TAWARIKH 1 24:19 - Alkitab Singog In Mongondow Masa In Tanaa

¹⁹ Tangoi in intau mita tatua in pinais pinodudui in wakutu monia tumuot kon Baḷoi Tuhan bo mopobayá in oaidan monia kon ibada inta ain sinantú i Harun, mogoguyang monia, podudui in parenta i Tuhan, Allah in Israel.

TAWARIKH 1 24:19 ပူးပေါင်းရင်းမြစ်များ

TAWARIKH 1 24:1

Ki Harun in kogadí kon adí ḷoḷaki opat: ki Nadab, ki Abihu, ki Eleazar bo ki Itamar. Ki Nadab bo ki Abihu in minatoi noiuna kon i amá monia bo diápa kogadí. Tuamai in ki Eleazar bo ki Itamar inta ki utat monia in nobaḻí imang. Ki Daud in nosilai kon buí i Harun kon bonu in tongonu notonsilai podudui in oaidan monia. Kon bonu in oaidan podudui in kolompó tatua ki Daud in binantungan i Zadok buí i Eleazar bo i Ahimelek buí i Itamar.

TAWARIKH 1 24:20

Koḻikud intua kon bonu in buí i Lewi noituotpa kon tongguḷu mita in motoḷuadí mita noiduduimai naa: Ki Yehdea, buí i Amram nongkon pipidan in buí i Subael; Ki Yisia, buí i Rehabya; Ki Yahat, buí i Yizhar nongkon pipidan in buí i Selomot; Ki Yeria, ki Amarya, ki Yehaziel bo ki Yekameam ki adí mita i Hebron podudui in umur monia; Ki Samir, buí i Uziel nongkon pipidan in buí i Mikha; Ki Zakharia, buí i Uziel nongkon pipidan in buí i Yisia utat i Mikha; Ki Mahli, ki Musi, bo ki Yaazia, buí i Merari.

TAWARIKH 1 6:34

ki Elkana, ki Yeroham, ki Eliel, ki Toah,

TAWARIKH 1 9:25

Ginaḷum monia inta nogutun kon ḻipú mita, mobantung kon i monia moyo-moyoḷuan – tumongo diminggu in koonggotnea.

TAWARIKH 2 23:4

Naa in musti aidan naton: Aka imang mita bo intau mita in Lewi mopaḷutdon mopobayá in oaidan monia kon singgai in Sabat, mosia in diápabí motaau mobui. Silaion toḷu bo tongosilai nongkon i monia in musti tumakin moḷukad kon bonawang mita in Baḷoi Tuhan,

TAWARIKH 2 23:8

Parenta i Yoyada tatua inaidan in intau mita in Lewi bo rayat in Yohuda. Intau mita inta noiḷuatdon kon oaidan kon singgai in Sabat diápa inogoi nobui. Dá bayongan in porwira motaau mopotabá in intau pinomayá inta noiḷuat kon oaidan andeka inta mosia inta bagupa sinumuot sin mopobayá in oaidan monia.

LUKAS 1:8

Kon singgai tobatú, wakutu in kolompó i Abia naa nokouḻí kon tonsilai tumuot kon Baḷoi Tuhan, dá ki Zakharia in minayá bo nogaid kon oaidan in imang kon tayowon i Allah.

KORINTUS 1 14:40

Tua komintan in musti aidan kopiaan bo kotompiaan.

IBRANI 7:11

Wakutu in imang mita intau in Lewi nobaḻí itoi, hukum agama in Yahudi inogoi kon umat Israel, sin kon tungkuḷ intua imang mita intau in Lewi in diá mokotoindudui totok kon onu inta musti pomiaan monia, manangka intua musti oyúon imang ibanea, inta ná tai Imang Melkisedek, bo mosia naa in deemanbí nongkon kolompó i Imang Harun.