TAWARIKH 1 23:6 - Alkitab Singog In Mongondow Masa In Tanaa

⁶ Sinilai i Daud in intau in Lewi tatua nobaḻí toḷu notonsilai podudui in inanakan monia, tuata in inanakan i Gerson, i Kehat bo i Merari.

TAWARIKH 1 23:6 ပူးပေါင်းရင်းမြစ်များ

TAWARIKH 1 23:7

Ki Gerson in kogadí kon adí ḷoḷaki doyowa: ki Ladan bo ki Simei.

TAWARIKH 1 24:1

Ki Harun in kogadí kon adí ḷoḷaki opat: ki Nadab, ki Abihu, ki Eleazar bo ki Itamar. Ki Nadab bo ki Abihu in minatoi noiuna kon i amá monia bo diápa kogadí. Tuamai in ki Eleazar bo ki Itamar inta ki utat monia in nobaḻí imang. Ki Daud in nosilai kon buí i Harun kon bonu in tongonu notonsilai podudui in oaidan monia. Kon bonu in oaidan podudui in kolompó tatua ki Daud in binantungan i Zadok buí i Eleazar bo i Ahimelek buí i Itamar.

TAWARIKH 1 26:1

Naa in tonsilai in oaidan kon intau mita in Lewi moḷoḷukad kon Baḷoi Tuhan. Nongkon inanakan i Korah sinundú in ki Meselemya ki adí i Kore nongkon motoḷuadí i Ebyasap.

TAWARIKH 1 28:13

Bo inogoinea domandon in tomayá kon mopoyosilai kon imang mita bo intau mita in Lewi, soaḷ oaidan mita inta musti aidan monia, tuata in oaidan monia kon Baḷoi Tuhan bo poḷoḷukad kon bayongan in pakakat in ibada.

TAWARIKH 1 6:1

Ki Lewi in kogadí kon adí ḷoḷaki toḷu: ki Gerson, ki Kehat bo ki Merari.

TAWARIKH 1 6:16

Ki Lewi in kogadí kon adí ḷoḷaki toḷu, inta ki Gerson, ki Kehat bo ki Merari.

TAWARIKH 2 23:18

Bo ki Yoyada in nopotabá kon imang mita bo intau in Lewi moindoi kon oaidan kon Baḷoi Tuhan podudui in tonsilai in oaidan inta ain sinantú i Datu Daud. Mosia in mustibí moposumba in kuruban payongon kon i Tuhan – podudui in hukum mita i Musa – pongin porayaan takin dondong mita ná inta ain sinantú i Daud.

TAWARIKH 2 29:25

Podudui in topotundú mita inta inogoi i Tuhan kon i Daud pinongin i Nabi Gad, inta nogaid kon i datu bo pinongin i Nabi Natan, ki datu in nonampatdon kon intau mita in Lewi kon Baḷoi Tuhan sin mopogogitog in kecapi bo gambus,

TAWARIKH 2 31:2

Ki Datu Hizkia in nonantúdon bui kon paanan mita in imang mita bo intau in Lewi podudui in tonsilai in oaidan monia. Oaidan mita tatua in soaḷ mita inta noiduduimai naa: moposumba in kuruban payongon bo kuruban dodamean, mopobayá in upacara ibada kon Baḷoi Tuhan, bo modayow poḷat mopoyaput in sukur kon i Tuhan kon bayongan tampat kon bonu in Baḷoi Tuhan.

TAWARIKH 2 35:10

Naonda in komintandon nosadiadon kon poramean kon Paska, imang mita bo paanan mita in intau in Lewi nogamá kon tampatnea-tampatnea ná inta pinarenta i datu.

TAWARIKH 2 35:4

Posadiadon kon Baḷoi Tuhan podudui in paananmu, podudui in tonsilai oaidan inta ain sinantú kon inimu i Datu Daud bo i Datu Salomo ki adínea ḷoḷaki.

TAWARIKH 2 8:14

Podudui kon atorang mita i Daud ki amánea, ki Salomo in nonantú kon oaidan pomuḷoi in singgai in imang mita bo intau mita in Lewi inta musti mopodondong in dondong dodayow kon i Tuhan bo mobantung kon imang mita mopobayá in upacara mita ibada. Bo moḷoḷukad mita doman in Baḷoi Tuhan in sinilainea kinolompok sin moḷukad kon batúan in bonawang, pinodudui in topotundú i Daud mogogundoi i Allah.

EZRA 6:18

Bo inta pinaké kon pinogundoian kon bonu in Baḷoi Tuhan mosia in nopoyotondí kon imang mita bo intau mita in Lewi podudui in atorang inta pinais kon bonu in buk i Musa.

PINOGIAPAN 3:17

Ki Lewi kogadí kon ḷoḷaki toḷu: ki Gerson, ki Kehat bo ki Merari. Mosia tua in nobaḻí mogoguyang in inanakan mita inta sinangoi podudui in tangoi monia. Ki Gerson kogadí kon ḷoḷaki doyowa: ki Libni bo ki Simei. Ki Kehat kogadí kon ḷoḷaki opat: ki Amram, ki Yizhar, ki Hebron bo ki Uziel. Ki Merari kogadí kon ḷoḷaki doyowa: ki Mahli bo ki Musi. Mosia tua in nobaḻí mogoguyang in koluarga mita inta sinangoian podudui in tangoi monia.

PINOGIAPAN 3:3

Mosia binaḻí imang pinongin upacara pinomutakan in ḷana kon uḷu.

PINOGIAPAN 4:4

Oaidan monia tua in monoinut bo monompia kon pakakat mita inta totok motusi.