TAWARIKH 1 24:5 - Alkitab Singog In Mongondow Masa In Tanaa

⁵ Sin pinomayá kon bonu in buí i Eleazar andeka kon bonu in buí i Itamar oyúon in pojabat mita in Baḷoi Tuhan bo itoi mita in agama, dá kon mosilai kon oaidan in nomaké in undian.

TAWARIKH 1 24:5 ပူးပေါင်းရင်းမြစ်များ

TAWARIKH 1 24:31

Kon dodai in mosia mopobayá in oaidan monia, kon batúan in tongguḷu in motoḷuadí takin ki ai-ainea tobatú inta ḷoḷaki morabut kon undi ná inta inaidan in ginaḷum monia, inta imang mita buí i Harun. Porabutan kon undi tatua inindoian mako i Datu Daud takin i Zadok, i Ahimelek bo tongguḷu mita in motoḷuadí nongkon golongan in imang mita bo nongkon golongan in intau in Lewi.

TAWARIKH 1 24:4

Buí i Itamar in sinilai nobaḻí waḷu notonsilai, bo buí i Eleazar in nobaḻí mopuḷú bo onom notonsilai, sin kon bonu in buí i Eleazar nobarong in ḷoḷaki tongguḷu in motoḷuadí.

TAWARIKH 1 25:8

Bo aka monantú kon wakutu monia mogaid, dá morabutbí in mosia komintan kon undi, pinomayá inta nobagupa andeka inta ain nogurang, pinomayá inta ain kopongalaman andeka inta bagupa mobalajar.

TAWARIKH 1 26:13

Kon batúan in inanakan pinomayá inanakan inta mobarong andeka inanakan inta moyakag, morabut kon undi sin monotaau mongo bonawang táonda in poḷukadan monia.

TAWARIKH 2 35:8

Pogawai mita i Yosia in nobogoi doman in sumbangan kon imang mita, bo intau in Lewi nongkon bayongan in rayat. Pogawai mita inta inogoian in oaidan kon Baḷoi Tuhan, inta ki Imang Moḷoben ki Hilkia, bo ki Zakharia, bo ki Yehiel, taya toḷu tua in tumpaḷabí nobogoi kon imang mita in 2.600 in ki adí in domba bo bembé inta batáneapa bo 300 in sapi koḷakian sin nobaḻí sosumba kon poramean tatua.

AMSAL 16:33

Popisí in monotaau kon ukur, intau mopogonik in undi, táe inta motubag in tongábí ki Tuhan tontaní.

YESAYA 43:28

Imangmu mita in nopokotordon in baḷoi-Ku. Dá Israel in inogoi-Ku sin poompáanmai, buí i Yakub in pinomayá-Kudon mako iyompat.”

YUNUS 1:7

Naonda in ki Yunus bo mododia kon kapaḷ tatua nopoonik, intau mita in kapaḷ tatua in nosigumanan, “Igai bá mopogonik in undi in kita sinbá kotaauan naton mongo ki ine in kotaḷá nodapot in kinoantugan in bodito tanaa!” Mosia in nopogonik in undi, bo tangoi i Yunus in kinotugatan.

MATIUS 26:3

Kon dodai intua imang mita itoi bo guhanga mita in ḻipú intau Yahudi noyosipun kon palas i Kayapas, imang moḷoben.

MATIUS 27:1

Naonda in modiugdon mobayag, bayongan imang itoi bo guhanga in ḻipú intau in Yahudi noyosipun bo nonantúdon kon moḻimod kon i Yesus.

OUMAN IN RASUL MITA 1:26

Onda intua mosia nopogonik in undi, bo ki Matias in kinopiḻían. Dá sia in binaḻí rasul pinodugang kon rasul inta mopuḷú bo mita tua.

OUMAN IN RASUL MITA 4:1

Kon wakutu in ki Petrus bo ki Yohanes koyogotpa in nongonguman takin in intau moantó kon tua, indoianmai yo imang mita itoi bo itoi in moḷoḷukad kon Baḷoi Tuhan takin intau mita in Saduki namangoidon kon i monia kon tua.

OUMAN IN RASUL MITA 4:6

Mosia in noyodungkuḷ i Imang Moḷoben ki Hanas bo ki Kayapas, ki Yohanes, bo ki Aleksander takin bayongan intau inta buí mita in imang moḷoben.

OUMAN IN RASUL MITA 5:24

Naonda itoi moḷoḷukad kon Baḷoi Tuhan bo imang mita itoi nokodongog kon onu inta pinoguman monia tua, mosia in noondok bo poḷat noḻibó mongo onu in nobaḻí kon rasul mita tatua.

YOSUA 18:10

Bo nopogonik in undi in ki Yosua sin monotaau kon onu in sinantú i Tuhan kon i monia. Nopaḷut mako kon tua ki Yosua nobogoi in tonsilai butá kon batúan in suku bangusa Israel inta diápa nokouḻí kon tonsilai butá.