oaidan monia. Oaidan mita tatua in soaḷ mita inta noiduduimai naa: moposumba in kuruban payongon bo kuruban dodamean, mopobayá in upacara ibada kon Baḷoi Tuhan, bo modayow poḷat mopoyaput in sukur kon i Tuhan kon bayongan tampat kon bonu in Baḷoi Tuhan.

TAWARIKH 2 34:12

Intau mita inta nonompia tatua totu-totuubí kon motuḻid in gina. Mosia in sinongganutan in intau in Lewi taya opat: ki Yahat bo ki Obaja nongkon inanakan i Merari, bo ki Zakharia bo ki Mesulam inta nongkon inanakan i Kehat. Intau mita in Lewi, inta komintan mopia mogogitog in musik,

TAWARIKH 2 35:15

Intau mita inta mongopandoi totok mopogogitog in musik nongkon inanakan i Asap inta kon bonu in suku i Lewi in kon tampatdon pogogaidan monia inta ain sinantú i Datu Daud kon i monia. Naa in tangoi mita monia: ki Asap, ki Heman, bo ki Yedutun, nabi tobatú inta nogaid kon kopontingan in datu. Moḷoḷukad mita kon bonawang mita in diá bidon paraḷu monaḷámai kon poḷoḷukadan monia sin mosia in motaaubí morame kon Paska kon tampat pogogaidan monia poḷat binantungan in intau mita in Lewi ibanea.

TAWARIKH 2 8:14

Podudui kon atorang mita i Daud ki amánea, ki Salomo in nonantú kon oaidan pomuḷoi in singgai in imang mita bo intau mita in Lewi inta musti mopodondong in dondong dodayow kon i Tuhan bo mobantung kon imang mita mopobayá in upacara mita ibada. Bo moḷoḷukad mita doman in Baḷoi Tuhan in sinilainea kinolompok sin moḷukad kon batúan in bonawang, pinodudui in topotundú i Daud mogogundoi i Allah.

EZRA 6:18

Bo inta pinaké kon pinogundoian kon bonu in Baḷoi Tuhan mosia in nopoyotondí kon imang mita bo intau mita in Lewi podudui in atorang inta pinais kon bonu in buk i Musa.

NEHEMIA 12:24

Kon bonu in tongganut i Hasabya, i Serebya, i Yesua, i Binui bo ki Kadmiel, intau mita in Lewi sinilai kon bonu in paanan mita. Pomuḷoi mako doyowa nopaanan in modayow kon i Tuhan bo mopoyaput in sukur kon i-Nia mositubagan, podudui in atorang i Datu Daud, mogogundoi i Allah tua.

NEHEMIA 12:27

Naonda in dinding Yerusalem sinoguḷapatandon, intau mita in Lewi in inoiní nongkon bayongan in tampat pinogutunan monia, sinbá dumudui moporame kon tua takin dondong sukur monia mopomaké in musik in gambus bo kecapi.

MAZMUR 81:2

Podondongdon in dondong dodayow kon i Allah, ropot naton, porogiowdon takin sanang in gina kon i Allah i Yakub.

MAZMUR 81:3

Tobogdon in rebana, pododondongdon in dondong, kutidon in gambus bo kecapi kopiaan.

YEHEZKIEL 40:44

Onda intua ḷoḷaki tatua in nodia kon inakó minayá in dangkuḷon kon bonunea. Kon tua oyúon in los doyowa, tobatú in kon sí in bonawang utuan bo noitayow in toḷatan, bo inta tobatú doman in kon sí in bonawang toḷatan bo noitayow in utuan.

SAMUEL 1 10:5

Mopaḷut mako kon tua iko in musti mayá in buḷud i Allah kon Gibea, tampat pinononḷoḷaigan in intau in Pilistin. Kon ngara tumuot in kotá, iko in moyodungkuḷdon in nabi mita inta mosiḻig nongkon buḷud pobobogoian kon kuruban. Mosia in motayok bo morogiow, mopogogitog in gambus, rebana, bansí bo kecapi.